ស្លូវ៉ាគី៖ទីភ្នាក់ងារព័ត៌មានស្លូវ៉ាគី TASR បានរាយការណ៍ថា នាយករដ្ឋមន្ត្រីស្លូវ៉ាគី លោក Igor Matovic បានប្រកាសពីផែនការនៅថ្ងៃសៅរ៍ ដើម្បីធ្វើតេស្តមនុស្សគ្រប់គ្នា ដែលមានអាយុចាប់ពី…
ស្លូវ៉ាគី៖ទីភ្នាក់ងារព័ត៌មានស្លូវ៉ាគី TASR បានរាយការណ៍ថា នាយករដ្ឋមន្ត្រីស្លូវ៉ាគី លោក Igor Matovic បានប្រកាសពីផែនការនៅថ្ងៃសៅរ៍ ដើម្បីធ្វើតេស្តមនុស្សគ្រប់គ្នា ដែលមានអាយុចាប់ពី ១០ឆ្នាំឡើងទៅ នៅក្នុងប្រទេសរកមើលកូវីដ។
បន្ទាប់ពីបានឃើញការរីករាលដាលនៃការឆ្លងថ្មីៗនៅទូទាំងប្រទេសស្លូវ៉ាគី លោក Matovic បានពន្យល់ថា លោកជឿជាក់ថាវាជាវិធីមួយដែលអាចជួយទប់ស្កាត់នឹងការផ្ទុះឡើងនៃជំងឺកូវីដ តាមរយៈការធ្វើតេស្តរកជំងឺនេះលើប្រជាជនទាំងអស់។
ថ្លែងទៅកាន់ប្រជាជាតិ នៅក្នុងសុន្ទរកថាតាមទូរទស្សន៍ លោក Matovic បានសន្យាថា ប្រសិនបើការធ្វើតេស្តរកកូវីដនេះមិនមានប្រសិទ្ធភាពទប់ស្កាត់ការរីករាលដាលទីនោះ លោកនឹងលាលែងពីតំណែងរបស់លោក។
Matovic បាននិយាយថា៖ “ខ្ញុំខ្លាចថា វិធានការណ៍ការពារនាពេលបច្ចុប្បន្ននេះ ត្រូវបានគេបង្ហាញថាគ្មានប្រយោជន៍។ ការធ្វើតេស្តនេះមិនផ្តល់ផលវិបាកអ្វីទេ មានតែអាចជួយដល់យើងវិញ។”
យោងតាម TASR លោក Matovic បាននិយាយថា ការធ្វើតេស្តនឹងមិនគិតថ្លៃទេ សម្រាប់ប្រជាជនចំនួន ៥.៤លាននាក់។ យុទ្ធនាការនេះត្រូវបានគេរំពឹងថា នឹងប្រព្រឹត្តទៅរយៈពេលពីរសប្តាហ៍ចុងសប្តាហ៍ ដោយចាប់ផ្តើមនៅចុងខែតុលា៕
ចែករំលែកព័តមាននេះ