ខេត្តរតនគិរី ៖ បុរសជាមន្ត្រីទាហានបានចាប់រំលោភកូនស្រីចុងអាយុ14ឆ្នាំជាច្រើនលើកច្រើនសា រហូតដល់ពេលឈ្លោះគ្នាបែកផ្សែងប្ដឹងលែងលះគ្នា ទើបប្ដឹងឱ្យសមត្ថកិច្ចចាប់ខ្លួនប្ដីបែកធ្លាយរឿងរ៉ាវឪពុកចុងរំលោភកូនស្រីចុង ហេតុការណ៍នេះកើតឡើងតាំងពីឆ្នាំ2016មកម្ល៉េះ ទើបនឹងបែកការណ៍ចាប់ខ្លួននេះកាលពីម៉ោង១០ព្រឹក នៅថ្ងៃទី29 មីនា ឆ្នាំ2019 ស្ថិតក្នុងឃុំល្បាំង២ ស្រុកលំផាត់ ខេត្តរតនគិរី។
ទាក់ទិននឹងករណីនេះ សមត្ថកិច្ចប្រាប់ឱ្យដឹងថា ជនសង្ស័យឈ្មោះ អុក ចាន់ណា អាយុ36ឆ្នាំ ត្រូវជាឪពុកចុង មុខរបជាមន្ត្រីទាហាន នៅស្រុកលំផាត់ ចំណែកកូនស្រីចុងអាយុ14ឆ្នាំ ជាសិស្សសាលារៀនថ្នាក់ទី6រៀន រស់នៅស្រុកលំផាត់។
តាមសមត្ថកិច្ចបន្តទៀតថា នៅថ្ងៃទី29 ពីរនាក់ប្ដីប្រពន្ធនេះមានទំនាស់ពាក្យសម្ដីគ្នាយ៉ាងខ្លាំងឈាងដល់ដាក់ពាក្យប្ដឹងនៅប៉ុស្តិ៍រដ្ឋបាលនគរបាលឃុំល្បាំង2 សុំលែងលះគ្នាតាមផ្លូវច្បាប់ ហើយត្រូវក្មេងស្រីរងគ្រោះទៅជាមួយម្ដាយនាងដែរបានរៀបរាប់ប្រាប់សមត្ថកិច្ចថា ឪពុកចុងរបស់នាងបានរំលោភនាងតាំងនាងមានអាយុ11ឆ្នាំមកម្ល៉េះ ម្ដាយនាងក៏ដឹងរឿងនេះដែរ តែម្ដាយនាងមិនហ៊ានប្ដឹងសមត្ថកិច្ចទេ មូលហេតុទី1 ខ្លាចអត់មានអ្នកជួយរកស៊ីចិញ្ចឹម មូលហេតុទី2 ខ្លាចប្ដីធ្វើជាមន្ត្រីទាហាន ដូច្នេះចេះតែខំលាក់រឿងខាងលើនេះទុកយូរយ៉ាងនេះ ។
ក្មេងស្រីរងគ្រោះបញ្ជាក់ប្រាប់សមត្ថកច្ចថា រឿងឪពុកចុងរំលោភនាងញឹកញាប់ណាស់រាប់មិនអស់នោះទេ ហើយពេលរំលោភនាងម្ដងៗ គឺពេលយប់ខណៈនាងដេកនៅក្បែរម្ដាយនាងដែរ ជួនកាលរំលោភពេលថ្ងៃ ពេលម្តាយនាងមិននៅផ្ទះ ហើយនាងធ្លាប់បាននិយាយរឿងនេះប្រាប់ម្ដាយញឹកញាប់ណាស់ តែម្ដាយមិនតបតវិញទេ ។
ចំណែកស្ត្រីជាម្ដាយរៀបរាប់ប្រាប់ថា គាត់បានយកប្ដីក្រោយនេះគ្មានកូនទៀតទេ ពេលកូនស្រីរងគ្រោះអាយុ១១ឆ្នាំកូនស្រីដេកជាមួយម្ដាយនិងឪពុកចុង ដោយឱ្យកូនដេកខាងម្ដាយដេកកណ្ដាល ហើយឪពុកចុងឱ្យតែពេលយប់ជ្រៅលួចឡើងទៅដេកជាមួយកូនជាញឹកញាប់ និងរំលោភកូនទៀតផង តែគាត់ជាម្ដាយមិនហ៊ានលឺមាត់លឺ.កអ្វីដែរ ស៊ូទ្រាំលាក់រឿងនេះខ្លាចប្ដីធ្វើបាប និងគ្មានអ្នកជួយរកស៊ីចិញ្ចឹម ។ ចំណែកមូលហេតុគាត់ជាម្ដាយស៊ូទ្រាំតទៅទៀតលែងបាន គឺលោកប្ដីចេះតែរករឿងវាយគាត់ជាប្រពន្ធញឹកញាប់ ស្ទើរតែរៀងរាល់ថ្ងៃ និងសុំគាត់ជាប្រពន្ធលែងលះគ្នាញឹកញាប់ទៀតផង ទើបគាត់ទំលាយរឿងនេះប្ដឹងឱ្យសមត្ថកិច្ចចាប់ខ្លួនតែម្ដងទៅ ។
ក្រោយពីសមត្ថកិច្ចឃាត់ខ្លួន ហើយជនសង្ស័យសារភាពប្រាប់សមត្ថកិច្ចថា ខ្លួនពិតជាបានចាប់រំលោភកូនចុងតាំងពីឆ្នាំ2016 ពិតប្រាកដមែន ពេលរំលោភនាងមានអាយុទើបតែ11ឆ្នាំ ហើយការរំលោភកូនស្រីចុងខាងលើនេះជនសង្ស័យថា រាប់មិនអស់ទេ ។ លុះរហូតដល់រសៀលថ្ងៃសៅរ៍ ទី30 មីនានេះ សមត្ថកិច្ចបានកសាងសំណុំរឿងបញ្ជួនខ្លួនជនសង្ស័យទៅសាលាដំបូងខេត្ត ដើម្បីចាត់ការតាមនីតិវីធីច្បាប់ហើយ៕
ចែករំលែកព័តមាននេះ