រាជធានីភ្នំពេញ ៖ រដ្ឋមន្ត្រីការបរទេសសិង្ហបុរីបានបំភ្លឺថា នាយករដ្ឋមន្ត្រីឹសិង្ហបុរីមិនមែនចេតនាមួយមិនល្អចំពោះការលើកឡើងក្នុងសារនោះទេ ដែលនិយាយពីវៀតណាមនោះទេ ។ ការបំភ្លឺរបស់រដ្ឋមន្ត្រីការបរទេសសិង្ហបុរីនេះ ក្រោយពីការប្រតិកម្មដ៏ខ្លាំងក្លាពីនាយករដ្ឋមន្ត្រីកម្ពុជា សម្តេចតេជោ ហ៊ុន…
រាជធានីភ្នំពេញ ៖ រដ្ឋមន្ត្រីការបរទេសសិង្ហបុរីបានបំភ្លឺថា នាយករដ្ឋមន្ត្រីឹសិង្ហបុរីមិនមែនចេតនាមួយមិនល្អចំពោះការលើកឡើងក្នុងសារនោះទេ ដែលនិយាយពីវៀតណាមនោះទេ ។ ការបំភ្លឺរបស់រដ្ឋមន្ត្រីការបរ
ទេសសិង្ហបុរីនេះ ក្រោយពីការប្រតិកម្មដ៏ខ្លាំងក្លាពីនាយករដ្ឋមន្ត្រីកម្ពុជា សម្តេចតេជោ ហ៊ុន សែន នាយករដ្ឋមន្ត្រី និងក្រសួងស្ថាប័នមួយចំនួនរបស់កម្ពុជា ។
យោងតាមសេចក្តីប្រកាសព័ត៌មានរបស់ក្រសួងការបរទេស និងសហប្រតិបតិ្តការអន្តរជាតិចេញផ្សាយ កាលពីយប់នៅថ្ងៃទី០៧ មិថុនា ឆ្នាំ២០១៩ បានឲ្យដឹងថា រដ្ឋមន្ត្រីក្រសួងការបរទេសសិង្ហបុរី លោក Vivian Balakrishnan បានទូរស័ព្ទទៅកាន់ឧបនាយករដ្ឋមន្ត្រី ប្រាក់ សុខុន រដ្ឋមន្ត្រីក្រសួង ការបរទេសកម្ពុជា ដោយបានសុំការយោគយល់អធ្យាស្រ័យ និងបញ្ជាក់នូវការភាន់ច្រឡំទាំងឡាយ។
បើយោងតាមសចក្តីប្រកាសព័ត៌មានរបស់ក្រសួងការបរទេសកម្ពុជាបានឲ្យដឹងថា ក្នុងកិច្ចសំណេះសំណាលតាមរយៈទូរស័ព្ទនោះ លោករដ្ឋមន្ត្រីការបរទេស Vivian បានបញ្ជាក់អះអាងថា លោកនាយករដ្ឋមន្ត្រីសិង្ហបុរី Lee Hsien Loong ពុំមានចេតនាមិនល្អណាមួយក្នុងសារខាងលើនេះទេ។ សារនោះគឺមានបំណងតែរំលឹកពីស្ថានភាព និងការប្រឈមក្នុងសម័យកាលនោះ ហើយក៏ធ្លាប់បានផ្សព្វផ្សាយជាសាធារណៈក្នុងពេលកន្លងមកដែរ។
ក្នុងប្រកាសព័ត៌មាននោះដែរ លោករដ្ឋមន្ត្រីការបរទេសសិង្ហបុរីបានរំលឹកពីសេចក្តីប្រកាសរួមរបស់អាស៊ាននៅក្នុងក្រុមប្រឹក្សាសន្តិសុខអង្កការសហប្រជាតិ( អ.ស.ប) ក្នុងឆ្នាំ១៩៧៩ ដែលបានអះអាងពីសិទ្ធិស្វ័យ
សម្រេចរបស់ប្រជាជនកម្ពុជាចំពោះអនាគតរបស់ខ្លួន។
