ក្រោយពីចាញ់ឆ្នោត លោកត្រាំ ទៅលេងវាយកូនហ្គោលធ្វើមិនដឹង
អាមេរិក ៖ តាមប្រភពព័ត៌មាន Bangkok Post បានឱ្យដឹងថា លោក ដូណាល់ត្រាំ បានវិលត្រឡប់ទៅទីលានវាយកូនហ្គោលរបស់គាត់ នៅជាយក្រុងវ៉ាស៊ីនតោន…
អាមេរិក ៖ តាមប្រភពព័ត៌មាន Bangkok Post បានឱ្យដឹងថា លោក ដូណាល់ត្រាំ បានវិលត្រឡប់ទៅទីលានវាយកូនហ្គោលរបស់គាត់ នៅជាយក្រុងវ៉ាស៊ីនតោន មួយថ្ងៃ បន្ទាប់ពីប្រព័ន្ធផ្សព្វផ្សាយព័ត៌មានបានប្រកាសពីការបរាជ័យរបស់គាត់ នៅក្នុងការបោះឆ្នោតប្រធានាធិបតីដោយជ័យជំនះរបស់អ្នកប្រជាធិបតេយ្យលោក Joe Biden ។
លោក Biden ដែលជាអតីតអនុប្រធានាធិបតី បានទៅព្រះវិហារកាតូលិកមួយក្បែរផ្ទះរបស់គាត់ នៅ Wilmington រដ្ឋ Delaware ដូចដែលគាត់ធ្វើទៀងទាត់។
លោក Trump ក៏កំពុងលេងកីឡាវាយកូនហ្គោលនៅឯទីធ្លារបស់គាត់នៅទីក្រុង Sterling រដ្ឋ Virginia កាលពីថ្ងៃសៅរ៍ នៅពេលបណ្តាញអាមេរិកបានប្រកាសថា លោក Biden ទទួលបានការបោះឆ្នោតយ៉ាងជាក់លាក់ ដែលចាំបាច់ត្រូវស្បថចូលកាន់តំណែងជាប្រធានាធិបតីនៅថ្ងៃទី២០ ខែមករា។
ប្រធានាធិបតី ត្រាំ មិនទាន់បានធ្វើសន្និសីទ ឬអបអរសាទរលោក Biden នៅឡើយទេ។ ផ្ទុយទៅវិញកាលពីថ្ងៃអាទិត្យ គាត់បានបង្ហោះសារនៅលើបណ្តាញសង្គមធ្វីតទ័រ (Twitter) ដើម្បីផ្តល់យោបល់ដោយគ្មានអំណះអំណាងថា ការបោះឆ្នោតត្រូវបានគេលួចក្លែងបន្លំ។
នៅពេលឡានរបស់គាត់ធ្វើដំណើរឆ្ពោះទៅទីក្រុង Sterling ដើម្បីវាយកូនហ្គោល ក្រុមអ្នកតវ៉ានៅតាមដងផ្លូវមួយចំនួនបានអបអរចំពោះការចាញ់ឆ្នោតរបស់គាត់។
ដោយឡែក ដំណឹងនៃជ័យជំនះរបស់លោក Biden បានធ្វើឱ្យអ្នកគាំត្ររាប់ពាន់នាក់ អបអរសាទរនៅតាមដងផ្លូវនៃទីក្រុងអាមេរិកនៅថ្ងៃសៅរ៍៕
ចែករំលែកព័តមាននេះ