អតីតកីឡាករ Real និង Man Utd ទៅលីគអាមេរិកជាផ្លូវការ
តាមប្រភពព័ត៌មាន Soccer Laduma បានឱ្យដឹងថា អតីតតារាឆ្នើមរបស់ក្រុមបិសាចក្រហម Manchester United និង Real Madrid…
តាមប្រភពព័ត៌មាន Soccer Laduma បានឱ្យដឹងថា អតីតតារាឆ្នើមរបស់ក្រុមបិសាចក្រហម Manchester United និង Real Madrid…
តាមប្រភពព័ត៌មាន Soccer Laduma បានឱ្យដឹងថា អតីតតារាឆ្នើមរបស់ក្រុមបិសាចក្រហម Manchester United និង Real Madrid បានទៅលេងនៅលីគអាមេរិក ក្នុងនាមជាកីឡាកររកចំណូលបានច្រើនជាងគេនៅក្នុងលីគ។ នៅល្ងាចថ្ងៃអង្គារនេះ ក្រុម LA Galaxy របស់ក្របខ័ណ្ឌ Major League Soccer បានបញ្ជាក់ពីការចុះហត្ថលេខាលើអតីតខ្សែប្រយុទ្ធក្រុមបិសាចក្រហមនិងក្រុមអធិរាជស Javier Hernandez ពីក្រុម Sevilla ដែលស្ថិតនៅ LaLiga ។
យោងតាមគេហទំព័រ Sports Illustrated បានអោយដឹងថា ក្លិបអាមេរិកបានចំណាយ៩,៤លានដុល្លារ ដើម្បីទិញយក Hernandez និងបានអោយគាត់ចុះកិច្ចសន្យា៣ឆ្នាំ ដែលគាត់នឹងទទួលបានប្រាក់ខែប្រចាំឆ្នាំប្រហែល៦លានដុល្លារបូករួមទាំងការលើកទឹកចិត្ត។ នេះធ្វើឱ្យគាត់ក្លាយជាកីឡាករដែលមានប្រាក់ខែខ្ពស់បំផុតនៅក្នុងលីគ។
លោក Dennis te Kloese អ្នកចាត់ការទូទៅរបស់ Galaxy បានប្រាប់គេហទំព័រផ្លូវការរបស់ក្លិបថា «Javier បានរកគ្រាប់បាល់នៅក្នុងលីគកំពូលៗនៅទូទាំងពិភពលោក និងបានក្លាយជាកីឡាករដែលទទួលបានជោគជ័យបំផុតរបស់ប្រទេស ក្នុងរយៈពេលមួយទសវត្សរ៍ចុងក្រោយនេះ»។
លោកបន្តថា៖ «គាត់គឺជាកីឡាករដែលបានបង្ហាញពីភាពជោគជ័យក្នុងកម្រិតខ្ពស់បំផុត និងបានរកគ្រាប់បាល់បានច្រើនជាងគេក្នុងចំណោមក្រុមល្អបំផុតនៅក្នុង CONCACAF ។ យើងគិតថា គាត់អាចជាកីឡាករមួយក្នុងចំណោមខ្សែប្រយុទ្ធដ៏ល្អបំផុតរបស់ Major League Soccer»។
គួរបញ្ជាក់ផងដែរថា Hernandez បានចំណាយពេល៥ឆ្នាំនៅ Old Trafford ចន្លោះឆ្នាំ២០១០ និង២០១៥ ដែលជាពេលគាត់ចំណាយពេលមួយរដូវដើម្បីខ្ចីជើងនៅ Real ។ កីឡាករវ័យ៣១ឆ្នាំរូបនេះ ក៏ធ្លាប់បានបង្ហាញមុខមាត់នៅ Bayer Leverkusen និង West Ham United ដែរ៕ (កែសម្រួលដោយ ៖ ធីតា )
ចែករំលែកព័តមាននេះ