ថ្ងៃទី២០ មិថុនា ២០១០ ៖ ក្រុមគ្រូពេទ្យកងទ័ពជើងទឹកអាមេរិករបស់នាវាមន្ទីរ ពេទ្យ USNS Mercy បានធ្វើសកម្មភាពមនុស្សធម៌ជួយព្យាបាលជំងឺប្រជាពលរដ្ឋប្រមាណ ៨០០នាក់ នៅខេត្ដកំពត (ថ្ងៃទី១៨ មិថុនា ឆ្នាំ២០១០) ក្នុងបរិវេណសាលាបឋមសិក្សាវត្ដ អង្គសុរភី អំឡុងពេលនៃការស្នាក់នៅក្នុងប្រទេសកម្ពុជា ។ លោកវរសេនីយ៍ទោ JEFFREY បញ្ជាការនៃកងនាវាជើងទឹកអាមេរិកបានមានប្រសាសន៍ថា ក្រុមគ្រូពេទ្យដែលមកជួយព្យា បាលជំងឺជូនប្រជាពលរដ្ឋកម្ពុជា ដោយអត់គិតតំលៃសេវានេះ គឺមានចំនួន៣២នាក់ ក្នុងនោះ ជនជាតិអាមេរិកចំនួន២៩នាក់ និងជនជាតិកាណាដាចំនួន៣នាក់ ។ លោកបញ្ជាក់ថា រយៈ ពេលមួយព្រឹកនេះមានប្រជាពលរដ្ឋប្រមាណ៨០០នាក់ទទួលបានការពិនិត្យព្យាបាល និង ផ្ដល់ឱសថពីក្រុមគ្រូពេទ្យស្ម័គ្រចិត្ដ ។ ប្រជាពលរដ្ឋកម្ពុជាដែលមកពិនិត្យ និងព្យាបាលជំងឺ ភាគច្រើនជាកុមារ និងមនុស្សពេញវ័យ មានជំងឺភ្នែក និងធ្មេញ ។ លោក JEFFREY បន្ដថា ពួកយើងមិនគ្រាន់តែជួយពិនិត្យ និងព្យាបាលជំងឺជូនប្រជាពលរដ្ឋក្នុងខេត្ដកំពតមួយប៉ុណ្ណោះ ទេ តែកំពុងធ្វើដូចគ្នានៅខេត្ដព្រះសីហនុ និងបន្ដធ្វើសកម្មភាពនៅខេត្ដកំពង់ស្ពឺរយៈពេល៦ ថ្ងៃខាងមុខ និងទៅកន្លែងផ្សេងទៀតប្រសិនបើយើងមានឱកាស ។
** សោកនាដកម្មក្នុងគ្រួសារក្រីក្រមួយមានកូនជាទីស្រលាញ់៤នាក់ ប្រុស២ ស្រី២នាក់ អកុសលឆ្នាំមុន កូនប្រុសពៅ បានលង់ទឹកស្រះក្នុងវត្ដស្លាប់ទៅនៅសល់កូនប្រុស-ស្រី៣នាក់ ពេលនេះលង់ទឹកស្លាប់បង្ហើយទាំង៣តែម្ដង នៅក្នុងទឹកស្រះរណ្ដៅដីមួយដែលមានទំហំធំ ល្វឹងល្វើយ ។ ការបាត់បង់តំណក់ឈាមគ្មានការវិលត្រឡប់នេះ បានធ្វើឱ្យឪពុកម្ដាយស្ទើរ ក្លាយទៅជាមនុស្សវិកលចរិតទៅហើយ ម្យ៉ាងទៀតប្រជាពលរដ្ឋដែលទៅចោមរោមមើល មានការតក់ស្លុតស្រយុតស្រយុងយ៉ាងខ្លាំងទៀតផង ។ សពក្មេងប្រុស-ស្រីទាំង៣នាក់បង ប្អូនបង្កើតត្រូវបានគេប្រទះឃើញកាលពីវេលាម៉ោង៦ព្រឹកថ្ងៃទី២០ មិថុនា ឆ្នាំ២០១០ នៅ ក្នុងទឹករណ្ដៅដីមួយកន្លែង ស្ថិតក្នុងភូមិក្រាំងអង្ក្រង សង្កាត់ក្រាំងធ្នង់ ខណ្ឌដង្កោ ១-ឈ្មោះ ជា សុភ័ស ភេទស្រី អាយុ១២ឆ្នាំ ២-ឈ្មោះជា សុភ័ណ ភេទស្រី អាយុ១២ឆ្នាំ ទាំងពីរនាក់គឺ ជាកូនភ្លោះ និង៣-ឈ្មោះជា លៀងហេង ភេទប្រុស អាយុ១១ឆ្នាំ ចំណែកឯម្នាក់ទៀតដែល លង់ទឹកស្លាប់កាលពី១ឆ្នាំមុន ឈ្មោះជា មុន្នីរ័ត្ន ភេទប្រុស អាយុ៨ឆ្នាំ ។
ថ្ងៃទី២១ មិថុនា ឆ្នាំ២០១០ ៖ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ដ្រី បានផ្ញើសារទៅលោកសរសេររបាយការណ៍ពិសេសរបស់អគ្គលេខាធិការ អង្គការសហប្រជាជាតិថា ខ្ញុំមានការសោកស្ដាយនៅត្រង់ថា ខ្ញុំបានជូនព័ត៌មានឱ្យគាត់អំពី បញ្ហាសុខភាពរបស់ខ្ញុំ នៅពេលដែលគាត់ធ្វើសន្និសីទ កាសែត គាត់ប្រើពាក្យថា មានការខកចិត្ដ… ។ ពាក្យមានការខកចិត្ដនេះ គឺវាខុសពី ពាក្យមានការសោកស្ដាយ ។ សម្ដេចតេជោ នាយករដ្ឋមន្ដ្រីបញ្ជាក់ថា សូមកុំភ័ន្ដច្រឡំថា ពាក្យនេះមានន័យដូចគ្នា ។ ខ្ញុំគិតថា សំដីនេះខ្វះ ការគោរពចំពោះម្ចាស់ផ្ទះ ហើយខ្វះការគោរពចំពោះមេដឹកនាំប្រទេសមួយដែលមានឯក រាជ្យភាព និងអធិបតេយ្យភាព ។ សម្ដេចតេជោនាយករដ្ឋមន្ដ្រីផ្ញើសារបែបនេះនាព្រឹកថ្ងៃទី ២១ មិថុនា ឆ្នាំ២០១០ នៅវិទ្យាស្ថានជាតិអប់រំ ក្នុងឱកាសបិទមហាសន្និបាតវិសាមញ តំណាងសមាគមអតីតយុទ្ធជនកម្ពុជាទូទាំងប្រទេស និងខួបលើកទី៣ ទិវាអតីតយុទ្ធជន កម្ពុជា ជាព្រឹត្ដិការណ៍ប្រវត្ដិសាស្ដ្រធ្វើឱ្យជនកម្ពុជាគ្រប់រូបចងចាំនូវពលិកម្មដ៏ធំធេងមិនអាច កាត់ថ្លៃបានរបស់យុទ្ធជន-យុទ្ធនារី ប្រជាជន និងអ្នកស្នេហាជាតិ ដើម្បីបុព្វហេតុប្រទេស ជាតិ និងប្រជាជននៅគ្រប់ដំណាក់កាល ។
** សាកសពនារីម្នាក់ដែលអត់ស្គាល់អត្ដសញាណហើយត្រូវឃាតកយកទៅទម្លាក់ ចោលនៅជ្រោះពេជ្រនិលនោះ ឥឡូវនេះស្គាល់អត្ដសញាណហើយ បន្ទាប់ពីក្រុមគ្រួសារសព បានអានកាសែតកោះសន្ដិភាពត្រង់ព័ត៌មាន “សម្លាប់កាត់ជាកង់ៗយកទៅបោះចោល នៅជ្រោះពេជ្រនិល” និងនាំគ្នា៤-៥នាក់ ចុះទៅដល់កន្លែងកើតហេតុ និងបន្ដទៅការិយាល័យ ព្រហ្មទណ្ឌនៃស្នងការដ្ឋាននគរបាលខេត្ដកាលពីវេលាម៉ោង១១ព្រឹកថ្ងៃទី២២ មិថុនា ឆ្នាំ ២០១០ ដើម្បីត្រួតពិនិត្យសព