ខេត្តព្រះសីហនុ ៖ គិតមកត្រឹមព្រលប់ថ្ងៃទី២៨ មករា ឆ្នាំ២០២០ មន្ត្រីរដ្ឋបាលខេត្តព្រះសីហនុបញ្ជាក់ថា រកឃើញមានអ្នកឆ្លងជំងឺរលាកសួតប្រភេទថ្មី(វីរុសកូរ៉ូណា)តែម្នាក់ប៉ុណ្ណោះ មិនឃើញមានចំនួនអ្នកឆ្លងជំងឺប្រភេទនេះកើនឡើងដូចប្រភពចចាមអារ៉ាមមួយចំនួននោះទេ។ ចំពោះស្ថានភាពទូទៅនៅខេត្តព្រះសីហនុក្នុងថ្ងៃទី២៨ មករា…
ខេត្តព្រះសីហនុ ៖ គិតមកត្រឹមព្រលប់ថ្ងៃទី២៨ មករា ឆ្នាំ២០២០ មន្ត្រីរដ្ឋបាលខេត្តព្រះសីហនុបញ្ជាក់ថា រកឃើញមានអ្នកឆ្លងជំងឺរលាកសួតប្រភេទថ្មី(វីរុសកូរ៉ូណា)តែម្នាក់ប៉ុណ្ណោះ មិនឃើញមានចំនួនអ្នកឆ្លងជំងឺប្រភេទនេះកើនឡើងដូចប្រភពចចាមអារ៉ាមមួយចំនួននោះទេ។
ចំពោះស្ថានភាពទូទៅនៅខេត្តព្រះសីហនុក្នុងថ្ងៃទី២៨ មករា ឆ្នាំ២០២០នេះ ក្រៅពីអប់រំផ្សព្វផ្សាយអោយប្រជាពលរដ្ឋ និងសិស្សានុសិស្សប្រុងប្រយត្ន័ពីរបៀបការពារការពីចម្លងមេរោគ តាមរយៈការពាក់ម៉ាស់ និងការលាងសម្អាតដៃជាមួយនឹងសាប៊ូ ឬទឹកថ្នាំជាដើមនោះ អាជ្ញាធរមិនមានប្រកាសបិទសាលារៀន ទីផ្សារឬចរាចរណ៍ពាណិជ្ជកម្មទូទៅឡើយទេ ដោយនៅដំណើរការជាធម្មតា ។
ចំពោះបុរសជនជាតិចិនម្នាក់ដែលឆ្លងវីរុសនេះ អាជ្ញាធរសុខាភិបាលបានរៀបចំគ្រប់គ្រងដាក់ក្នុងបន្ទប់ដាច់ដោយឡែក ជាមួយនឹងការតាមដានការវិវត្តន៍នៃជំងឺនោះយ៉ាងយកចិត្តទុកដាក់។
ទោះបីជាយ៉ាងនេះក្តី ដោយសារតែមានការព្រួយបារម្ភ ទើបនៅថ្ងៃទី២៨ មករាដដែលនេះ ពលរដ្ឋខ្លះក៏បានផ្អាកមិនអោយកូនចៅទៅសាលារៀន ផ្អាកការធ្វើដំណើរទេសចរណ៍ និងមានកន្លែងលក់ដូរ ឬលក់អាហារមួយចំនួនក្នុងក្រុងព្រះសីហនុបានបិទទ្វារផ្អាកជាបណ្តោះអាសន្នដែរ តែសម្រាប់តាមស្រុក ដូចជាស្រុកព្រៃនប់ ការលក់ដូរ និងកាសិស្សា គឺនៅដំណើរការជាធម្មតា គ្រាន់តែមានការពាក់ម៉ាស់ស្ទើរគ្រប់គ្នា ជាពិសេសកម្មករ-កម្មការីនី មានការពាក់ម៉ាស់ច្រើន រហូតផ្សារវាលរេញលក់ម៉ាស់ស្ទើរអស់ពីស្តុក ៕ (កែសម្រួលដោយ ៖ ធីតា)
ចែករំលែកព័តមាននេះ