ខ្សែប្រយុទ្ធចំណូលថ្មីក្រុម Borussia Dortmund កីឡាករ Erling Håland បានបង្ហាញភាពអស្ចារ្យរបស់ខ្លួនក្នុងការបង្ហាញខ្លួនលើកដំបូងនៅក្របខ័ណ្ឌ Bundesliga ដោយធ្វើបាន៣គ្រាប់ (Hat Trick) ម្នាក់ឯងក្នុងជ័យជម្នះ៥ទល់៣ លើក្រុមម្ចាស់ផ្ទះ Augsburg កាលពីយប់មិញ ។
ខ្សែប្រយុទ្ធវ័យ១៩ឆ្នាំ ចំណាយពេលត្រឹម២០នាទី ដើម្បីសម្រេច៣គ្រាប់នេះ ដោយរកបាននៅនាទី៥៩,៧០ និង៧៩ ។
អ្វីដែលកាន់តែចាប់អាម្មរណ៍នោះ គឺ Håland បានបង្កើតកំណត់ត្រាអស្ចារ្យចំនួន២លើកទឹកដីអាល្លឺម៉ង់គឺ កីឡាករក្មេងបំផុតដែលធ្វើបាន៣គ្រាប់ ក្នុងបង្ហាញខ្លួនលើកដំបូងក្នុងក្របខ័ណ្ឌ Bundesliga និងមួយទៀតជាកីឡាករប្តូរចូល (បម្រុង) បាន៣គ្រាប់ក្នុងបង្ហាញខ្លួនលើកដំបូង នេះបើយោងតាមប្រភពពី Goal.com ៕ កែសម្រួលដោយ ៖សុឃាក់
ចែករំលែកព័តមាននេះ