កីឡានាំមកនូវសុខភាព មិត្តភាព និងសាមគ្គីភាព
- កំពត
ខេត្តកំពត ៖ លោក ចាន់ ចេស្តា អភិបាល នៃគណអភិបា លខេត្តកំពត បានមានប្រសាសន៍ថា ការរីកចម្រើនលើ…
ខេត្តកំពត ៖ លោក ចាន់ ចេស្តា អភិបាល នៃគណអភិបា លខេត្តកំពត បានមានប្រសាសន៍ថា ការរីកចម្រើនលើ…
ខេត្តកំពត ៖ លោក ចាន់ ចេស្តា អភិបាល នៃគណអភិបា លខេត្តកំពត បានមានប្រសាសន៍ថា ការរីកចម្រើនលើ វិស័យកីឡាបង្ហាញឲ្យឃើញថា ស្រុកទេសមានសុខសន្តិភាព ហើយកីឡានាំមកនូវសុខភាព និងមិត្តភាពផងដែរ ។ កីឡាជាវិស័យមួយដែលប្រទេសទាំងអស់នៅលើពិភពលោកយកធ្វើជាស្ពានដើម្បីចងចំណងមេត្រី ភាពរវាងក្រុមមួយ និងក្រុមមួយ ខេត្តមួយនិងខេត្តមួយ ប្រទេសមួយនិងប្រទេសមួយ ដោយមានការចូលរួមលេងសប្បាយរីករាយរួមគ្នា ។
ហើយការរីកចម្រើនវិស័យកីឡានៅកម្ពុជានាពេលបច្ចុប្បន្ននេះ បានបង្ហាញឲ្យឃើញថា ស្រុកទេសរបស់យើងមាន សុខសន្តិភាពពេញលេញ ធ្វើឲ្យភ្ញៀវទេសចរ និងអ្នកវិនិយោគមកកាន់តែច្រើន ។ នេះជាប្រសាសន៍ថ្លែងនៅក្នុងពិធីបិទការប្រកួតកីឡាមហាជនពានរង្វាន់ លោក ចាន់ ចេស្តា អភិបាល នៃគណអភិបាលខេត្តកំពត ជ្រើសរើសជើងឯកទូទាំងខេត្តប្រចាំឆ្នាំ២០១៧ លើ៣វិញ្ញាសារ បាល់ទាត់ បាល់បោះ និងប៉េតង់ (ប៊ូល) នៅល្ងាចថ្ងៃទី០៨ ខែធ្នូ ឆ្នាំ២០១៧ ។
លោកអភិបាលខេត្តបានបន្តថា ប្រសិនបើប្រទេសមួយគ្មានសុខសន្តិភាព សេរីភាព សុវត្ថិភាពនោះទេ គ្មាននរណាគេចង់ទៅលេងកីឡាជាមួយទេ តួរយ៉ាងដូចជាបណ្តាប្រទេសមជ្ឈិមបូរព៌ាជាដើម ។ ផ្ទុយទៅវិញបើប្រទេសណាដែលមានវិស័យកីឡារីកចម្រើន ទាំងភ្ញៀវទេសចរក៏ចង់មកលេងកម្សាន្តដែរ អ្នកធុរៈកិច្ចអន្តរជាតិក៏ហ៊ានមកបណ្ដាក់ទុន ព្រោះគេសម្លឹងមើលតាមរយៈការរីកចម្រើនលើវិស័យកីឡានេះឯង ។ ដូចគ្នានេះដែរ ការរីកចម្រើនវិស័យកីឡានៅក្នុងខេត្តកំពត និងជួយទាក់ទាញអ្នកធុរៈកិច្ចមកវិនិយោគ និងភ្ញៀវទេសចរជាតិ តាមបណ្តាខេត្តផ្សេងៗ ក៍ដូចជាភ្ញៀវទេសចរអន្តរជាតិឲ្យមកទស្សនាខេត្តទេសចរណ៍ផ្កាយរះទិសនារតីមួយនេះ ឲ្យកាន់តែច្រើនឡើង បង្កឲ្យមានកំណើនសេដ្ឋកិច្ច និងប្រាក់ចំណូលដល់ប្រជាពលរដ្ឋ អាជីវករ ម្ចាស់ភោជនីដ្ឋាន ផ្ទះសំណាក់ សណ្ឋាគារ និងអ្នកដែលផ្តល់សេវាលើផ្នែកទេសចរណ៍ផ្សេងៗទៀត ។
ម្យ៉ាងទៀត ប្រជាពលរដ្ឋគ្រប់ស្រទាប់វណ្ណៈ ជាពិសេសយុវវ័យខេត្តកំពតស្រឡាញ់ចូលចិត្ត និងបានចូលរួមលេងកីឡាយ៉ាងផុលផុស ដែលជាកត្តាបានចូលរួមចំណែកក្នុងការលើកស្ទួយសុខភាពឃ្លាតឆ្ងាយពីការប្រើប្រាស់ចែកចាយជួញដូរគ្រឿងញៀន និងអំពើអបាយមុខផ្សេងៗ ។ ដោយមានការសម្លឹងឃើញដូច្នេះ ទើបលោកបានផ្តួចផ្តើមរៀបចំការប្រកួតកីឡាជាច្រើនលើក ក្រោយពេលពហុកីឡដ្ឋានខេត្ត ដែល សម្តេចអគ្គមហាសេនាបតីតេជោ ហ៊ុន សែន បានចងដៃដល់ខេត្តកំពត ហើយត្រូវបានជួសជុលឡើង វិញ ។ ប្រជាពលរដ្ឋ និងយុវវ័យទូទាំងខេត្តកំពតសូមថ្លែងអំណរគុណដ៏ជ្រាលជ្រៅបំផុតចំពោះ សម្តេចតេជោ ដោយមិនអាចកាត់ថ្លៃបាន និងគាំទ្របេក្ខភាពជា នាយករដ្ឋមន្ត្រីគ្រប់អាណត្តិ ។ ជាមួយគ្នានេះដែរ ដូចជាប្រកួតកីឡាថ្នាក់មូលដ្ឋានឃុំសង្កាត់ សហគមន៍ជនជាតិអីស្លាម ថ្នាក់ខេត្ត ថ្នាក់ជាតិ និងមិត្តភាពអន្តរជាតិ ហើយពហុកីឡដ្ឋានខេត្តកំពតញញឹមបើកទ្វារជូនគ្រប់ពេល គ្រប់រដូវកាល រាល់ការប្រកួតកីឡាទាំងអស់ក្នុងថ្ងៃខាងមុខទៀត ។
លោកក៏បានជម្រាបថា នៅចុងខែនេះ និងមានការប្រកួតរវាងក្រុមបាល់ទាត់ជម្រើសខេត្តកំពត និងក្រុមចំរុះរបស់កីឡាករ ចាន់ វឌ្ឍន៍នាកា និងការប្រកួតជាបន្តបន្ទាប់ជាច្រើនទៀត ៕
ចែករំលែកព័តមាននេះ