ហើយកំណត់ថា នេះជាអំពើប្លន់សម្លាប់យករថយន្ដទំនើប និងគ្រឿងអលង្ការ ។ នារីរងគ្រោះឈ្មោះច័ន្ទ ស្រីនី អាយុ៣៣ឆ្នាំ មានកូន៣នាក់ ស្នាក់ នៅផ្ទះលេខ៥ែ សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ មានប្ដីរកស៊ីចេញ-ចូល នៅប្រទេសវៀតណាម ។ នៅមុនថ្ងៃបាត់ខ្លួន ប្ដីរបស់នាងច័ន្ទ ស្រីនី បានចាកចេញទៅ ប្រទេសវៀតណាម… ហើយមកដល់ថ្ងៃបាត់ខ្លួន គឺថ្ងៃទី១៣ មិថុនា ឆ្នាំ២០១០ នាងច័ន្ទ ស្រីនី បានទៅជាមួយឈ្មោះជា ចំរើន ហៅហ៊ូទ្រី និងហៅក្រញាញ់ ជាមន្ដ្រីយេធាជើងគោក… តាំង ពីពេលនោះមក គឺនាងបាត់ខ្លួនរហូត ។
ថ្ងៃទី២២ មិថុនា ២០១០ ៖ ក្រុមមន្ដ្រីបាននិយាយថា រដ្ឋាភិបាលអាចនឹងស្វះស្វែង ប្រើមធ្យោបាយការទូតឱ្យមានការបញ្ជូនលោកសម រង្ស៊ី មេដឹកនាំសម រង្ស៊ី ដែលរត់ចោល ស្រុក ពីប្រទេសបារាំងមកកាន់ប្រទេសកម្ពុជាវិញ ដើម្បីប្រឈមនឹងការចោទប្រកាន់ពីបទ ផ្សព្វផ្សាយព័ត៌មានមិនពិត និងផ្សាយឯកសារក្លែងក្លាយ ។ ប្រទេសកម្ពុជាគ្មានសន្ធិសញា បត្យាប័នជាមួយប្រទេសបារាំងទេ ទីដែលលោកសម រង្ស៊ី ជ្រកកោនរយៈពេលច្រើនខែមក ហើយ ក៏ប៉ុន្ដែលោកឧត្ដមសេនីយ៍ឯក ខៀវ សុភ័គ អ្នកនាំពាក្យក្រសួងមហាផ្ទៃ បានមាន ប្រសាសន៍ថា រដ្ឋាភិបាលនឹងស្នើប្រទេសបារាំងឱ្យជួយអនុវត្ដដីកាចាប់ខ្លួនដែលចេញកាលពី ខែមុនបន្ទាប់ពីមេដឹកនាំគណបក្សសម រង្ស៊ី ខកខានមិនបានចូលរួមសវនាការនៅតុលាការ កម្ពុជា ។ កាលពីខែមករា ឆ្នាំ២០១០ លោកសម រង្ស៊ី ត្រូវបានកាត់ទោសកំបាំងមុខឱ្យ ជាប់ពន្ធនាគាររយៈពេលពីរឆ្នាំពីបទដកបង្គោលតម្រុយព្រំដែនខេត្ដស្វាយរៀង កាលពីខែ តុលា ឆ្នាំ២០០៩ ។ លោកខកខានមិនបានចូលរួមសវនាការក្នុងតុលាការរាជធានីភ្នំពេញ កាលពីថ្ងៃទី២០ មេសា ឆ្នាំ២០១០ ទីដែលលោកត្រូវបានកោះហៅទៅឆ្លើយនឹងសំណួររបស់ ចៅក្រមស៊ើបអង្កេតអំពីការចោទប្រកាន់ថ្មី គឺការផ្សព្វផ្សាយព័ត៌មានមិនពិត និងឯកសារ ក្លែងក្លាយ ។