លោករដ្ឋមន្ត្រីការបរទេស Vivian បានបញ្ជាក់ថា សិង្ហបុរីចង់បានតែសន្តិភាព និងវិបុលភាពសម្រាប់កម្ពុជាតែប៉ុណ្ណោះ ពុំមានបំណងណាមួយគាំទ្រខ្មែរក្រហម ហើយមិនចង់ឃើញរបប នេះវិលត្រឡប់មកកម្ពុជាវិញទេ។ សូមកុំឱ្យមានការសង្ស័យអ្វីលើភាពស្មោះត្រង់នេះ។
សេចក្តីប្រកាសព័ត៌មានរបស់ក្រសួងការបរទេសកម្ពុជា ក៏បានបញ្ជាក់បន្ថែមថា ក្នុងកិច្ចសន្ទនាតាមទូរស័ព្ទនេះ រដ្ឋមន្ត្រីទាំងការបរទេសទាំងពីរ បានលើកឡើងថា ទោះបីប្រទេសទាំងពីរមានទស្សនវិស័យខុសគ្នាស្តីពីប្រវត្តិសាស្ត្រយ៉ាងណាក៏ដោយ ក៏ប្រទេសទាំងពីរនៅប ន្តជាអ្នកជិតខាងល្អ ជាមិត្តដ៏ល្អនឹងគ្នា ហើយខិតខំបំភ្លេចអតីតកាល ដើម្បីបន្តរក្សាការសន្ទនា និងទំនាក់ទំនងល្អជាមួយគ្នាតទៅទៀត។
ជាមួយគ្នានោះដែរលោករដ្ឋមន្ត្រីការបរទេសទាំងពីរជឿជាក់ថា ជំនួបរវាងនាយករដ្ឋមន្ត្រី ទាំងពីរនៅក្នុងឱកាស នៃកិច្ចប្រជុំកំពូល ASEAN នាពេលដ៏ខ្លីខាងមុខ នឹងផ្តល់ឱកាស ឱ្យភា គីទាំងពីរយល់គ្នាឱ្យកាន់តែច្បាស់រួមគ្នាពង្រឹងថែមទៀតនូវចំណងមិត្តភាពនិងសហប្រតិបត្តិការល្អប្រសើររវាងកម្ពុជានិងសឹង្ហបុរី ក៏ដូចជាជាមួយបណ្តាប្រទេសសមាជិកអាស៊ានទាំង អស់ដើម្បី សន្តិភាព ស្ថេរភាព និងការរីកចម្រើនក្នុងតំបន់ និងពិភពលោក។
ក្នុងសេចក្តីប្រកាសព័ត៌មាននេះ ក្រសួងការបរទេសកម្ពុជាបានបញ្ជាក់ដែរថា៖«កម្ពុជាប្រ កាន់ជំហរមិនឆ្កឹះអតីតកាលដើម្បីបង្កអន្តរាយដល់បច្ចុប្បន្នកាល និងទៅអនាគតឡើយ។ ប្រទេសទាំងពីរខិតខំរួមគ្នាធ្វើការជាមួយប្រទេសនៅអាស៊ីអាគ្នេយ៍ផ្សេងទៀត ដើម្បីកសាង សមាគមប្រជាជាតិអាស៊ីអាគ្នេយ៍មួយឯកភាព និងរឹងមាំ ដែលនេះគឺជាបំណងប្រាថ្នារ បស់មេដឹ កនាំ និងប្រជាជនអាស៊ានទាំងមូល»។
គួរឮកថាហេតុដែលនាំឱ្យរដ្ឋមន្ត្រីក្រសួងការបរទេសសិង្ហបុរីទូរស័ព្ទមកកាន់រដ្ឋមន្ត្រី ក្រសួងការបរទេសកម្ពុជានេះ បន្ទាប់ពីមានប្រតិកម្មជាច្រើនពីសំណាក់នាយករដ្ឋមន្ត្រី កម្ពុជា សម្តេចតេជោ ហ៊ុន សែន, ក្រសួងការបរទេសកម្ពុជា និងប្រជាពលរដ្ឋកម្ពុជាផងដែរ ចំពោះកា រលើកឡើងរបស់នាយករដ្ឋមន្ត្រីសិង្ហបុរី លោក លី ស៊ានឡុងថា វៀតណាមបា នចូលឈ្លានពា នកម្ពុជាកាលពីទសវត្សរ៍ឆ្នាំ១៩៨០ កាលពីថ្ងៃទី៣១ ឧសភា កន្លងទៅនេះ ៕
ចែករំលែកព័តមាននេះ