ខេត្តតាកែវ ៖ បុរសម្នាក់សង្ស័យថា ត្រូវគេវាយបណ្តាលឱ្យបាត់បង់ជីវិតរួចយកមកទម្លាក់ចោល ត្រូវ
បានគេប្រទះឃើញដោយមានសភាពស្អុយរលួយទៅហើយ ធ្វើឱ្យភ្ញាក់ផ្អើលមនុស្សទៅចោមរោមមើលគ្រប់ៗគ្នា កាលពីវេលាម៉ោង០៧ និង៣០នាទីព្រឹក ស្ថិតក្នុងភូមិផ្សារតាកោ សង្កាត់រកា ក្នុងក្រុងដូនកែវ ខេត្តតាកែវ ជាប់របងពីខាងលិចមន្ទីរសុខាភិបាលខេត្ត ។ បច្ចុប្បន្ន សមត្ថកិច្ចបាននិងកំពុងស្វែងរកពីអត្តសញ្ញាណ និងស្វែងរកសាច់ញាតិ បើមានអ្នកបាត់សមាជិកគ្រួសារ អាចមកពិនិត្យនិងទំនាក់ទំនងមកនគរបាលក្រុងដូនកែវ។
សេចក្តីរាយការណ៍ឱ្យដឹងថា សពបុរសខាងលើ មានសភាពស្អុយរលួយមើលមិនស្គាល់ភិនភាគឡើយ តែគាត់មានស្លៀកខោប៉ារ៉ា អាវយឺតពណ៌ប្រផេះ និងពាក់មួកមួយ ។ សមត្ថកិច្ចជំនាញបច្ចេកទេស រួមជាមួយនិងអាជ្ញាធរភូមិឃុំ និងគ្រូពេទ្យ បានកំពុងតែចុះពិនិត្យស្ថានភាពនៅជុំវិញកន្លែងកើតហេតុ នៅមិនទាន់សន្និដ្ឋានថា ជាករណីអ្វីនូវឡើយទេ តែការសន្និដ្ឋានជាបឋមមើលតាមភិនភាគ និងកន្លែងកើតហេតុ គឺអាចជាករណីគេវាយសម្លាប់ ព្រោះមានរៀបក្រដាសកេសឡាំងសពផ្ងារមុខ ។
នេះគ្រាន់តែជាការសន្និដ្ឋានបឋមតែប៉ុណ្ណោះ។ គ្រូពេទ្យចុះពីនិត្យជាក់ស្តែងនោះបាននិយាយថា ភិនភាគអ្នកបាត់បង់ជីវិតរូបនេះ សង្ស័យរយៈជាង១០ថ្ងៃមកហើយ ។ ព័ត៌មានបន្ថែមនឹងមានផ្សាយជូនបន្ត ។
ចែករំលែកព័តមាននេះ