** អតីតព្រះមហាក្សត្រ នរោត្ដម សីហនុ បានយាងចាកចេញពីរាជធានីភ្នំពេញ សំរាប់ ដំណើរទស្សនកិច្ចលើកដំបូងរបស់ព្រះអង្គទៅកាន់ប្រទេសវៀតណាម បន្ទាប់ពីព្រះអង្គបាន ដកព្រះកាយឆ្ងាយពីប្រទេសនេះ រយៈពេល១៥ឆ្នាំមកហើយ ។ ទន្ទឹមនេះ អតីតគណបក្ស នយោបាយមួយបានបន្ដជំរុញរដ្ឋាភិបាលកម្ពុជា និងវៀតណាមឱ្យធ្វើកិច្ចព្រមព្រៀងគ្រប់ គ្រងរួមគ្នាលើអតីតទឹកដីកូសាំងសីនរបស់កម្ពុជា ដែលធ្លាប់គ្រប់គ្រងដោយបារាំង ហើយ ដែលឥឡូវនេះស្ថិតនៅក្នុងប្រទេសវៀតណាមភាគខាងត្បូង ។ លោកសឺន ស៊ូប៊ែរ្ដិ៍ អនុ ប្រធានរណសិរ្សជាតិ រំដោះប្រជាពលរដ្ឋខ្មែរដែលជាអតីតចលនាតស៊ូក្នុងទសវត្សឆ្នាំ១៩៨០ បានមានប្រសាសន៍ឡើងវិញថា លោកជឿថា រដ្ឋាភិបាលនៃប្រទេសទាំងពីរអាចធ្វើការគ្រប់ គ្រងរួមលើតំបន់ដីសណ្ដទន្លេមេគង្គនៅក្នុងប្រទេសវៀតណាមភាគខាងត្បូងដែលប្រជាជន ខ្មែរហៅថា កម្ពុជាក្រោម និងកោះ Phu Quoc អតីតរបស់កម្ពុជាដែលប្រជាជនខ្មែរហៅថា កោះត្រល់នោះគួរតែគ្រប់គ្រងរួមគ្នា ។ អតីតព្រះមហាក្សត្រ នរោត្ដម សីហនុ បានមាន បន្ទូលរួចហើយថា ដំណើរទស្សនកិច្ចរបស់ព្រះអង្គជាមួយសម្ដេចម៉ែ នរោត្ដម មុនិនាថ សីហនុ និងព្រះមហាក្សត្រ នរោត្ដម សីហមុនី ទៅកាន់ប្រទេសវៀតណាមនេះ គឺជាលក្ខណៈ “ឯកជនសុទ្ធសាធ” ។
ថ្ងៃទី២៣ មិថុនា ២០១០ ៖ ពិធីចុះហត្ថលេខាលើ សារលិខិតប្ដូរ ជំនួយឥតសំណង ODA របស់ជប៉ុនចំនួនពីរគំរោង ក្នុងវិស័យខុសៗគ្នា ដែលមានទឹកប្រាក់សរុបប្រមាណ១៣៥.០០០.០០០ដុល្លារអាមេរិក ក្នុងនោះ គំរោងទី១ គឺសាងសង់ស្ពានអ្នកលឿង ដែល មានទឹកប្រាក់ជាង១៣១.០០០.០០០ដុល្លារអាមេរិក និងគំរោងទី១ គឺសំរាប់កម្មវិធីអាហា រូបករណ៍ JDS ដែលមានទឹកប្រាក់៣.៤០០.០០០ដុល្លារអាមេរិក ។ ពិធីចុះហត្ថលេខាបាន ប្រព្រឹត្ដទៅនាព្រឹកថ្ងៃទី២៣ មិថុនា ក្រោមអធិបតីភាពដ៏ខ្ពង់ខ្ពស់របស់សម្ដេចអគ្គមហា សេនាបតីតេជោ ហ៊ុន សែន នាយករដ្ឋមន្ដ្រីរវាងលោកឧបនាយករដ្ឋមន្ដ្រី ហោ ណាំហុង រដ្ឋមន្ដ្រីក្រសួងការបរទេស ជាមួយលោកម៉ាសាហ្វ៊ូមី គូរ៉ូគី ឯកអគ្គរាជទូតជប៉ុនប្រចាំនៅ ព្រះរាជាណាចក្រកម្ពុជា នៅទីស្ដីការក្រសួងការបរទេស និងសហប្រតិបត្ដិការអន្ដរជាតិ ។ លោកម៉ាសាហ្វ៊ូមី គូរ៉ូគី ឯកអគ្គរដ្ឋទូតជប៉ុនប្រចាំនៅព្រះរាជាណាចក្រកម្ពុជា បានថ្លែងថា នេះជាគំរោងដែលយើងទាំងអស់គ្នា បានទន្ទឹងរង់ចាំអស់រយៈពេលជាយូរមកហើយ ខ្ញុំមាន សេចក្ដីសោមនស្សរីករាយយ៉ាងខ្លាំងដែលទីបញ្ចប់ការសាងសង់ស្ពានអ្នកលឿងក៏អាចចាប់ ផ្ដើមបាន ។
