ខេត្តកំពង់ស្ពឺ ៖ ថៅកែហាង រួមនឹងនារីម៉ាស្សាជាច្រើននាក់ បានត្រូវនគរបាលការិយាល័យប្រឆាំងការជួញដូរមនុស្ស និងការពារអនីតិជនខេត្តធ្វើការបង្ក្រាប បន្ទាប់ពីស្រាវជ្រាវដឹងថា ទីតាំងម៉ាស្សាកោសជប់ទាំងនេះ មានលួចបម្រើសេវាផ្លូវភេទយ៉ាងរមួលសរសៃ ។…
ខេត្តកំពង់ស្ពឺ ៖ ថៅកែហាង រួមនឹងនារីម៉ាស្សាជាច្រើននាក់ បានត្រូវនគរបាលការិយាល័យប្រឆាំងការជួញដូរមនុស្ស និងការពារអនីតិជនខេត្តធ្វើការបង្ក្រាប បន្ទាប់ពីស្រាវជ្រាវដឹងថា ទីតាំងម៉ាស្សាកោសជប់ទាំងនេះ មានលួចបម្រើសេវាផ្លូវភេទយ៉ាងរមួលសរសៃ ។ ការចុះបង្ក្រាបទីតាំងម៉ាស្សាកោសជប់លួចបម្រើសេវាផ្លូវភេទនេះ បានធ្វើឡើង៥គោលដៅផ្សេងៗគ្នា កាលពីរសៀលថ្ងៃទី១១ ខែឧសភា វេលាម៉ោង៣និង៣០នាទីរសៀល នៅភូមិអូរក្រាំងអំបិល ឃុំត្រពាំងគង ស្រុកសំរោងទង ។
ប្រភពពីមន្ត្រីនគរបាលឱ្យដឹងថា កិច្ចប្រតិបត្តិការខាងលើមានការដឹកនាំ និងសម្របសម្រួលពីលោក អ៊ូ ផាត ព្រះរាជអាជ្ញានៃអយ្យការអមសាលាដំបូងខេត្ដ លោកស្រីឧត្ដមសេនីយ៍ត្រី ងិនសុគន្ធា ស្នងការរងនគរបាលខេត្ត ទទួលការងារយេនឌ័រ សហការជាមួយកម្លាំងគណៈបញ្ជាការឯកភាពស្រុកសំរោងទង និងអាជ្ញាធរភូមិ ឃុំ។ ក្នុងការឆែកឆេរទីតាំងម៉ាស្សា កោសជប់ចំនួន៥គោលដៅនេះ សមត្ថកិច្ចរកឃើញភាពមិនប្រក្រតី ក្នុងការប្រកបមុខរបរ និងបានឃាត់ខ្លួនស្ត្រីចំនួន១៥នាក់ ។
លោកស្រីស្នងការរង ងិន សុគន្ធា បានឲ្យដឹងថា ការបង្ក្រាបទីតាំងប្រព្រឹត្ដ«សញ្ចារកម្ម»គឺទទួលបានពាក្យបណ្ដឹងពីពលរដ្ឋដែលប្ដឹងថា ទីតាំងខាងលេីកំពុងប្រកបមុខរបរជ្រកក្រោមស្លាកម៉ាស្សា កោសជប់ ប៉ុន្តែធាតុពិតគឺបម្រើផ្លូវភេទផ្ទុយនឹងច្បាប់ ។ ទីតាំងទី១-យីហោ៩១៩ មាននារីជាអ្នកបម្រើសេវាផ្លូវភេទ ម៉ាស្សា កោសជប់៥នាក់ មាន២បន្ទប់ និងមានឈ្មោះ ផន សម្ផស្ស ភេទស្រី អាយុ៣៣ឆ្នាំ ជាម្ចាស់ហាង ។
ទីតាំងទី២-យីហោ ៩៩ មាននារី២នាក់ មាន៣បន្ទប់ និងមានឈ្មោះ អៀច សារឹម ភេទស្រី អាយុ២៧ឆ្នាំ ជាម្ចាស់ហាង ។ ទីតាំងទី៣-យីហោតារារះ មាននារី៥នាក់ មាន៣បន្ទប់ និងមានឈ្មោះ គី ស្រីល័ក្ខ ភេទស្រី អាយុ៣៨ឆ្នាំ ជាម្ចាស់ហាង ។ទីតាំងទី៤-យីហោ ១៦៧ មាននារី៣នាក់មាន២បន្ទប់ និងមានឈ្មោះ ចិន រុំ ភេទស្រីអាយុ២៨ឆ្នាំ ជាម្ចាស់ហាង ។ទីតាំងទី៥-យីហោ ៧៧៧៧វិមានសុខ មានម្ចាស់ហាងជាប្ដីប្រពន្ធ តែគ្មាននារីបម្រើនោះទេ ។
ចំពោះវត្ថុតាងមាន ស្រោមអនាម័យជាច្រើនប្រអប់ ទាំងមិនទាន់ប្រេីនិងប្រេីរួចដែលទុកក្នុងធុងសំរាម កែវជប់ជាច្រេីនឡូ និងប្រេងរំអិល ១៣កញ្ចប់ ។ ក្រោយពីបង្ក្រាប ម្ចាស់ទីតាំងជាថៅកែហាងនិងក្រុមនារីៗប្រកបរបរកោសជប់ បម្រើសេវាផ្លូវភេទទាំង១៥នាក់ ត្រូវបានបញ្ជូនទៅការិយាល័យប្រឆាំងការជួញដូរមនុស្សនិងការពារអនីតិជនខេត្តដើម្បីសាកសួរ និងកសាងសំណុំរឿងបញ្ជូនទៅសាលាដំបូង ៕
ចែករំលែកព័តមាននេះ