ហ្វីលីពីន ៖ តាមប្រភពព័ត៌មាន Bangkok Post បានឱ្យដឹងថា ហ្វីលីពីនបាននិយាយថា ការរុករកប្រេងនៅក្នុងសមុទ្រចិនខាងត្បូងដែលកំពុងមានជម្លោះ អាចបន្តដោយគ្មានប្រទេសចិន ដែលវាជាសញ្ញាមួយនៃបង្ហាញថា ប្រទេសនេះមានជំហររឹងមាំប្រឆាំងនឹងទីក្រុងប៉េកាំង។
![](https://kohsantepheapdaily.com.kh/wp-content/images/2020/11/330af509d392ce43fceb360826a36ad5.jpg)
រដ្ឋលេខាធិការក្រសួងថាមពលហ្វីលីពីន លោក Alfonso Cusi បាននិយាយថា ក្រុមហ៊ុន PXP Energy Corp អាចធ្វើការស្វែងរកប្រេងនៅ Reed Bank នៃសមុទ្រដែលមានជម្លោះ ទោះបីមិនមានដៃគូជាមួយក្រុមហ៊ុនប្រេងជាតិចិន Offichore Corp. នៅក្នុងតំបន់ក្រោមកិច្ចសន្យាសេវាកម្ម ៧២ ដែលជាកិច្ចសន្យាមួយក្នុងចំណោមកិច្ចសន្យាទាំង៥ ត្រូវបានអនុញ្ញាតឱ្យបន្តការរុករកឡើងវិញ។
នៅពេលសួរថា តើ PXP គួរតែសុំការអនុញ្ញាតពីប្រទេសចិនដើម្បីបន្តការរុករកដែរឬទេ? លោក Cusi ថា៖ «ប្រសិនបើពួកគេអាចធ្វើវាដោយខ្លួនឯង ចូរបន្តទៅមុខទៀត។ ប្រសិនបើពួកគេមិនអាចធ្វើបានទេ ហើយពួកគេត្រូវការដៃគូ ពួកគេត្រូវធ្វើជាដៃគូជាមួយប្រទេសចិន»។
![Philippines' PXP Energy in talks with CNOOC on S.China Sea development | BusinessWorld](https://www.bworldonline.com/wp-content/uploads/2020/10/PXP.jpg)
ប្រធានាធិបតី Rodrigo Duterte កាលពីខែមុន បានដកបម្រាមរយៈពេល ៦ឆ្នាំលើការរុករកប្រេងនៅសមុទ្រចិនខាងត្បូង ដែលអ្នកនាំពាក្យរបស់លោកបានពណ៌នាថា ជាការអះអាងអំពីសិទ្ធិរបស់ហ្វីលីពីននៅក្នុងដែនទឹកដែលមានជម្លោះ។ មេដឹកនាំហ្វីលីពីនកាលពីពេលថ្មីៗនេះ បានប្រកាន់ជំហររឹងប៉ឹងប្រឆាំងនឹងប្រទេសចិន និងបានងាកទៅរកសហរដ្ឋអាមេរិក ដែលបានបង្កើនការរិះគន់របស់ខ្លួនចំពោះសកម្មភាពរបស់ទីក្រុងប៉េកាំងនៅក្នុងដែនទឹកដែលមានជម្លោះ។
![Duterte reopens South China Sea oil exploration amid Beijing talks - Nikkei Asia](https://www.ft.com/__origami/service/image/v2/images/raw/https%3A%2F%2Fs3-ap-northeast-1.amazonaws.com%2Fpsh-ex-ftnikkei-3937bb4%2Fimages%2F0%2F2%2F2%2F1%2F29991220-4-eng-GB%2FCropped-1602777174CDO-54.jpg?source=nar-cms&width=1600&height=900&fit=cover&gravity=faces)
លោក Manuel Pangilinan ប្រធានក្រុមហ៊ុន PXP កាលពីថ្ងៃពុធបាននិយាយថា ខ្លួនបានបញ្ជូនកម្មវិធីការងារបឋមទៅមន្ទីរថាមពល។ លោក Pangilinan បាននិយាយកាលពីសប្តាហ៍មុនថា តំបន់ Reed Bank ត្រូវការការរុករកមួយផ្សេងទៀត ដោយបន្ថែមថា លោកមិនដឹងទេ ប្រសិនបើការរុករកអាចបន្តដោយគ្មានការអនុញ្ញាតពីប្រទេសចិន។
យោងតាម លោក Gregory Poling ប្រធានអង្គការគំនិតផ្តួចផ្តើមតម្លាភាពសមុទ្រអាស៊ី នៅទីក្រុងវ៉ាស៊ីនតោន ប្រទេសចិនទំនងជានឹងរារាំងការរុករកថ្មីនៅក្នុងដែនទឹក ដែលមានជម្លោះដូចជាបានបង្ហាញនៅក្នុងជម្លោះជាមួយវៀតណាមនិងម៉ាឡេស៊ីនាពេលថ្មីៗនេះ៕
ចែករំលែកព័តមាននេះ