រាជធានីភ្នំពេញ ៖ នៅសាលប្រជុំមន្ទីរពេទ្យកាល់ម៉ែត កាលពីវេលាព្រឹកថ្ងៃទី១៨ កក្កដា ២០១៤ មានរៀបចំបិទវគ្គគម្រោងវះកាត់ឆ្អឹងស្តារលទ្ធភាពពលកម្ម និងចុះហត្ថលាខាលើកិច្ចព្រមព្រៀងត្រីភាគីរវាងមន្ទីរពេទ្យកាល់ម៉ែត និងមូលនិធិអន្តរជាតិប្រទេសសិង្ហបុរី SingHealth ក្រោមអធិបតីភាពលោកវេជ្ជបណ្ឌិត តែ គុយស៊ាង រដ្ឋលេខាធិការក្រសួងសុខាភិបាល, លោកគង់ សន្យា អគ្គនាយករងមន្ទីរពេទ្យកាល់ម៉ែត, លោក CHua YeowLeng នាយកក្រុមហ៊ុនការិយាល័យសហប្រតិបត្តិការអន្តរជាតិ SingHealth លោក Edgar Pang អនុប្រធានក្រុមតំណាង និងជាទីប្រឹក្សាឯកអគ្គរដ្ឋទូតសាធារណរដ្ឋប្រទេសសិង្ហបុរីប្រចាំនៅកម្ពុជា និងមានការអញ្ជើញចូលរួមពីលោក លោកស្រីសាស្ត្រាចារ្យ វេជ្ជបណ្ឌិតជាច្រើនរូបទៀត ។
លោកសាស្ត្រាចារ្យរង CHua YeowLeng នាយកក្រុមហ៊ុការិយាល័យសហប្រតិបត្តិការអន្តរជាតិ SingHealthបានមានប្រសាសន៍ថា សេវាសុខភាពនៃប្រទេសសិង្ហបុរីបានចូលរួមយ៉ាងសកម្មនៅក្នុងគំនិតផ្តួចផ្តើមផ្នែកវេជ្ជសាស្ត្រថែទាំអ្នកជំងឺ និងផ្នែកសុខភាពដែលចងសម្ព័ន្ធភាពគ្នាជាមួយប្រទេសជិតខាងនៅអាសុី
គម្រោងផ្នែកវេជ្ជសាស្ត្រទាំងឡាយ ដែលបានរួមបញ្ចូលវេជ្ជបណ្ឌិតដែលមកពីផ្នែកព្យាបាលជំងឺឆ្អឹង និងសន្លាក់ ការសង្រ្គោះបន្ទាន់និងការប៉ះទង្គិច ការវះកាត់កែសម្ផស្ស ផ្នែកជំងឺបេះដូង និងការវះកាត់បេះដូង ផ្នែកជំងឺកុមារ ផ្នែកសម្ភព និងរោគស្ត្រី និងផ្នែកៗទៀតបានធ្វើការជះឥទ្ធិពលយ៉ាងខ្លាំងក្លាចំពោះការពង្រឹងជំនាញវេជ្ជសាស្ត្រ និងការផ្តល់ការថែរទាំអ្នកជំងឺនៅមន្ទីរពេទ្យទាំងឡាយនៅប្រទេសឥណ្ឌូណេស៊ី ចិន មីយ៉ានម៉ា វៀតណាម និងកម្ពុជា ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