សុខភាពរបស់មនុស្សយើងម្នាក់ៗសំខាន់ណាស់ សូមកុំបណ្តោយឲ្យសុខភាពរាងកាយប្រព្រឹត្តទៅតាមយថាកម្ម ត្រូវថែរក្សាសុខភាពឱ្យបានល្អ ព្រោះអ្នកដែលមានសុខភាពល្អរមែងមានឱកាសបាននូវអាយុវែង និងមិនមានរោគភ័យ ច្រើនដូចអ្នកដែលមិនបានមើលថែសុខភាពនោះ និងបានបំពេញកងការកុសលជាឧបនិស្ស័យជូនដំណើរយើងទៅកាន់សុគតិភព ។ បុគ្គលណាមានសុខភាពល្អហើយ បុគ្គលនោះឈ្មោះថាមាននូវដើមទុនក្នុងដំណើរជីវិត…
សុខភាពរបស់មនុស្សយើងម្នាក់ៗសំខាន់ណាស់ សូមកុំបណ្តោយឲ្យសុខភាពរាងកាយប្រព្រឹត្តទៅតាមយថាកម្ម ត្រូវថែរក្សាសុខភាពឱ្យបានល្អ ព្រោះអ្នកដែលមានសុខភាពល្អរមែងមានឱកាសបាននូវអាយុវែង និងមិនមានរោគភ័យ ច្រើនដូចអ្នកដែលមិនបានមើលថែសុខភាពនោះ និងបានបំពេញកងការកុសលជាឧបនិស្ស័យជូនដំណើរយើងទៅកាន់សុគតិភព ។
បុគ្គលណាមានសុខភាពល្អហើយ បុគ្គលនោះឈ្មោះថាមាននូវដើមទុនក្នុងដំណើរជីវិត គឺអាចធ្វើអ្វីបានដោយខ្លួនឯង រាងកាយរឹងប៉ឹង មាំមួន រហ័សរហួនក្នុងការងារផ្សេងៗ ។
ផ្ទុយទៅវិញ បើសុខភាពរាងកាយទន់ខ្សោយ មួយថ្ងៃកាត់ មួយថ្ងៃកោរ គឺជាឧបសគ្គនៃជីវិតដ៏ធំធេង ព្រោះមិនអាចតស៊ូជាមួយនឹងការងារបាន រហូតពេលខ្លះអាចបាក់ទឹកចិត្តអស់សង្ឃឹម មិនចង់រស់ទៀតផង ។
អ្នកដែលថែរក្សាសុខភាពរាងកាយបានល្អជានិច្ចរមែងធ្វើឲ្យអ្វីៗបានចម្រើនទៅមុខ ទោះជាមានឬក្រក៏រស់នៅដោយសុភមង្គល ។
បើតាមទ្រឹស្តីព្រះពុទ្ធសាសនាការរក្សាសីល៥ ឬបកតិសីលឱ្យបានល្អហ្នឹងហើយជាដើមហេតុនាំឱ្យមានអាយុវែង ព្រោះសិក្ខាបទនីមួយៗសុទ្ធតែផ្តល់ផលប្រយោជន៍ដល់ជីវិតរបស់មនុស្សសត្វ និងសង្គមយ៉ាងទូលំទូលាយ ត្រង់ការមិនបៀតបៀន មិនឈ្នានីស និងមិនចងកម្មចងពៀរនឹងគ្នា ។
ចែករំលែកព័តមាននេះ