រាជធានីភ្នំពេញ ៖ ប្រជាពលរដ្ឋចំនួន៨គ្រួសារដែលមានទំនាស់ដីធ្លី នៅតំបន់អភិវឌ្ឍន៍ប្ញស្សីកែវ បានធ្វើលិខិតថ្លែងអំណរគុណយ៉ាងជ្រាលជ្រៅដល់សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិតប៊ុន រ៉ានី ហ៊ុន…
រាជធានីភ្នំពេញ ៖ ប្រជាពលរដ្ឋចំនួន៨គ្រួសារដែលមានទំនាស់ដីធ្លី នៅតំបន់អភិវឌ្ឍន៍ប្ញស្សីកែវ បានធ្វើលិខិតថ្លែងអំណរគុណយ៉ាងជ្រាលជ្រៅដល់សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិតប៊ុន រ៉ានី ហ៊ុន សែន បានគិតគូរពីសុខទុក្ខរបស់ប្រជាពលរដ្ឋនៅទូទាំងប្រទេស ។ ការថ្លែងអំណរគុណនេះ គឺធ្វើបន្ទាប់ពីសម្តេចតេជោបានឯកភាពលើរបាយការណ៍សង្ខេប ដោយបានឯកភាពប្រគល់ជូនរដ្ឋបាលរាជធានីភ្នំពេញបន្តដោះស្រាយ និងរាយការណ៍ជូនសម្តេចនាយករដ្ឋមន្ត្រី។
នៅក្នុងលិខិតរបស់ប្រជាពលរដ្ឋបានអោយដឹងថា «យើងខ្ញុំទាំងអស់គ្នាជាប្រជាជន៨គ្រួសារ ដែលមានទីលំនៅស្ថិតនៅតំបន់អភិវឌ្ឍឫស្សីកែវ ភូមិស្ពានខ្ពស់ សង្កាត់គីឡូម៉ែត្រលេខ៦ និងភូមិទួលពពែ សង្កាត់ទួលសង្កែ២ ខណ្ឌប្ញស្សីកែវ រាជធានីភ្នំពេញ សូមគោរពថ្លែងអំណរគុណយ៉ាងជ្រាលជ្រៅបំផុតចំពោះសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីជាទីគោរពដ៏ខ្ពង់ខ្ពស់»។
នៅក្នុងលិខិតបានអោយដឹងទៀតថា «យើងខ្ញុំទាំងអស់គ្នា ពិតជាមានក្តីសោមនស្សរីករាយ និងសូមគោរពថ្លែងអំណរគុណ ចំពោះសម្ដេចដែលបាន ជួយយើងខ្ញុំទាំងអស់គ្នាកំពុងតែជួបការលំបាកដែលត្រូវការជំនួយជាទីបំផុត»។ យើងខ្ញុំសូមគោរពសម្តែងនូវកត្តញ្ញូតាធម៌ដ៏ខ្ពង់ខ្ពស់ ចំពោះ សម្តេច និងដឹងគុណចំពោះគុណូបការៈដ៏ថ្លៃថ្លារបស់សម្តេចរកអ្វីប្រៀបផ្ទឹមពុំបានឡើយ ព្រមទាំងចងចាំអស់មួយជីវិត ដែលសម្តេចតេជោ បានឯកភាពលើរបាយការណ៍សង្ខេបរបស់ប្រធានប្រតិភូ គណបក្សខ្មែរក្រោក ដោយបានឯកភាពប្រគល់ជូនរដ្ឋបាលរាជធានីភ្នំពេញ បន្តដោះស្រាយ និងរាយការណ៍ជូនសម្តេច ។
នេះ គឺជាការយកចិត្តទុកដាក់របស់សម្តេច មកលើយើងខ្ញុំទាំងអស់គ្នា ដែលសម្តេចតែងតែយកចិត្ត ទុកដាក់យ៉ាងកក់ក្តៅចំពោះប្រជាជនជាទូទៅ ។នៅក្នុងលិខិតនោះប្រជាពលរដ្ឋ ក៍បានលើកម្រាមដៃដប់ បួងសួងដល់គុណបុណ្យព្រះរតនត្រ័យ កែវ ទាំងបី និងវត្ថុស័ក្តិសិទ្ធិទាំងឡាយក្នុងលោក សូមជួយតាមថែរក្សា សម្តេច និងសម្តេចកិត្តិព្រឹទ្ធបណ្ឌិត ទាំងបុត្រា បុត្រី ចៅប្រុសចៅស្រី ជាទីស្រឡាញ់របស់សម្តេច សូមបានសមប្រកបដោយពុទ្ធពរទាំងបួនប្រការគឺ៖ អាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ។
ចែករំលែកព័តមាននេះ