** យោងតាមព័ត៌មានចេញផ្សាយដោយទូរទស្សន៍ BBC របស់ចក្រភពអង់គ្លេសថ្ងៃទី ២៣ មិថុនា ឱ្យដឹងថា លោកឈុន យ៉ាសិទ្ធិ ដែលជាមេដឹកនាំចលនា CFF ត្រូវបានតុលាការ អាមេរិកមួយកាត់ទោសដាក់គុកមួយជិវិតពីបទរៀបចំផែនការធ្វើរដ្ឋប្រហារដោយអាវុធ ប្រឆាំងរាជរដ្ឋាភិបាលកម្ពុជា កាលពី១០ឆ្នាំមុន ។ ឈុន យ៉ាសិទ្ធិ ពេលនេះមានអាយុ៥៣ឆ្នាំ ត្រូវបានតុលាការក្នុងទីក្រុងឡូសអែនចឺឡេស រដ្ឋកាលីហ្វ័រនីញ៉ា សហរដ្ឋអាមេរិក ចោទ ប្រកាន់៤ករណី ទាក់ទិនទៅនឹងការវាយប្រហារភេរវកម្មមិនបានសំរេចប៉ុនប៉ងផ្ដួលរំលំរាជ រដ្ឋាភិបាលស្របច្បាប់របស់កម្ពុជា ។ គេនៅចាំបានថា ឈុន យ៉ាសិទ្ធិ ជាមេដឹកនាំចលនា បះបោរ ជធធ និងបានដឹកនាំក្រុមជនប្រដាប់អាវុធជាច្រើននាក់ឱ្យបើកការវាយប្រហារលើ អគាររាជរដ្ឋាភិបាលនៅក្នុងរាជធានីភ្នំពេញ ដោយប៉ុនប៉ងផ្ដួលរំលំរាជរដ្ឋាភិបាលនៅមុន ពេលព្រះអាទិត្យរះ ហើយក្រុមជនបំរើចលនាមួយនេះ ត្រូវបានស្លាប់ និងចាប់ខ្លួនជាច្រើន នាក់។ ឯឈុន យ៉ាសិទ្ធិ ក៏បានគេចទៅសហរដ្ឋអាមេរិក ទីដែលគាត់រស់នៅអចិន្ដ្រៃយ៍ ។
ថ្ងៃទី២៤ មិថុនា ២០១០ ៖ ក្នុងជំនួបសំដែងការគួរសមជាមួយសម្ដេចអគ្គមហា សេនាបតីតេជោ ហ៊ុន សែន នាយករដ្ឋមន្ដ្រី នៅទីស្ដីការគណៈរដ្ឋមន្ដ្រី លោកឧត្ដមសេនីយ៍ ឯក CHI WAN CHUN ប្រធាននយោបាយអគ្គនាយកដ្ឋានសំភារនៃកងទ័ពរំដោះប្រជាជន ចិន បានសំដែងក្ដីរីករាយដែលសម្ដេចតេជោបានអនុញាតឱ្យលោក និងប្រតិភូចូលជួបសំដែង ការគួរសម ។ លោកជំរាបសម្ដេចតេជោថា លោកមកកម្ពុជានេះ គឺអនុវត្ដភារកិច្ចពីរ ទី១-អនុវត្ដតាមបញ្ជាផ្ទាល់ពីលោកប្រធានាធិបតីហ៊ូ ជីនតាវ ក្រោយពីជួបសម្ដេចឱ្យរៀបចំជំនួយ រថយន្ដឱ្យបានលឿន ហើយត្រូវធានាគុណភាពឱ្យបាន១០០% អនុវត្ដឱ្យបានល្អ ហើយឱ្យបាន ទាន់ពេលវេលា និងទី២-ដើម្បីបានជួបភាគីកម្ពុជាផ្នែកកងទ័ព