និស្សិតស្រីបារំងនាង CLOTILDE REISS ដែលជាប់ឃុំឃាំងនៅអ៊ីរ៉ង់រយៈពេល១០ខែ ហើយទទួលការកាត់ទោសពីបទចារកម្មពេលមានបាតុកម្មប្រឆាំងរដ្ឋាភិបាលក្រុងតេហេរ៉ង់ កន្លងមក មានក្ដីរីករាយខ្លាំងណាស់ពេលនាងបានវិលត្រឡប់មកក្រុងប៉ារីស កាលពីថ្ងៃទី១៦ ឧសភា ជួបជុំគ្រួសារនាងវិញ ។ ចាប់ពីពេលនេះទៅនាងវិលមកមានជីវិតសេរីវិញហើយ ។
រដ្ឋមន្ដ្រីការបរទេសបារាំងលោក BER-NARD KOUCHNER អះអាងថា ការដោះលែងរូបនាងពុំមានថ្នូរណាមួយឡើយ ។ មកដល់ព្រលានយន្ដហោះយោធា VILLA-COUBLAY តំបន់ក្រុងប៉ារីសមកពីទីក្រុងតេហេរ៉ង់កាត់តាមក្រុងឌូបៃកាលពីរសៀលថ្ងៃទី១៦ ឧសភា យុវនារីរូបនេះត្រូវបានគេនាំភ្លាមៗទៅកាន់វិមានប្រធានាធិបតីបារាំង ដែលនៅទីនោះរូបនាងត្រូវបានលោកប្រធានាធិបតីនីកូឡាស់ សាកូហ្ស៊ី ទទួលជាមួយឪពុកនាង ។
ក្នុងសេចក្ដីប្រកាសមួយប្រធានាធិបតីបារាំងបានសំដែងក្ដីរីករាយបំផុត ។ លោកបានថ្លែងអំណរគុណជាពិសេសបំផុតចំពោះ ប្រធានាធិបតីប្រេស៊ីលប្រធានាធិបតីសេណេហ្គាល់ និងប្រធានាធិបតីស៊ីរី ដែលបានដើរតួនាទីសកម្មឱ្យមានការដោះលែងយុវនារី បារាំងរូបនេះ ។
សេចក្ដីប្រកាសនេះបន្ដថា នាង CLOTI-LDE REISS ត្រូវជាប់ឃុំឃាំងដោយអយុត្ដិធម៌នៅអ៊ីរ៉ង់ចាប់ពីខែកក្កដា ឆ្នាំ២០០៩
មក ។ ពេលជាប់ឃុំឃាំង ក៏ដូចជាពេលនាងទទួលបានសេរីភាពក្រោមលក្ខខណ្ឌស្ថិតនៅក្នុងស្ថានទូតបារាំងដែរ នាងបង្ហាញពីភាពក្លាហាន និងសេចក្ដីថ្លៃថ្នូរជាគំរូមួយ ៕
ចែករំលែកព័តមាននេះ