Barcelona ចូលរួម​ដេញ​ប្រ​ម៉ា​ញ់​យក​កីឡាករ​តម្លៃ​៦០​លានផោន


តាម​ប្រភព​ព័ត៌មាន Soccer Laduma បានឱ្យ​ដឹង​ថា ក្លិប Barcelona បាន​ចូលរួម​ក្នុង​ការ​ប្រណាំងប្រជែង​យក​កីឡាករ​ខ្សែប្រយុទ្ធ ដែល​មាន​ទឹកប្រាក់​៦០​លាន​ផោន នៅ​ក្នុង​ក្របខ័ណ្ឌ Bundesliga នៅ​រដូវ​កាល​នេះ​។

កាលពី​ថ្ងៃ​អង្គារ ការ​ចុះ​ផ្សាយ​របស់​សារព័ត៌មាន​អេ​ស្បា​ញ Sport បាន​រាយការណ៍​ថា Barca បាន​ចូលរួម​ក្នុង​ការ​តាម​ប្រ​ម៉ា​ញ់​យក​ខ្សែប្រយុទ្ធ Timo Werner ក្រុម Red Bull Leipzig ដែល​មាន​ទំនាក់ទំនង​យ៉ាង​ខ្លាំង​ជាមួយនឹង​ការ​ផ្លាស់​ទៅ​កាន់ Liverpool ឬ Chelsea ក្នុង​ប៉ុន្មាន​ស​ប្តា​ហ៍​ថ្មី​ៗ​នេះ​។

កីឡាករ​វ័យ​២៣​ឆ្នាំ ដែល​ជា​អ្នករក​គ្រាប់​បាល់​នាំមុខ​គេ​ក្នុង​ក្របខ័ណ្ឌ Bundesliga នៅ​រដូវ​កាល​នេះ បន្ទាប់​ពី​រកបាន​២០​គ្រាប់ ក្នុង​ការ​បង្ហាញខ្លួន​ចំនួន​១៨​ដង ត្រូវ​បាន​គេ​និយាយ​ថា​បាន​ក្លាយជា​បេក្ខភាព​ជំនួស Luis Suarez របស់ Barcelona ដែល​រង​របួស​។ តម្លៃ​របស់​កីឡាករ​រូប​នេះ គឺ​៦០​លាន​ផោន​។

Werner ធ្លាប់​ត្រូវ​បាន​គេ​គាំទ្រ​ឱ្យ​ចូលរួម​ជាមួយ Liverpool ជាមួយនឹង Jurgen Klopp ប៉ុន្តែ​មិន​ទាន់​មាន​កិច្ចព្រមព្រៀង​ណាមួយ​រវាង​កីឡាករ​នេះ​និង​ម្ចាស់​ជើងឯក​អឺរ៉ុប​នៅឡើយ​ទេ​។

កីឡាករ​ជម្រើសជាតិ​អា​ឡឺ​ម៉​ង់​រូប​នេះ​រកបាន​៨៣​គ្រាប់​ក្នុង​ការ​បង្ហាញខ្លួន​នៅ Bundesliga ចំនួន ២០៦​ដង និង​បាន​ឈ្នះ​ស្បែកជើង​មាស​ក្នុង​ពានរង្វាន់ FIFA Confederations Cup ឆ្នាំ​២០១៧ របស់ Die Mannschaft នៅ​ប្រទេស​រុ​ស្ស៊ី​៕ (​កែសម្រួល​ដោយ ៖ ធីតា​)

Facebook Google Twitter Email

កីឡាអន្តរជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Sponsored News

ការស្ទង់មតិគេហទំព័រថ្មី




សូម​អរគុណ