ជាទូទៅពេលដែលមនុស្សគិតពីការងារដែលប្រាក់ខែខ្ពស់ៗពួកគេប្រហែលជាគិតដល់តំណែង CEO ក្រុមហ៊ុនធំៗ ឬអាជីវករដែលគ្រប់គ្រងអាជីវកម្មដោយខ្លួនឯងជាដើម ។ ប៉ុន្តែនៅជុំវិញពិភពលោកយើងនេះមានការងារចម្លែកៗជាច្រើនដែលផ្តល់ប្រាក់ខែស្ទើរតែខ្ពស់ជាងប្រាក់ខែរបស់អ្នកជោគជ័យជាច្រើនថែមទៀត ។
ការងារទាំងនេះមានដូចជា៖
១. Hacker៖
អ្នកប្រហែលជាបានមើលភាពយន្តជាច្រើនដែល Hacker ជាឧក្រឹដ្ឋជនដែលត្រូវបានតាមចាប់ដោយអាជ្ញាធរ ។ ប៉ុន្តែបច្ចុប្បន្ននេះប្រសិនបើអ្នកជាមនុស្សស្រលាញ់កុំព្យូទ័រ និងមានសមត្ថភាពក្នុងការ Hack កម្មវិធី ឬគេហទំព័ររបស់ក្រុមហ៊ុនធំៗនោះ អ្នកអាចរកលុយបានដោយស្របច្បាប់បានយ៉ាងងាយ ។ ក្រុមហ៊ុនជាច្រើនទូទាំងពិភពលោកផ្តល់ថវិកាដល់ Hacker ដែលអាចរកឃើញបញ្ហាក្នុងកម្មវិធី ឬប្រព័ន្ធនានារបស់ពួកគេ ហើយ Hacker មួយចំនួនអាចរកប្រាក់បានដល់ទៅ ១០ម៉ឺនដុល្លារក្នុងមួយឆ្នាំ ។
២. អ្នកគ្រប់គ្រងគណនីលើប្រព័ន្ធសង្គម៖
អ្នកធ្លាប់អាន Caption របស់អ្នកដទៃលើ Facebook ឬប្រព័ន្ធសង្គមដទៃ និងគិតថាមនុស្សម្នាក់នោះប្រហែលជាមនុស្សដែលមានចំណេះដឹងខ្ពង់ខ្ពស់ ឬមនុស្សដែលកំប្លែងគួរឲ្យចូលចិត្តទេ? មនុស្សម្នាក់នោះប្រហែលជាបានជួលឲ្យអ្នកដទៃគ្រប់គ្រងគណនីឲ្យពួកគេទេ ។ នៅទីក្រុងញូយ៉ក អ្នកដែលដើរគ្រប់គ្រងគណនីប្រព័ន្ធសង្គមរបស់អ្នកដទៃអាចរកចំណូលបានប្រមាណ ៩០០ដុល្លារក្នុងមួយខែឯណោះសម្រាប់បុគ្គលដែលល្បីៗ ឬអាជីវកម្មដែលព្យាយាមរកវិធីផ្សព្វផ្សាយផលិតផលខ្លួនជាដើម ។
៣. អ្នកដើររើសកូនហ្គោហ្វ៖
ជាទូទៅមានតែអ្នកមានទ្រព្យសម្បត្តិស្តុកស្តម្ភទេដែលជាអ្នកលេងកីឡាហ្គោហ្វជាប្រចាំ ហើយបញ្ហាមួយដែលពួកគេតែងតែជួបប្រទះ គឺការបាត់កូនហ្គូហ្វជាទីស្រលាញ់របស់ខ្លួន ។ ដោយហេតុដូចនេះ មានមនុស្សមួយចំនួនស្ម័គ្រចិត្តមុខទឹកក្នុងបឹង និងដើរឆ្ការព្រៃដើម្បីរកកូនបាល់តូចៗទាំងនោះលើទីលាន ។ មនុស្សមួយចំនួនអាចរកបានដល់ទៅរាប់លានដុល្លារដោយគ្រាន់តែធ្វើការងារនេះ ៕ កែសម្រួលដោយ ៖ សុឃាក់
ចែករំលែកព័តមាននេះ