រាជធានីភ្នំពេញ៖ សពបុរសម្នាក់ត្រូវបានប្រជាពលរដ្ឋប្រទះឃើញដេកស្លាប់ក្នុងទឹកដីវាលទំនាប់បឹងដោយសមត្ថកិច្ចមានការសង្ស័យថា ដើរឆក់ត្រីឆក់ខ្លួនឯងស្លាប់ព្រោះនៅជាប់ខ្លួន សពមានអាគុយនិងឧបករណ៍សម្រាប់ឆក់ព្រមទាំងកន្ត្រក់ដាក់ត្រីនិងពិលនៅជាប់ក្បាល ។ ហេតុការណ៍ ប្រទះឃើញសពនេះនៅវេលាម៉ោងប្រមាណ៣ទៀបភ្លឺ ថ្ងៃទី០៣ខែសីហា ឆ្នាំ ២០១៩…
រាជធានីភ្នំពេញ៖ សពបុរសម្នាក់ត្រូវបានប្រជាពលរដ្ឋប្រទះឃើញដេកស្លាប់ក្នុងទឹកដីវាលទំនាប់បឹងដោយសមត្ថកិច្ចមានការសង្ស័យថា ដើរឆក់ត្រីឆក់ខ្លួនឯងស្លាប់ព្រោះនៅជាប់ខ្លួន សពមានអាគុយនិងឧបករណ៍សម្រាប់ឆក់ព្រមទាំងកន្ត្រក់ដាក់ត្រីនិងពិលនៅជាប់ក្បាល ។ ហេតុការណ៍ ប្រទះឃើញសពនេះនៅវេលាម៉ោងប្រមាណ៣ទៀបភ្លឺ ថ្ងៃទី០៣ខែសីហា ឆ្នាំ ២០១៩ នៅដីវាលព្រៃលិចទឹកទំនាប់បឹងក្នុងភូមិ បាក់ខែង សង្កាត់ព្រែកលៀបខណ្ឌជ្រោយចង្វារ ហើយដឹងដល់សមត្ថកិច្ចចុះដើរកឃើញនៅវេលាម៉ោងប្រមាណ១១ព្រឹក ។
ជនរងគ្រោះឈ្មោះ ឯក ទូច ភេទប្រុស អាយុ៤១ឆ្នាំ ជាកម្មករលីសែង មានលំនៅ ផ្ទះគ្មានលេខ ផ្លូវជាតិលេខ៦ ភូមិខ្ទរ សង្កាត់ព្រែកលៀប ខណ្ឌជ្រោយចង្វារ ។
តាមព័ត៌មានបានឲ្យដឹងថា នៅវេលាម៉ោងប្រមាណ៣ទៀបភ្លឺមានប្រជាពលរដ្ឋ ដែលធ្វើដំណើរទៅនេសាទត្រីស្រាប់តែភ្លើងពិលបាញ់ឡើងលើចេញពីក្នុងព្រៃរាំងក៍បានដើរទៅមើលស្រាប់តែឃើញបុរសម្នាក់ដួលស្លាប់ក្នុងទឹក ដោយមានអាគុយ និងឧបករណ៍ឆក់នៅជាប់ខ្លួន ហើយដៃជាប់កុងតាក់ភ្លើងព្រមទាំងភ្លើងពិលនៅជាប់ក្បាល ។ បន្ទាប់ពីប្រទះឃើញសពប្រជាពលរដ្ឋក៏បានរាយការណ៍ប្រាប់សមត្ថកិច្ច ហើយ នៅវេលាម៉ោងប្រមាណ១១ព្រឹកសមត្ថកិច្ចក៍បានចុះទៅកន្លែងកើតហេតុ ហើយអូសសពចេញមកដាក់លើគោកដើម្បីអោយនគរបាលជំនាញត្រួតពិនិត្យ។
តាមក្រុមគ្រួសារបានអោយដឹងថា នៅវេលាម៉ោងប្រមាណ៣រសៀលថ្ងៃទី០២ ខែសីហា ជនរងគ្រោះក៏បានជិះម៉ូតូចេញពីផ្ទះនៅរោងឈើនៅឃុំព្រែកតាម៉ាក់ ក៏បានបាត់ដំណឹងរហូតប្រាប់តែនៅវេលាម៉ោងប្រមាណ១រសៀលថ្ងៃទី០៣ ខែសីហា ទើបទទួលដំណឹងថា ឆក់ស្លាប់ ។
បន្ទាប់ពីប្រទះឃើញសពនគរបាលជំនាញក៏បានចុះទៅត្រួតពិនិត្យសពហើយបានធ្វើការសន្និដ្ឋានថា សពពិតជាបានស្លាប់ដោយសារចរន្តភ្លើងអាគុយឆ្លងទឹកឆក់ស្លាប់ ។ សពត្រូវបានក្រុមគ្រួសារបញ្ចូនទៅធ្វើបុណ្យនៅលំនៅឋាន៕
កែសម្រួលដោយ ៖ សំណាង
ចែករំលែកព័តមាននេះ