ការឡើងតំណែងមិនពឹងផ្អែកតែលើប្រសិទ្ធិភាពការងារ ខណៈដែលមើលរំលងបុគ្គលិកលក្ខណៈរបស់មនុស្សបានឡើយ ។ ការពិតជាក់ស្តែង ក្រុមមនុស្សមួយចំនួនតែងតែទទួលបានឱកាសការងារជាងអ្នកដទៃ ខណៈដែលមនុស្សមួយចំនួនទៀតភាគច្រើន ត្រូវបានមនុស្សជុំវិញខ្លួនបំភ្លេចចោល ។ ខាងក្រោមនេះ គឺជាអត្តចរិករបស់មនុស្សដែលមិនមានឱកាសច្រើនក្នុងការឡើងតំណែង៖…
ការឡើងតំណែងមិនពឹងផ្អែកតែលើប្រសិទ្ធិភាពការងារ ខណៈដែលមើលរំលងបុគ្គលិកលក្ខណៈរបស់មនុស្សបានឡើយ ។ ការពិតជាក់ស្តែង ក្រុមមនុស្សមួយចំនួនតែងតែទទួលបានឱកាសការងារជាងអ្នក
ដទៃ ខណៈដែលមនុស្សមួយចំនួនទៀតភាគច្រើន ត្រូវបានមនុស្សជុំវិញខ្លួនបំភ្លេចចោល ។
ខាងក្រោមនេះ គឺជាអត្តចរិករបស់មនុស្សដែលមិនមានឱកាសច្រើនក្នុងការឡើងតំណែង៖
១-អ្នកចូលចិត្តនិយាយច្រើន៖
ជំនាញក្នុងការប្រាស្រ័យទាក់ទងគ្នាគឺតែងតែត្រូវបានអ្នកដទៃស្វាគមន៍ជានិច្ច ។ ប៉ុន្តែប្រសិនបើវាលេចធ្លាយដល់ការនិយាយដើមអ្នកដទៃ ឬការផ្សព្វផ្សាយពីពាក្យចចាមអារ៉ាមដែលមិនពិតនោះ មនុស្សដែលមានអត្តចរិកបែបនេះនឹងមិនមានឱកាសច្រើនក្នុងការជោគជ័យទេព្រោះវាប្រៀបដូចជាបង្ហាញថាមនុស្សម្នាក់នោះខ្វះទំនួលខុសត្រូវ ។
២-អ្នកដែលតែងតែគិតអវិជ្ជមាន៖
បុគ្គលិកដែលតែងតែបដិសេធនឹងគំនិតរបស់អ្នកដទៃ ឬមនុស្សដែលចូលចិត្តរអ៊ូរទាំជាប្រចាំដោយមិនព្យាយាមរកដំណោះស្រាយ និងមនុស្សដែលស្ទើរតែមិនដែលមានពាក្យល្អៗសម្រាប់អ្នកដទៃនឹងមិនអាចទទួលបានការគោរពស្រលាញ់ពីមនុស្សជុំវិញខ្លួន ឬប្រធានខ្លួនទេ ។
៣-អ្នកដែលចូលចិត្តធ្វើខ្លួនជាជនរងគ្រោះ៖
អ្នកដែលមានសមត្ថភាពធ្វើការជាក្រុមខ្ពស់ជាមនុស្សដែលហ៊ានទទួលខុសត្រូវចំពោះកំហុសឆ្គងរបស់ខ្លួនឯង និងទទួលស្គាល់ចំណុចខ្សោយរបស់ខ្លួន ។ ប្រសិនបើអ្នកបង្ហាញខ្លួនជាជនរងគ្រោះដែលគួរឲ្យអាណិត និងតែងតែស្តីបន្ទោសអ្នកដទៃនោះ អ្នកមិនអាចទទួលបានជំនឿទុកចិត្តពីអ្នកដែលធ្វើការជាមួយខ្លួនទេ ។
៤-អ្នកដែលមានកំហឹងពេញខ្លួន៖
ការបញ្ចេញកំហឹងឲ្យអ្នកដទៃមើលឃើញមិនមែនជាសកម្មភាពល្អទេ ប៉ុន្តែបុគ្គលិកមួយចំនួនមើលរំលងចំណុចនេះដែលធ្វើឲ្យពួកគេតែងតែចូលចិត្តបញ្ចេញកំហឹងដាក់អ្នកដទៃដែលមិនដឹងអ្វី ។ អ្នកគ្រប់គ្រងដែលមានទម្លាប់នេះនឹងបង្កើតវប្បធម៌ការងារដែលធ្វើឲ្យបុគ្គលិកខ្លាចខ្លួនឯង ដែលអាចប៉ះពាល់ដល់លទ្ធផលការងារផងដែរ ៕
ចែករំលែកព័តមាននេះ