ឈុត សេរីវ៉ានថង ស្វាគមន៍ការប្រកាសសងសឹកពីថៃ ក្រោយចាញ់បរាជ័យ
- ភ្នំពេញ
រាជធានីភ្នំពេញ ៖ ការប្រកួតអន្តរជាតិនៅលើសង្ឃវៀនទូរទស្សន៍អាស៊ីអាគ្នេយ៍ កាលពីថ្ងៃអាទិត្យ ទី១៨ ខេមករា ឆ្នាំ២០២០ កីឡាករកម្ពុជា ឈុត សេរីវ៉ាន់ថង…
រាជធានីភ្នំពេញ ៖ ការប្រកួតអន្តរជាតិនៅលើសង្ឃវៀនទូរទស្សន៍អាស៊ីអាគ្នេយ៍ កាលពីថ្ងៃអាទិត្យ ទី១៨ ខេមករា ឆ្នាំ២០២០ កីឡាករកម្ពុជា ឈុត សេរីវ៉ាន់ថង…
រាជធានីភ្នំពេញ ៖ ការប្រកួតអន្តរជាតិនៅលើសង្ឃវៀនទូរទស្សន៍អាស៊ីអាគ្នេយ៍ កាលពីថ្ងៃអាទិត្យ ទី១៨ ខេមករា ឆ្នាំ២០២០ កីឡាករកម្ពុជា ឈុត សេរីវ៉ាន់ថង ទទួលជោគជ័យគួរជាទីមោទនៈ ដោយបានវាយឱ្យកីឡាករថៃបោះបង់ការប្រកួតក្នុងទឹកទី២។
យ៉ាងណាមិញ ការវាយសម្រុកនាពេលនោះ ប្រសិនបើកីឡាករកម្ពុជា ភ្លាត់ស្នៀតតែបន្តិច ពិតជាដេកស្ដូកស្ដឹងខ្លួនឯង ជំនួសវិញផងដែរ ដោយសារកីឡាករថៃក៏ខ្លាំង។
កីឡាករកម្ពុជាបង្គោលក្រហម ឈុត សេរីវ៉ាន់ថង សប្បាយអរមិនតិចទេ បន្ទាប់ពីការវាយសម្រុករបស់ខ្លួនទទួលជោគជ័យ។ ចំណែកកីឡាករថៃ Thanuo Ngen ក៏ខ្លាំងមិនធម្មតាដែរ ទើបអ្នកគាំទ្រមិនតិចទេ សរសេរថា កីឡាករកម្ពុជា ក្រៅពីខ្លាំងក៏សំណាងមិនតិចដែរ សម្រាប់ការប្រកួតនោះ។
អ្នកដឹកនាំកីឡាករថៃ មកប្រកួតទទួលស្គាល់ថា កូនសិស្សខ្លួនចាញ់បច្ចេកទេសកែងរបស់កីឡាករកម្ពុជា ប៉ុន្តែក៏ត្រៀមនឹងឱ្យអ្នកទាំងពីរប៉ះគ្នាជាថ្មីផងដែរ ដើម្បីឱ្យកីឡាករថៃសងសឹក និងចង់ដឹងថា តើអ្នកណានឹងឈ្នះសម្រាប់ជំនួបលើកក្រោយ?
ចំណែកកីឡាករកម្ពុជា ឈុត សេរីវ៉ាន់ថង និយាយថា ខ្លួនស្វាគមន៍គ្រប់ពេល ប្រសិនបើ កីឡាករថៃមានបំណងចង់សងសឹក ហើយចង់ប្រកួតជាមួយខ្លួនម្ដងទៀត។ ក្នុងនោះគេក៏ប្រកាសហ្វឹកហាត់ត្រៀមខ្លួន ដើម្បីស្វាគមន៍គ្រប់ពេលដែលចង់ផ្គូរផ្គងផងដែរ។ (កែសម្រួលដោយ ៖ បុប្ផា)
ចែករំលែកព័តមាននេះ