វិធីចិញ្ចឹមកូនតាមកំពូលមហាសេដ្ឋីប៊ីលហ្គេត
ពេលដែលលើកឡើងពីប្រធានបទមើលថែកូនៗទាំងបី លោកមហាសេដ្ឋី ប៊ឺល ហ្គេតស៍ (Bill Gates) ដែលជាស្ថាបនិកក្រុមហ៊ុន Microsoft មិនខ្មាស់អៀននឹងទទួលស្គាល់ថា ភរិយាខ្លួន…
ពេលដែលលើកឡើងពីប្រធានបទមើលថែកូនៗទាំងបី លោកមហាសេដ្ឋី ប៊ឺល ហ្គេតស៍ (Bill Gates) ដែលជាស្ថាបនិកក្រុមហ៊ុន Microsoft មិនខ្មាស់អៀននឹងទទួលស្គាល់ថា ភរិយាខ្លួន…
ពេលដែលលើកឡើងពីប្រធានបទមើលថែកូនៗទាំងបី លោកមហាសេដ្ឋី ប៊ឺល ហ្គេតស៍ (Bill Gates) ដែលជាស្ថាបនិកក្រុមហ៊ុន Microsoft មិនខ្មាស់អៀននឹងទទួលស្គាល់ថា ភរិយាខ្លួន គឺអ្នកស្រី Melinda ជាអាណាព្យាបាលដែលសកម្មជាងលោកឡើយ ។ ប៉ុន្តែលោកបានបន្តថា លោក និងភរិយាបានពិចារណាយ៉ាងល្អិតល្អន់ទាក់ទិន និងយុទ្ធសាស្ត្រដែលពួកគេប្រើ ដើម្បីចិញ្ចឹមមើលថែកូនៗទាំងបី ដែលបច្ចុប្បន្នមានអាយុ១៦ឆ្នាំ ១៩ឆ្នាំ និង២៣ឆ្នាំ ។
គូស្វាមីភរិយាខាងលើបានប្រើគំរូ «សេចក្តីស្រលាញ់ និងតក្ក» ។ គំរូនេះតម្រូវឲ្យមានការកាត់បន្ថយការឆ្លើយតបដែលប្រើអារម្មណ៍ដូចជា ការស្រែក ឬស្តីបន្ទោសកូនៗជាដើម ។ មេរៀនសំខាន់នេះ គឺការជួយឲ្យមនុស្សគ្រប់គ្រងអារម្មណ៍ និងការនិយាយស្តីពេលអារម្មណ៍មិនល្អជាដើម ។ យ៉ាងណាក្តីលោក ហ្គេតស៍ បានទទួលស្គាល់ថា លោក និងភរិយាមិនអាចអនុវត្តគំរូនេះទាំងស្រុងទេ ព្រោះលោកមិនអាចបោះចោលអារម្មណ៍បានឡើយ ។
ប៉ុន្តែក្រៅពីការគ្រប់គ្រងកំហឹង ហើយគំរូខាងលើក៏ផ្តោតសំខាន់លើសារៈសំខាន់នៃការមិនផ្តល់រង្វាន់ដល់កូនៗច្រើនពេក ប៉ុន្តែបែរជាផ្តោតលើការផ្តល់សេចក្តីស្រលាញ់ឥតលក្ខខណ្ឌ និងកោតសរសើរកូនៗទៅលើអត្តចរិករបស់ពួកគេ មិនមែនលើអ្វីដែលពួកគេបានធ្វើ ឬសម្រេចទេ ។
មនុស្សដែលជោគជ័យជាច្រើនក៏មានបញ្ហានៅសាលារៀនដែរ ហើយអ្វីដែលសំខាន់ គឺការជំរុញឲ្យកូនៗមានអត្តចរិកល្អ ពូកែឆ្ងល់ និងមានជំនាញដោះស្រាយបញ្ហា ។ គំរូនេះស្រដៀងគ្នាទៅនឹងយុទ្ធសាស្ត្រសួរសំណួរបស់អ្នកប្រាជ្ញសូក្រាត (Socrates) ដែរ ហើយវាជំរុញឲ្យឪពុកម្តាយសួរសំណួរដែលជួយឲ្យកូនៗ និងឲ្យកូនៗគិតពីដំណោះស្រាយបញ្ហាដោយខ្លួនឯង ។
លើសពីនេះទៀតលោកក៏មានបទបញ្ជាមួយចំនួនដែលកូនៗត្រូវតែគោរពតាមដែរ ។ ក្នុងនោះរួមមានការមិនឲ្យកូនៗមានទូរស័ព្ទដៃប្រើរហូតដល់អាយុ ១៤ឆ្នាំជាដើម ។ បន្ថែមពីនេះទៅទៀតកូនៗទាំងបីត្រូវតែទៅព្រះវិហារជាប្រចាំជាមួយនឹងឪពុកម្តាយ ហើយពួកគេនឹងទទួលបានតែ១០លានដុល្លារក្នុងម្នាក់តែប៉ុណ្ណោះ ក្នុងចំណោមទ្រព្យសម្បត្តិប្រមាណ ៩០ប៊ីលានដុល្លាររបស់ឪពុកម្តាយ ៕ កែសម្រួលដោយ ៖ សុឃាក់
ចែករំលែកព័តមាននេះ