ក៏ដូចជាបានជួបថ្នាក់ដឹកនាំ កម្ពុជា ដើម្បីពង្រឹង និងពង្រីកថែមទៀតនូវទំនាក់ទំនងកិច្ចសហប្រតិបត្ដិការ ជាពិសេសរវាង កងទ័ពទាំង២ ។ សម្ដេចអគ្គមហាសេនាបតីតេជោ ហ៊ុន សែន បានស្វាគមន៍លោកឧត្ដម សេនីយ៍ឯក និងគណៈប្រតិភូដែលបានធ្វើដំណើរមកភ្នំពេញ ដើម្បីប្រគល់រថយន្ដ២៥៧គ្រឿង ដល់កងទ័ពកម្ពុជា ។
** ស្ពានអាកាសក្បាលថ្នល់ដែលមិនធ្លាប់មានក្នុងប្រវត្ដិសាស្ដ្រកម្ពុជា បានប្រារឰពិធី សម្ពោធដាក់ឱ្យប្រើប្រាស់ជាផ្លូវការ ក្រោមអធិបតីភាពដ៏ខ្ពង់ខ្ពស់របស់សម្ដេចអគ្គមហា សេនាបតីតេជោ ហ៊ុន សែន នាយករដ្ឋមន្ដ្រី និងលោកជំទាវបណ្ឌិត ។ ស្ពានអាកាសទី១ នៅកម្ពុជានេះបានចាប់ដំណើរការសាងសង់នៅថ្ងៃទី២៧ ឧសភា ឆ្នាំ២០០៩ ដោយក្រុមហ៊ុន អាណិកជនកម្ពុជា ស្ថាបនាពីបេតុងអារម៉េ មានបណ្ដោយ៣០៨ម៉ែត្រ ទទឹង១៤,២ម៉ែត្រ កំពស់៥,២០ម៉ែត្រ ចំណាយថវិកាអស់៦.៤៤០.២១៦ដុល្លារសហរដ្ឋអាមេរិក ក្នុងបុព្វហេតុ ធ្វើសមាហរណកម្មផ្ទៃក្នុង ប្រសិទ្ធភាពសេដ្ឋកិច្ច សមាសភាពនៃការបែងចែកផ្លែផ្កានៃ កំណើន និងដោះស្រាយភាពកកស្ទះចរាចរណ៍ ។ សម្ដេចតេជោនាយករដ្ឋមន្ដ្រីបានមាន ប្រសាសន៍ថា ស្ពានអាកាសនេះនឹងជួយលើកតំកើងមុខមាត់រាជធានីភ្នំពេញ ដែលជាបេះដូង ជាមជ្ឈមណ្ឌលនយោបាយ រដ្ឋបាល ការទូត សេដ្ឋកិច្ច ពាណិជ្ជកម្ម ឧស្សាហកម្ម និងទេស ចរណ៍ ។
ថ្ងៃទី២៥ មិថុនា ២០១០ ៖ ព្រះមហាវីរក្សត្រសម្ដេចព្រះនរោត្ដមសីហនុ និង សម្ដេចព្រះអគ្គមហេសី ព្រមទាំងព្រះករុណាសម្ដេចព្រះបរមនាថនរោត្ដម សីហមុនី ព្រះ មហាក្សត្រកម្ពុជា បានធ្វើព្រះរាជមាតុភូមិនិវត្ដន៍ កាលពីវេលាម៉ោង១០និង៣០នាទីព្រឹក ថ្ងៃ ទី២៥ មិថុនា ឆ្នាំ២០១០ ពីព្រះរាជទស្សនកិច្ចរយៈពេលបួនថ្ងៃជាលក្ខណៈឯកជននៅប្រទេស វៀតណាមវិញហើយ ដោយមានការទទួលព្រះរាជបដិសណ្ឋារកិច្ចពីសម្ដេចជា ស៊ីម សម្ដេច ហេង សំរិន និងសម្ដេចហ៊ុន សែន និងលោកជំទាវ ព្រមទាំងមន្ដ្រីអ្នកមុខអ្នកការជាច្រើនរូប ទៀតនៅឯព្រលានយន្ដហោះអន្ដរជាតិភ្នំពេញ ។ នៅឯព្រលានយន្ដហោះអន្ដរជាតិភ្នំពេញ ព្រះមហាវីរក្សត្រ សម្ដេចព្រះ នរោត្ដម