រាជធានីភ្នំពេញ៖ ក្រសួងអប់រំយុវជន និងកីឡាបានបញ្ចប់ដំណើរការកំណែនៃការប្រឡងសញ្ញាបត្រមធ្យមសិក្សាទុតិយភូមិ សម័យប្រឡងថ្ងៃទី១៩ សីហា ២០១៩ បានប្រព្រឹត្តិទៅរយៈពេល៧ថ្ងៃ ចាប់ពីថ្ងៃទី២២-២៨ ខែសីហា ឆ្នាំ២០១៩…
រាជធានីភ្នំពេញ៖ ក្រសួងអប់រំយុវជន និងកីឡាបានបញ្ចប់ដំណើរការកំណែនៃការប្រឡងសញ្ញាបត្រមធ្យមសិក្សាទុតិយភូមិ សម័យប្រឡងថ្ងៃទី១៩ សីហា ២០១៩ បានប្រព្រឹត្តិទៅរយៈពេល៧ថ្ងៃ ចាប់ពីថ្ងៃទី២២-២៨ ខែសីហា ឆ្នាំ២០១៩ បានបញ្ជប់ដោយជោគជ័យ ។ យោងតាមបណ្តាញសង្គមរបស់ក្រសួងអប់រំចេញផ្សាយ នៅថ្ងៃទី២៩ សីហា បានឲ្យដឹងថា ដំណើរការកំណែបានប្រព្រឹត្តិទៅដោយរលូន និងប្រសិទ្ធភាពខ្ពស់ដោយមិនមានបាតុភាពមិនប្រក្រតីណាមួយកើតឡើងឡើយ នៅតាមមណ្ឌលកំណែទាំង១០ក្នុងរាជធានីភ្នំពេញ ។
ប្រភពបានបន្តថាគណៈកម្មការកំណែទាំងអស់គោរពតាមបទបញ្ញត្តិនៃដំណើរការកំណែបានល្អ និងអនុវត្តតាមកម្រងភារកិច្ចប្រកបដោយភាពហ្មត់ចត់ស្មោះត្រង់ និងស្មារតីទទួលខុសត្រូវ ខ្ពស់ ។ ដំណើរការកំណែបានប្រព្រឹត្តិទៅ ដោយមានកិច្ចសហការយ៉ាងល្អពីគ្រប់ភាគីពាក់ព័ន្ធដែលរួមមានអង្គភាពប្រឆាំងអំពើពុករលួយអាជ្ញាធរដែនដីកងកម្លាំងមានសមត្ថកិច្ច និងមន្ត្រីសុខាភិបាល ។ ដំណើរការបន្ទាប់ គឺជាដំណើរការបូកស្រង់ពិន្ទុដោយកុំព្យូទ័រ ។
តាមការគ្រោងទុកលទ្ធផលប្រឡងនឹងត្រូវប្រកាសនៅតាមមណ្ឌលក្នុងរាជធានីភ្នំពេញ និង ខេត្តកណ្តាល នៅរសៀលថ្ងៃទី១០ ខែកញ្ញា ឆ្នាំ២០១៩ និងនៅតាមមណ្ឌលប្រឡងផ្សេងៗទៀត នៅនៅថ្ងៃទី១១ ខែកញ្ញា ឆ្នាំ២០១៩ ។
សូមជម្រាបការប្រឡងសញ្ញាបត្រមធ្យមសិក្សាទុតិយភូមិ កាលពីថ្ងៃទី១៩-២០ សីហាប្រព្រឹត្ត ទៅដោយរលូនល្អមិនមានបាតុភាពកើតឡើងភាពមិនប្រក្រតីណាមួយគួរឲ្យកត់សម្គាល់ឡើយ ។ បើទោះបីមានភ្លៀងធ្លាក់នៅតាមមណ្ឌលមួយចំនួនក្នុងខេត្តព្រះវិហារ ស្ទឹងត្រែង រតនគិរី និង កោះកុង ប៉ុន្តែដំណើរការសំណេរនៅតែមានដំណើរការល្អមានសភាពស្ងប់ស្ងាត់ និងរបៀបរៀបរយល្អដោយមានការយកចិត្តទុកដាក់ និងទំនួលខុសត្រូវខ្ពស់ពីគណៈមេប្រយោគទូទាំង ប្រទេសគណៈ អប្បមាទទូទាំងប្រទេសជំនួយការអប្បមាទ ទូទាំងប្រទេសប្រធានអនុប្រធាន មណ្ឌល គណៈកម្មការ កណ្ដាលគណៈកម្មការត្រួតពិនិត្យ អគារគណៈកម្មការអនុរក្សដោយមានការចូលរួមសហការដោយសហភាព សហព័ន្ធ យុវជនកម្ពុជា អង្គភាពប្រឆាំងអំពើពុករលួយ មន្ត្រីសុខាភិបាល និងអាជ្ញាធរមានសមត្ថកិច្ចពាក់ព័ន្ធ ។
ដោយឡែកបេក្ខជនបានគោរពបទបញ្ញត្តិនៃការប្រឡងបានយ៉ាងល្អ និងប្រឹងប្រែងក្នុងការធ្វើកិច្ចការតាមសមត្ថភាពរៀងៗខ្លួន ដោយគ្មានយកសំណៅឯកសារ ឬឧបករណ៍អេឡិចត្រូនិកចូលក្នុងមណ្ឌលប្រឡងឡើយ ។ ក្នុងដំណើរការសំណេរនាព្រឹកថ្ងៃទី២នេះ មានពីរ មុខវិជ្ជា សម្រាប់ថ្នាក់ វិទ្យាសាស្ត្រ ( អក្សរសាស្ត្រខ្មែរ និងរូបវិទ្យា) និងសម្រាប់ថ្នាក់វិទ្យាសាស្ត្រសង្គម (គណិតវិទ្យា និងសីលធម៌ ពលរដ្ឋវិជ្ជា) ។ ចំនួនបេក្ខជនអវត្តមាននាពេលព្រឹកចំនួន១៨១៨ នាក់ ស្រី៦៩៦នាក់ ជាភាគរយ១.៥៥% ។ បេក្ខជនមានបញ្ហាសុខភាពចំនួន៦៣ករណី ក្នុងនោះមិន អាចវិលត្រឡប់មកប្រឡងវិញ៣ករណី ចំណែកបេក្ខជនផ្សេងទៀតបន្តប្រឡងជាបន្តទៀត បានបន្ទាប់ពីទទួលបានការសង្គ្រោះបឋម ៕ កែសម្រួលដោយ ៖ សុឃាក់
ចែករំលែកព័តមាននេះ