ខណៈដែលព្រះរាជាណាចក្រកម្ពុជាមើលឃើញសេដ្ឋកិច្ចលូតលាស់ពីមួយឆ្នាំទៅមួយឆ្នាំ ប្រជាជនក៏មើលឃើញឱកាសរកលុយកើនឡើងពីមួយថ្ងៃទៅមួយថ្ងៃដែរ ដែលជាហេតុធ្វើឲ្យការក្លាយជាអ្នកមានក្នុងឆ្នាំនេះមិនមែនជាគោលដៅដែលមិនអាចទៅរួចទេ ។ ដើម្បីជួយឲ្យអ្នកសម្រេចក្តីស្រមៃបាន ខាងក្រោមនេះ គឺជាគន្លឹះមួយចំនួនដែលអ្នកអាចសាកល្បង ៖
១. អ្នកត្រូវមានប្រភពចំណូលច្រើន ៖ ក្រៅពីប្រាក់ខែដែលអ្នកត្រូវប្តូរពេលវេលាដើម្បីរកលុយ អ្នកត្រូវតែរៀនចេះវិនិយោគលើប្រភពចំណូលផ្សេងៗដែរទើបអាចក្លាយជាអ្នកមានបាន ។ ប្រាក់ចំណូលអកម្មជាជម្រើសល្អជាងគេ ឬការវិនិយោគលើអចលនទ្រព្យក៏អាចជួយឲ្យអ្នកឈានទៅរកគោលដៅខាងលើដែរ ។
២. បង្កើតផលិតផល ឬសេវាកម្មដែលមនុស្សត្រូវការ ៖ ការលក់ផលិតផល ឬសេវាកម្មផ្សេងៗ គឺជាវិធីមួយទៀតដែលអាចជួយបង្កើនប្រាក់ចំណូលរបស់អ្នកបាន ។ ប៉ុន្តែផលិតផល និងសេវាកម្មដែលអ្នកគួរផ្តោតស្មារតីលើគឺផលិតផល ឬសេវាកម្មដែលមានតម្លៃខ្ពស់ព្រោះតែមានមនុស្សត្រូវការច្រើន ។
៣. ការទទួលបានចំណាប់អារម្មណ៍ជាគន្លឹះសំខាន់ ៖ បើអ្នកចង់ជោគជ័យក្នុងអាជីវកម្ម អ្នកត្រូវរៀនចេះប្រើប្រព័ន្ធផ្សព្វផ្សាយដើម្បីបង្ហាញពីអាជីវកម្មរបស់អ្នក និងអ្វីដែលអ្នកដាក់លក់លើទីផ្សារ ។ អ្នកគួរតែកំណត់គោលដៅរបស់អ្នកឲ្យបានច្បាស់លាស់ និងមិនគួរភ័យខ្លាចក្នុងការកំណត់គោលដៅអតិថិជនឡើងវិញទេ ប្រសិនបើអ្នកគិតថាអ្នកបានកំណត់ខុស ។
៤. កុំធ្វើការច្រើនពេក ៖ វាមិនជួយដល់ឱកាសជោគជ័យរបស់អ្នកទេប្រសិនបើអ្នកធ្វើការគ្រប់ពេលគ្រប់វេលាដែលធ្វើឲ្យអ្នកលះបង់ពេលវេលាសម្រាក និងធ្វើឲ្យខ្លួនឆាប់នឿយហត់ ។ ជាលទ្ធផលអ្នកអាចនឹងបាត់បង់ឱកាសសំខាន់ៗដទៃ ឬមិនអាចសម្រេចបានលទ្ធផលល្អក្នុងការងារនិងអាជីវកម្មជាដើម ។
៥. ស្ថិតនៅជិតអ្នកដែលមានទ្រព្យសម្បត្តិច្រើន ៖ ប្រសិនបើមនុស្សជុំវិញអ្នកជាមនុស្សដែលជោគជ័យ និងមានទ្រព្យសម្បត្តិស្តុកស្តម្ភ នោះអ្នកនឹងមានឱកាសច្រើនក្នុងការក្លាយខ្លួនទៅជាមនុស្សបែបនោះដែរ ។ ប្រសិនបើអ្នកត្រូវផ្លាស់ប្តូរលំនៅដ្ឋានដើម្បីមានឱកាសបែបនេះក៏អ្នកមិនគួរចុះចាញ់ដែរ ៕
ចែករំលែកព័តមាននេះ