តើនឹងមានអ្វីកើតឡើង ប្រសិនបើអ្នកតម្លើងថ្លៃផលិតផល ឬសេវាកម្មរបស់អ្នក១០ដង? សំណួរនេះមានគោលដៅពីរ ។ ទីមួយ គឺវាជួយឲ្យអ្នកគិតឲ្យបានវែងឆ្ងាយ និងទីពីរ គឺជំរុញឲ្យអ្នកគិតឲ្យបានធំ ។…
តើនឹងមានអ្វីកើតឡើង ប្រសិនបើអ្នកតម្លើងថ្លៃផលិតផល ឬសេវាកម្មរបស់អ្នក១០ដង? សំណួរនេះមានគោលដៅពីរ ។
ទីមួយ គឺវាជួយឲ្យអ្នកគិតឲ្យបានវែងឆ្ងាយ និងទីពីរ គឺជំរុញឲ្យអ្នកគិតឲ្យបានធំ ។ ប្រាកដណាស់ អ្នកមិនចាំបាច់ត្រូវតម្លើងថ្លៃ ១០០ ឬ១០០០ដងទេ ប៉ុន្តែអ្វីដែលអ្នកត្រូវរៀនពីអត្ថបទនេះ គឺតម្លៃពិតប្រាកដរបស់អាជីវកម្មរបស់អ្នក គឺអាស្រ័យលើការសន្ទនាដែលអ្នកមានជាមួយនឹងខ្លួនឯង និងក្រុមការងាររបស់អ្នក ។
មានពេលខ្លះ អាជីវករចូលចិត្តគិតច្រើនពេលដែលពិចារណា លើតម្លៃរបស់ផលិតផល ឬសេវាកម្មរបស់
ខ្លួន ។ ពួកគេគិតថាពួកគេអាចនឹងបាត់បង់អតិថិជនទាំងអស់ដែលខ្លួនមានដោយគ្រាន់តែតម្លើងថ្លៃពី ១ដុល្លារ ទៅ១.១ដុល្លារ ។ ការគិតដូចនេះមិនអាចជួយដល់អាជីវកម្មរបស់អ្នកក្នុងរយៈពេលវែងទៅមុខបានឡើយ ។
ផ្ទុយមកវិញ អ្នកគួរតែចេះរៀនគិតថា «តើមូលហេតុអ្វីបានជាមានមនុស្សហ៊ានទិញផលិតផលនោះក្នុងតម្លៃ ១០ដុល្លារទាំងដែលមានផលិតផលដូចគ្នាដែលថ្លៃ ១ដុល្លារ?» មូលហេតុអាចមកពីមានការប្រើប្រាស់គ្រឿងផ្សំល្អៗ ប្រេនថ្លៃៗ ឬមានតារាល្បីៗដែលជួយថតឃោសនាផលិតផលឲ្យជាដើម ។
មិនថាមូលហេតុជាអ្វីទេ សំណួរនេះអាចជួយដល់អ្នកក្នុងការសម្រេចចិត្តថាពេលនេះជាពេលដែលល្អក្នុងការធ្វើឲ្យប្រេន ឬផលិតផលរបស់អ្នកលេចធ្លោ និងឈានមុខគេទេ ។ អ្នកប្រហែលជាគិតថាគ្មាននរណាចង់ទិញវាទេ ។ តែអ្នកគួរទទួលស្គាល់ថាមានមនុស្សជាច្រើនដែលជ្រើសរើសផលិតផលដែលថ្លៃប្រសិនបើពួកគេមើលឃើញភាពពិសេស ឬទុកចិត្តលើប្រេនរបស់ផលិតផលនោះ ។
ដើម្បីជំរុញដល់ការគិត អ្នកក៏អាចសួរខ្លួនឯងថា «តើលោក ស្ទីវ ចបស៍ នឹងធ្វើយ៉ាងណា?» ឬ «តើ Starbucks ឬក្រុមហ៊ុនធំៗដទៃនឹងធ្វើយ៉ាងណា?» ជាដើម ។ គោលដៅនៃការសួរសំណួរទាំងនេះ គឺដើម្បីជំរុញឲ្យអ្នកមើលទស្សនៈរបស់អ្នកដទៃមុននឹងធ្វើការសម្រេចចិត្ត ៕ ប្រែសម្រួលដោយ៖ ណៃ ដាលីន
ចែករំលែកព័តមាននេះ