ប្រទេសជប៉ុន ៖ ក្រសួងសុខាភិបាលជប៉ុនរាយការណ៍កាលពីថ្ងៃទី៥ កុម្ភៈនេះថា មនុស្សយ៉ាងតិច១០នាក់ ដែលស្ថិតក្នុងនាវាកម្សាន្តយក្សមួយ ត្រូវអាជ្ញាធរដាក់ឲ្យនៅដាច់ពីគេ ក្រោយរកឃើញមានឆ្លងវីរុសកូរ៉ូណាថ្មី។ បែបនេះនាំឲ្យចំនួនមនុស្សរកឃើញឆ្លងវីរុសនេះនៅជប៉ុនឡើងដល់៣៣នាក់ហើយ។ អាជ្ញាធរជប៉ុនបានសម្រេចដាក់នាវានោះឈ្មោះDIAMOND…
ប្រទេសជប៉ុន ៖ ក្រសួងសុខាភិបាលជប៉ុនរាយការណ៍កាលពីថ្ងៃទី៥ កុម្ភៈនេះថា មនុស្សយ៉ាងតិច១០នាក់ ដែលស្ថិតក្នុងនាវាកម្សាន្តយក្សមួយ ត្រូវអាជ្ញាធរដាក់ឲ្យនៅដាច់ពីគេ ក្រោយរកឃើញមានឆ្លងវីរុសកូរ៉ូណាថ្មី។ បែបនេះនាំឲ្យចំនួនមនុស្សរកឃើញឆ្លងវីរុសនេះនៅជប៉ុនឡើងដល់៣៣នាក់ហើយ។
អាជ្ញាធរជប៉ុនបានសម្រេចដាក់នាវានោះឈ្មោះDIAMOND PRINCESSដែលមកដល់ ឆកវ៉ូកូហាម៉ា ជិតក្រុងតូក្យូ កាលពីយប់ថ្ងៃទី៣កុម្ភៈ ឲ្យនៅដាច់ពីគេជាមួយមនុស្ស៣.៧១១នាក់ ក្នុងនោះមានអ្នកដំណើរ២.៦៦៦នាក់ និងសមាជិកក្រុមនាវិក១.០៤៥នាក់។
វិធានការនោះត្រូវបានសម្រេច បន្ទាប់ពីការធ្វើតេស្តរកឃើញលទ្ធផលវិជ្ជមាននៃការឆ្លងវីរុសកូរ៉ូណា លើអ្នកដំណើរអាយុ៨០ឆ្នាំម្នាក់មក។ អ្នកដំណើររូបនេះបានឡើងនាវាពីក្រុងហុងកុងកាលពីថ្ងៃទី២៥មករា។
នាវានោះចាកចេញពីក្រុងយូកូហាម៉ានាថ្ងៃទី២០មករា បានទៅឈប់សំចតនៅក្រុងកាហ្គោស៊ីម៉ាភាគខាងត្បូងជប៉ុន វៀតណាម តៃវ៉ាន់និងកោះអូគីណាវ៉ាជប៉ុន៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