ខេត្តកណ្តាល ៖ សេចក្តីរាយការណ៍បឋមបានឲ្យដឹងថា គិតត្រឹមព្រឹកនេះ សាកសពនារី២នាក់ លិចទូកក្នុងទន្លេមេគង្គបានរកឃើញហើយ ដោយនគរបាលស្រុកមុខកំពូលបានឲ្យដឹងថា នៅថ្ងៃទី២៨ ខែមករានេះបានរកឃើញក្នុងទន្លេមេគង្គ ពេលទៅលេងកោះស្នេហ៌ាជិះលើសចំណុះ ។
នារីខាងលើដែលបានបាត់បង់ជីវិតមានឈ្មោះ យឿង ស្រីពេជ្រ អាយុ១៨ឆ្នាំ ជនជាតិខ្មែរ មុខរបរក្រឡុកស្រា មានទីលំនៅភូមិឃ្លាំងសាំង សង្កាត់គីឡូម៉ែត្រលេខ៦ ខណ្ឌឬស្សីកែវ រាជធានីភ្នំពេញ និងឈ្មោះស្រីណា អាយុ១៨ឆ្នាំ មានទីលំនៅខណ្ឌឫស្សីកែវ រាជធានីភ្នំពេញ ។
គួររំលឹកថា ៖ នារីស្រស់ស្អាត២នាក់ ជិះទូកទៅលេងកោះស្នេហ៌ាចៃដន្យអាក្រក់លិចទូកក្នុងទឹកទន្លេ បានបាត់បង់ជីវិតតែម្តង ដែលហេតុការណ៌នេះបានកើតឡើងនៅថ្ងៃទី២៦ ខែមករានេះ វេលាម៉ោង១៦និង៣០នាទី នៅចំណុចក្នុងទន្លេរមេគង្គ ស្ថិតនៅក្នុងភូមិពាម ឃុំរការកោង១ ស្រុកមុខកំពូល ខេត្តកណ្ដាល ។
លោកវរសេនីយ៍ ឯក លន់ អធិការដ្ឋាននគរបាលស្រុកមុខកំពូលបានប្រាប់អោយដឹងថា ៖ ពិតជាមានករណីលិចទូកម៉ាស៊ីនដែលមានទទឹង១,៦០ម៉ែត្រ បណ្ដោយ៦,៥០ម៉ែត ចាប់ម៉ាស៊ីនចំហៀងជាកម្មសិទ្ធរបស់ឈ្មោះ សន សយ ភេទប្រុស អាយុ៥១ឆ្នាំ នៅភូមិពាម ឃុំរការកោង១ ស្រុកមុខកំពូល ខេត្តកណ្ដាល ។
លោកអធិការបានបញ្ជាក់ថា ៖ នៅថ្ងៃកើតហេតុខាងលើមានមនុស្សមួយក្រុមមានគ្នាប្រហែល១២នាក់ បានយកទូកខាងលើជិះលេងបម្រុងឆ្លងទៅលេងកោះស្នេហា ប៉ុន្តែជិះចេញបានប្រហែល១០ម៉ែត្រ ទូកក៏បានលិចទៅក្នុងទឹកបណ្ដាលឲ្យបាត់មនុស្ស២នាក់តែម្តង ៕
បញ្ជាក់៖ លិចទូកម៉ាស៊ីន កំពុងបាត់ខ្លួននារីទាំង២
ចែករំលែកព័តមាននេះ