វិធីត្រឹមត្រូវដើម្បីថែរក្សាសុខភាពធ្មេញ គឺត្រូវមានបរិមាណសារធាតុចិញ្ចឹមឲ្យបានត្រឹមត្រូវ និងអនាម័យមាត់ធ្មេញល្អ ។
អនាម័យមាត់ធ្មេញល្អគឺសំខាន់ណាស់ដើម្បីទប់ស្កាត់ហានិភ័យនៃជំងឺពុកធ្មេញ ។ ជំងឺពុកធ្មេញ និងថ្គាមអាចកើតមានប្រសិនបើអ្នកធ្វេសប្រហែសក្នុងការថែទាំសុខភាពមាត់ធ្មេញ ។ អ្នកត្រូវអនុវត្តអនាម័យមាត់ធ្មេញមូលដ្ឋានមួយចំនួនដើម្បីទប់ស្កាត់ហានិភ័យនៃការឆ្លងមេរោគតាមមាត់ ។
គន្លឹះ សំខាន់ៗមួយចំនួនដើម្បីការពារ និងព្យាបាលជំងឺពុកធ្មេញ ៖
១-ចៀសវាងទទួលទានស្ករលើសលប់
សូមចៀសវាងអាហារដែលសម្បូរជាតិស្ករពីក្នុងរបបអាហាររបស់អ្នក ។ បាក់តេរីនៅក្នុងមាត់អាចចិញ្ចឹមខ្លួនវាដោយជាតិស្ករដែលអ្នកបានបរិភោគ ។ ជាតិស្ករអាចបំបាត់ជាតិរ៉ែ និងកាល់ស្យូមពីរចនាសម្ព័នធ្មេញរបស់អ្នកព្រោះស្ករមានជាតិអាស៊ីតខ្លាំង ។
២-ទទួលទានអាហារដែលសម្បូរសារធាតុចិញ្ចឹម
ការទទួលទានវីតាមីន និងសារធាតុរ៉ែដែលមានជាតិខ្លាញ់រលាយពីធម្មជាតិអាចការពារជំងឺពុកធ្មេញបាន ។ ការទទួលទានបន្លែដែលមានស្លឹកបៃតង និងខ្លាញ់ដែលល្អចំពោះសុខភាពដូចជាប្រេងដូង ផ្លែប៊័រ គ្រាប់ធញ្ញជាតិគឺល្អចំពោះសុខភាពធ្មេញ ។
៣-ប្រើប្រាស់ប្រេង
ការប្រើប្រាស់ប្រេងអាចជួយបន្សាបជាតិពុលក្នុងមាត់ ។ ខ្ពុរមាត់របស់អ្នកជាមួយប្រេងដូងរយៈពេល២០នាទី ហើយខ្ជាក់វាចេញ ។ សូមចាប់ផ្តើមពី៣ទៅ៥នាទី ហើយបង្កើនវាដល់រយៈពេល២០នាទី ។ វាអាចជួយព្យាបាលជំងឺមាត់ធ្មេញបានជាច្រើន ។
៤-បំបាត់អាស៊ីតហ្វ៊ីតិក
អាស៊ីតហ្វ៊ីតិកនៅក្នុងរាងកាយនឹងទប់ស្កាត់មិនឲ្យធ្មេញរបស់យើងស្រូបយកសារធាតុរ៉ែនៅក្នុងអាហារ ។ វាក៏ធ្វើឲ្យសារធាតុរ៉ែចេញពីរាងកាយទាំងមូល ធ្មេញ និងថ្គាមផងដែរ ។ ហេតុដូច្នេះវាជាការល្អក្នុងការចៀសវាងអាហារទាំងអស់ដែលមានជាតិអាស៊ីតហ្វ៊ីតិក ។
៥-ប្រើថ្នាំដុសធ្មេញមានជាតិរ៉ែ
ចូរប្រើប្រាស់ថ្នាំដុសធ្មេញដែលមានជាតិរ៉ែ និងគ្មានសារធាតុគីមី ។ សារធាតុហ្វ្លុអូរ៉ាយល្អបំផុតសម្រាប់សុខភាពធ្មេញ ។ ទោះជាយ៉ាងណាក្តី អ្នកគួរតែប្រើវាក្នុងបរិមាណតិចតួចបានហើយ ៕
ចែករំលែកព័តមាននេះ