ខេត្តបន្ទាយមានជ័យ ៖ រូបសំណាក់ជ្រូកបាពណ៌សធំ ត្រូវបានដាក់តាំងនិមិត្តសញ្ញាឆ្នាំកុរ ឱកាសសង្ក្រាន (បុណ្យឆ្នាំថ្មីប្រពៃណីជាតិខ្មែរ) ខាងមុខនេះនៅសួនមានជ័យ ក្រុងសិរីសោភ័ណ ខេត្តបន្ទាយមានជ័យ ។…
ខេត្តបន្ទាយមានជ័យ ៖ រូបសំណាក់ជ្រូកបាពណ៌សធំ ត្រូវបានដាក់តាំងនិមិត្តសញ្ញាឆ្នាំកុរ ឱកាសសង្ក្រាន (បុណ្យឆ្នាំថ្មីប្រពៃណីជាតិខ្មែរ) ខាងមុខនេះនៅសួនមានជ័យ ក្រុងសិរីសោភ័ណ ខេត្តបន្ទាយមានជ័យ ។
លោក ស្រេង សុផល អនុប្រធានសហភាពសហព័ន្ធយុវជនកម្ពុជាខេត្តបន្ទាយមានជ័យបានប្រាប់ថា ៖ដោយបានការយកចិត្តទុកដាក់ពីសម្តេចក្រឡាហម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃបានរៀបចំសង្ក្រាន (បុណ្យចូលឆ្នាំថ្មីប្រពៃណីខ្មែរឆ្នាំ២០១៩ត្រូវឆ្នាំកុរ) ហើយលោកស សុខា រដ្ឋលេខាធិការក្រសួងអប់រំយុវជន និងកីឡា ជាអនុប្រធានសហភាពសហព័ន្ធយុវជនកម្ពុជាទទួលបន្ទុកខេត្តព្រៃវែង និងខេត្តបាត់ដំបង ខេត្តបន្ទាយមានជ័យ បានរៀបចំសង្ក្រាន (បុណ្យឆ្នាំថ្មីប្រពៃណីជាតិខ្មែរ)ឆ្នាំកុរឆ្នាំ២០១៩សួនមានជ័យក្រុងសិរីសោភ័ណខេត្តបន្ទាយមានជ័យ ។
លោកបានបញ្ជាក់ថា៖ក្នុងឱកាសសង្ក្រាន (បុណ្យចូលឆ្នាំថ្មីឆ្នាំកុរឆ្នាំ២០១៩) នេះលោកស សុខា បានអោយក្រុមការងារសហភាពសហព័ន្ធយុវជនកម្ពុជាខេត្តបន្ទាយមានជ័យ និងស្រុក ក្រុងបានចូលរួមរៀបចំមានដាក់តាំងរូបសំណាក់ជ្រូកបាពណ៌ស ដែលប្រវែងជិត៣ម៉ែត្រកម្ពស់ ជិត២ម៉ែត្រដែលបានដាក់តាំងនៅសួនមានជ័យដែលមានការចាប់អារម្យពីបងប្អូនប្រជាពលរដ្ឋទៅថតជាអនុស្សារីយ៍ឃើញរាល់ថ្ងៃជាបន្តបន្ទាប់ ។
លោក ស្រេង សុផល បានបញ្ជាក់ថា ក្រុមសហភាពសហព័ន្ធយុវជនកម្ពុជាខេត្ត ស្រុក ក្រុង បានរៀបចំផ្ទះបុរាណ ហើយតាំងឧបករសម្ភារៈបុណ្យមួយចំនួនទៀត ដើម្បីលម្អរនៅថ្ងៃបុណ្យឆ្នាំថ្មីប្រពៃណីជាតិខ្មែរ និងជាការទាក់ទាញហើយរំលឹកដល់យុវជន និងកុមារជំនាន់ក្រោយអោយបានស្គាល់ពីឧបករណ៍និងសម្ភារៈបុរាណទាំងដែលជាសិប្បកម្មធ្វើអំពីដៃដែលបន្សល់ទុកជាស្នាដៃពីចាស់ពីសម័យមុន៕
ចែករំលែកព័តមាននេះ