ខេត្តកំពង់ស្ពឺ ៖ បុរសជាប្ដីចិត្តកំណាចម្នាក់ ត្រូវបានកម្លាំងនគរបាលស្រុកគងពិសី ធ្វើការឃាត់ខ្លួនខណៈដែលទាស់ពាក្យសម្ដីជាមួយប្រពន្ធតិចតួច ក៏ទាញចបជីកវាយប្រពន្ធបែកក្បាល និងស្ទុះទៅយកកាំបិតផ្គាក់គំរាមសម្លាប់ប្រពន្ធថែមទៀតផង ដោយទ្រាំនូវទង្វើរបស់ប្ដីលែងបាន ក៏ដាក់ពាក្យប្ដឹងឱ្យសមត្ថកិច្ចឃាត់ខ្លួនតែម្ដង។
ករណីហិង្សាប្ដីចិត្តកំណាចវាយប្រពន្ធបែកក្បាល និងគំរាមសម្លាប់បានកើតឡើង កាលពីវេលាម៉ោង០៤និង០៥នាទីរសៀលថ្ងៃទី១២ ខែមេសា ឆ្នាំ២០២៦ នៅចំណុចក្នុងភូមិក្រាំងឡង ឃុំជង្រុក ស្រុកគងពិសី ខេត្តកំពង់ស្ពឺ ។
នគរបាលស្រុកគងពិសីបាននិយាយដឹងថា មានករណីហិង្សារក្នុងគ្រួសារ បង្កឡើងដោយឈ្មោះ អេង ទី ភេទប្រុស អាយុ៣១ឆ្នាំ (ជាប្តី) រស់នៅក្នុងភូមិឃុំកើតហេតុខាងលើ បានរករឿងឈ្លោះប្រកែកគ្នាជាមួយប្រពន្ធឈ្មោះ ឆយ ខែម អាយុ៤៩ឆ្នាំ និងបានបានវាយប្រតាយប្រតប់គ្នា ហើយជនសង្ស័យជាប្តីបានយកចបជីកដងដែកវាយទៅលើជនរងគ្រោះជាប្រពន្ធ ចំក្បាលមួយចបជីក បណ្ដាលឲ្យបែកក្បាល ។
បន្ទាប់មក វាយចំជើងមួយចបជីក បណ្ដាលឲ្យហើម រងរបួសធ្ងន់ ហើយជនសង្ស័យបានស្ទុះទៅ
យកកាំបិតផ្គាក់កាន់នៅនិងដៃគំរាមថា នឹងសម្លាប់ប្រពន្ធចោលថែមទៀតផង ។ ភ្លាមៗនោះសាច់ញាតិក្រុមគ្រួសារបានដាក់ពាក្យបណ្តឹងឲ្យសមត្ថកិច្ចជួយអន្តរាគមន៍។
ក្រោយទទួលបានព័ត៌មាន និងពាក្យបណ្តឹងរួច កម្លាំងនគរបាលជំនាញស្រុកគងពិសី បានសហការជាមួយកម្លាំង ប៉ុស្តិនគរបាលរដ្ឋបាលឃុំជង្រុក ធ្វើការឃាត់ខ្លួនជនសង្ស័យជាប្តីយកមកអធិការនគបាលស្រុកសួរនាំ ។ នគរបាលស្រុកគងពិសីបានបន្តថា កន្លងមក ជនសង្ស័យដៃដល់ជាប្តី តែងតែរករឿងឈ្លោះប្រកែកគ្នា និងប្រើអំពើហិង្សាទៅលើប្រពន្ធជាញឹកញាប់ និងជាមុខសញ្ញាប្រើប្រាស់គ្រឿងញៀនផងដែរ ។
បច្ចុប្បន្ន បុរសជាប្តីកំណាច(ជនសង្ស័យ)ត្រូវបានឃាត់ខ្លួន យកមកសួរនាំនៅអធិការដ្ឋាននគរបាលស្រុកគងពិសី និងកសាងសំណុំរឿងបញ្ជូនបន្តទៅការិយាល័យជំនាញនៅក្នុងសាលដ្ឋានក៏បានខេត្តកំពង់ស្ពឺ ដើម្បីចាត់ការតាមផ្លូវច្បាប់ ៕
ចែករំលែកព័តមាននេះ