ស្ថានភាពអាពាធសម្តេចសង្ឃរាជ ទេព វង្ស ក្រោយសម្រាកព្យាបាលនៅប្រទេសវៀតណាម
- ភ្នំពេញ
រាជធានីភ្នំពេញ ៖ កាលពីរសៀលថ្ងៃទី៣១ ខែមករា ឆ្នាំ២០២០ សម្តេចព្រះអគ្គមហាសង្ឃរាជាធិបតី កិត្តិឧទ្ទេសបណ្ឌិត ទេព វង្ស សម្តេចព្រះមហាសង្ឃរាជ…
រាជធានីភ្នំពេញ ៖ កាលពីរសៀលថ្ងៃទី៣១ ខែមករា ឆ្នាំ២០២០ សម្តេចព្រះអគ្គមហាសង្ឃរាជាធិបតី កិត្តិឧទ្ទេសបណ្ឌិត ទេព វង្ស សម្តេចព្រះមហាសង្ឃរាជ…
រាជធានីភ្នំពេញ ៖ កាលពីរសៀលថ្ងៃទី៣១ ខែមករា ឆ្នាំ២០២០ សម្តេចព្រះអគ្គមហាសង្ឃរាជាធិបតី កិត្តិឧទ្ទេសបណ្ឌិត ទេព វង្ស សម្តេចព្រះមហាសង្ឃរាជ នៃព្រះរាជាណាចក្រកម្ពុជា ទ្រង់បានយាងមាតុភូមិនិវត្តន៍ មកដល់ព្រះរាជាណាចក្រកម្ពុជាវិញហេីយបន្ទាប់ពីទ្រង់បានសម្រាកព្រះកាយព្យាបាលព្រះរោគ នៅឯមន្ទីពេទ្យរដ្ឋ នៃសាធារណៈរដ្ឋសង្គមនិយមវៀតណាម ។
ទទួលថ្វាយព្រះរាជដំណេីរ យាងមាតុភូមិនិវត្តន៍ របស់សម្តេចជាអម្ចាស់ នៅអាកាសយានដ្ឋានអន្តរជាតិភ្នំពេញ ច្រកពិសេស រួមមានសម្តេច ព្រះសង្ឃ ព្រមទាំងព្រះមន្ត្រីសង្ឃ សមណនិស្សិត សមណសិស្ស រួមនឹងមន្ត្រីជាន់ខ្ពស់ក្រសួងធម្មការ និងសាសនា ជាច្រើនទៀត ។
បើទោះជាសម្តេចសង្ឃ ទ្រង់អាពាធព្យាធិមួយចំនួន ដែលចាំបាច់អោយវិជ្ជបណ្ឌិតឯកទេស ពិនិត្យព្យាបាល ព្រះអង្គនៅតែឆ្លៀតបំពេញផ្សព្វផ្សាយពុទ្ឋសាសនា ភាពរីកចម្រើនរបស់វិស័យព្រះពុទ្ឋសាសនា ដល់ប្រជាជនវៀតណាម ។ ទាំងនេះជាការលើកកម្ពស់វិស័យពុទ្ធសាសនា មិនថាក្នុងនិងក្រៅប្រទេស ក្នុងន័យចេះជួយថែរក្សាការពារ និងផ្តល់ឱវាទដល់ប្រជាជនគ្រប់ជាតិសាសន៏ចេះស្រឡាញ់រាប់អានគ្នាកសាងអ្វីជាសន្តិភាពទៅវិញទៅមក ។
យោងតាមអាការៈព្រះកាយរបស់ព្រះអង្គ រងអាពាធផ្នែកតំរងនោមដោយក្រុម លោកគ្រូពេទ្យនាប្រទេសវៀតណាមសម្រួលការព្យាបាលបានធូរស្បើយច្រើន ។ ក្រៅពីនេះព្រះអង្គបានវះកាត់ភ្នែក ដើម្បីសម្រួលការទត អោយបានប្រសើរ ។ យ៉ាងណាមិញ ព្រះសង្ឃរាជនៅបន្តចាកចេញទៅពិនិត្យតាមដាមរោគអាពាធ នៅប្រទេសវៀតណាមតាមស្ថានការជាក់ស្តែង ។ ជាទម្លាប់ព្រះអង្គគឺយាងទៅសម្រាកកាយព្យាបាលព្រះរោគ នៅប្រទេសវៀតណាម មិនមានទៅប្រទេសណាទៀតនោះទេ ខណៈខាងមន្ទីរពេទ្យវៀតណាមទទួលស្វាគមន៏យ៉ាងយកចិត្តទុកដាក់កក់ក្តៅ ។
ពុទ្ធបរិស័ទទាំងក្នុងនិងក្រៅប្រទេស ពេលទទួលដំណឹងការយាងមកដល់មាតុប្រទេសវិញ ម្នាក់ៗបួងសួង ដល់វត្ថុស័កសិទ្ឋិលើលោកបីបាច់ថែរក្សា សម្តេចសង្ឃ ទេព វង្ស ពោរពេញដោយព្រះសុខភាពល្អ ដើម្បីបន្តដឹកនាំវិស័យព្រះពុទ្ធសាសនាខ្មែរយើងបន្តទៀត ៕
កែសម្រួលដោយ ៖ សំណាង
ចែករំលែកព័តមាននេះ