កីឡាករ Carlos Tevez ត្រូវបានបិសាចក្រហមហៅឱ្យត្រឡប់មកវិញ
4 ឆ្នាំ មុន
តាមប្រភពព័ត៌មាន Soccer Laduma បានឱ្យដឹងថា ស្របពេលដែលក្រុម Manchester United ត្រូវបានគេរាយការណ៍ថា កំពុងស្វែងរកចុះហត្ថលេខាលើខ្សែប្រយុទ្ធមួយរូប មុនពេលទីផ្សារដោះដូរកីឡាករខែមករាត្រូវបានបញ្ចប់…
តាមប្រភពព័ត៌មាន Soccer Laduma បានឱ្យដឹងថា ស្របពេលដែលក្រុម Manchester United ត្រូវបានគេរាយការណ៍ថា កំពុងស្វែងរកចុះហត្ថលេខាលើខ្សែប្រយុទ្ធមួយរូប មុនពេលទីផ្សារដោះដូរកីឡាករខែមករាត្រូវបានបញ្ចប់ អតីតខ្សែប្រយុទ្ធក្រុមបិសាចក្រហម Carlos Tevez ត្រូវក្លិបហៅឱ្យត្រឡប់មកវិញ។
Marcus Rashford ដែលជាអ្នករកគ្រាប់បាល់បានច្រើនជាងគេរបស់ក្លិប ពេលនេះត្រូវសម្រាកព្យាបាលរបួសរហូតដល់ខែមេសាដោយសាររបួសត្រគាក។ នេះគឺទុកឱ្យ Man Utd មានតែខ្សែប្រយុទ្ធត្រឹមតែពីរនាក់ខ្លាំងៗប៉ុណ្ណោះ ដែលមានកីឡាករ Anthony Martial និង Mason Greenwood។
ការចុះផ្សាយរបស់អុីតាលី Tuttosport ក្លិបបិសាចក្រហម Man Utd អាចនឹងធ្វើការអតីតខ្សែប្រយុទ្ធរបស់ខ្លួន Carlos Tevez ក្នុងកិច្ចព្រមព្រៀងរយៈពេលខ្លី ដើម្បីមកជំនួស Rashford មួយគ្រា។
Tevez បច្ចុប្បន្នកំពុងធ្វើនៅក្លិបយក្សអាហ្សង់ទីន Boca Juniors ប៉ុន្តែក្រុម Manchester អាចទាក់ទងកីឡាករវ័យ៣៥ឆ្នាំរូបនេះ ដើម្បីផ្លាស់ប្តូរ។ តែបើមើលទៅអតីតកាលវិញ យើងឃើញថា Tevez មិនបានចាកចេញពី Man Utd ក្នុងស្ថានភាពល្អឡើយ កាលពីឆ្នាំ២០០៩។
ក្នុងអំឡុងពេលរបស់គាត់ជាមួយក្រុមបិសាចក្រហម Tevez បានរកគ្រាប់បាល់បាន៣៤គ្រាប់ ជាមួយនឹងការទាត់ Assist បាន១៤ដង ក្នុងការប្រកួត៩៩ដង ហើយជួយក្លិបឱ្យបានពាន Premier League ចំនួនពីរ ពាន UEFA Champions League មួយ ពាន Club World Cup និង ពាន League Cup មួយ ៕ (កែសម្រួលដោយ ៖ ធីតា)
ចែករំលែកព័តមាននេះ