សីហនុ សម្ដេចព្រះមហាក្សត្រី និងព្រះមហាក្សត្រ សម្ដេចព្រះបរមនាថ នរោត្ដម សីហមុនី ត្រូវបានទទួលព្រះរាជមាតុភូមិនិវត្ដន៍ប្រកប ដោយភាពកក់ក្ដៅពីថ្នាក់ដឹកនាំជាន់ខ្ពស់នៃរាជរដ្ឋាភិបាល ។ ទោះបីយ៉ាងណាក្ដី នៅឯ ព្រលានយន្ដហោះអន្ដរជាតិភ្នំពេញ មិនមានមន្ដ្រីព្រះបរមរាជវាំង ឬព្រះរាជខុទ្ទកាល័យព្រះ មហាក្សត្រផ្ដល់ព័ត៌មានលំអិតដល់អ្នកសារព័ត៌មានអំពីព្រះរាជទស្សនកិច្ចនេះទេ ។
** បើយោងតាមប្រភពព័ត៌មានដែលគួរឱ្យជឿទុកចិត្ដបានបង្ហើបឱ្យដឹងថា គណៈកម្មាធិ ការនាយករបស់គណបក្សសម រង្ស៊ី បានសំរេចថា នឹងបង់ប្រាក់ជាង១៦លានរៀល ដែលជា ប្រាក់ពិន័យ និងសំណងរដ្ឋប្បវេណីជូនទៅរតនាគារជាតិ និងសម្ដេចតេជោនាយករដ្ឋមន្ដ្រី ហ៊ុន សែន ដើម្បីជួយសង្គ្រោះអ្នកតំណាងរាស្ដ្រមូរ សុខហួរ ឱ្យរួចផុតពីការចោទប្រកាន់ក្នុង សំណុំរឿងបរិហារកេរ្ដិ៍ ។ ការសំរេចចិត្ដបង់ប្រាក់ជួយស្រោចស្រង់លោកស្រីមូរ សុខហួរ ដែលជិតនឹងបញ្ចប់ជីវិតនយោបាយទៅហើយនោះ គឺបានបង្ហាញយ៉ាងច្បាស់ពីការដើរតាម គន្លងចាស់របស់លោកសម រង្ស៊ី ដែលធ្លាប់បង់ប្រាក់រាប់លានរៀលជូនដល់គណៈកម្មាធិការ ជាតិរៀបចំការបោះឆ្នោត (គជប) ដោយសារតែការប្រមាថសម្ដេចតេជោ ហ៊ុន សែន ហើយក៏បានបញ្ជាក់យ៉ាងច្បាស់ពីភាពទាល់ច្រក ឬជាការបរាជ័យដ៏អាម៉ាស់របស់លោកស្រី មូរ សុខហួរ ដែលប្រព្រឹត្ដខុសច្បាប់ ហើយរត់ទៅស្រែកតិះដៀលប្រព័ន្ធតុលាការខ្មែរពីក្រៅ ប្រទេសថា មិនឯករាជ្យ មិនយុត្ដិធម៌ និងខំប្រឹងប្រែងរៀបឆាកល្ខោនធ្វើចរិតរឹងរូសក្នុង បំណងបំភ័ន្ដភ្នែកអ្នកដទៃ ដូចជាមិនខ្លាចជាប់ពន្ធនាគារ ។
ថ្ងៃទី២៦ មិថុនា ២០១០ ៖ សម័យប្រជុំពេញអង្គគណៈរដ្ឋមន្ដ្រី ក្រោមអធិបតីភាព ដ៏ខ្ពង់ខ្ពស់របស់សម្ដេចអគ្គមហាសេនាបតីតេជោ ហ៊ុន សែន បានសំរេច ១-សេចក្ដី ព្រាង ព្រះរាជក្រឹត្យ ស្ដីពីរបបសន្ដិសុខសង្គម សំរាប់អតីតយុទ្ធជនផ្អែកតាមកម្មវិធីនយោបាយរបស់ រាជរដ្ឋាភិបាល និងយុទ្ធសាស្ដ្រចតុកោណដំណាក់កាលទី២ និងយោងតាមអនុសាសន៍ដ៏ខ្ពង់ ខ្ពស់របស់សម្ដេចអគ្គមហា សេនាបតីតេជោ ហ៊ុន សែន ។ ២-សេចក្ដីព្រាងអនុក្រឹត្យស្ដីពីការ បង្កើតបេឡាជាតិអតីតយុទ្ធជន គឺផ្អែកតាមមាត្រាទី៥នៃព្រះរាជក្រឹត្យស្ដីអំពីរបបសន្ដិសុខ សង្គមសំរាប់អតីតយុទ្ធជន ។ ក្រសួងសង្គមកិច្ច អតីតយុទ្ធជន និងយុវនីតិសម្បទា បានរៀប ចំសេចក្ដីព្រាងអនុក្រឹត្យនេះឡើង ដើម្បីដំណើរការគ្រប់គ្រង និងធានាការបើករបបសន្ដិសុខ សង្គមជូនអតីតយុទ្ធជននៃកងយោធពលខេមរភូមិន្ទ, មន្ដ្រីនគរបាលជាតិ ។ ៣-សេចក្ដីព្រាង អនុក្រឹត្យស្ដីពីស្ថិតិ ផ្លូវការដែលបានចាត់តាំង គឺសេចក្ដីព្រាងអនុក្រឹត្យនេះ ត្រូវបានរៀបចំ ឡើងដោយក្រសួងផែនការអនុលោមទៅតាមច្បាប់ស្ដីពីស្ថិតិ ។ ៤-ឯកសារគោលនយោ បាយស្ដីពីការជំរុញផលិតកម្មស្រូវ និងការនាំចេញអង្ករ គឺដោយយោងតាមបទបញ្ជាដ៏ខ្ពង់ ខ្ពស់របស់សម្ដេចអគ្គមហាសេនាបតីតេជោហ៊ុន សែន ។
** បន្ទាប់ពីមានការភ្ញាក់ផ្អើលដ៏កក្រើកករណីរូបថតសកម្មភាពស្ដ្រីងូតទឹកស្រាតជាច្រើន នាក់ដែលត្រូវបានគេបាញ់ប្ល៊ូធូតៗគ្នាតាមទូរស័ព្ទមួយចំនួននោះ ប៉ូលិសបានរកឃើញរូប ថតស្ដ្រីអាក្រាតជាង៣០០រូបទៀតនៅក្នុងមេម៉ូរីទូរស័ព្ទរបស់សង្ឃនាមនេត ខៃ គង់ក្នុងកុដិ លេខ១ វត្ដស្រះចក សង្កាត់ស្រះចក ខណ្ឌដូនពេញ រាជធានីភ្នំពេញ នៅក្នុងការឆែកឆេរ និង ឃាត់ខ្លួនកាលពីព្រឹកថ្ងៃសៅរ៍ ទី២៦ មិថុនា២០១០ កន្លងមកនេះ ដែលក្នុងរូបថតទាំងនោះ មានរូបខ្លះជារូបសកម្មភាព និងរូបខ្លះជាស្កុប ។ យោងតាមពាក្យបណ្ដឹងរបស់នារីរងគ្រោះ ទើបប៉ូលិសជំនាញខណ្ឌដូនពេញបានកំណត់ទីតាំងមុខសញាគឺកុដិលេខ១ វត្ដស្រះចក ខណ្ឌ ដូនពេញ ហើយនៅព្រឹកថ្ងៃទី២៦ មិថុនា គណៈកម្មការចំរុះដឹកនាំដោយលោកសុខ សម្បត្ដិ អភិបាលខណ្ឌដូនពេញ ចុះបង្ក្រាប និងឃាត់ខ្លួនសង្ឃនាមនេត ខៃ ព្រះជន្ម៣៧ឆ្នាំ មានស្រុក កំណើតនៅភូមិឫស្សី ឃុំដូនតី ស្រុកពញាក្រែក ខេត្ដកំពង់ចាម ។ ប៉ូលិសជំនាញបាន វាយតម្លៃថា ការថតរូបភាពស្ដ្រីអាក្រាត (ស្រីងូតទឹកស្រាត) ដ៏ច្រើនបែបនេះ គឺសង្ឃនាម នេត ខៃ បានរៀបចំបង្កប់កាមេរ៉ាក្នុងបន្ទប់ងូតទឹកយ៉ាងសម្ងាត់ ដែលមានមិនតិចជាង៥ គ្រឿងនោះទេ ៕
ចែករំលែកព័តមាននេះ