ប្រជុំលើកទី6 រវាងគយកម្ពុជាជាមួយដៃគូអភិវឌ្ឍន៍
- ភ្នំពេញ
រាជធានីភ្នំពេញ ៖ នាថ្ងៃទី៥ ខែមីនា ឆ្នាំ២០១៩ នៅសណ្ឋាគារឡឺរ៉ូយ៉ាល់ រាជធានីភ្នំពេញ មានប្រារព្ធកិច្ច ប្រជុំលើកទី៦ រវាងអគ្គនាយកដ្ឋានគយនិងរដ្ឋាករកម្ពុជា…
រាជធានីភ្នំពេញ ៖ នាថ្ងៃទី៥ ខែមីនា ឆ្នាំ២០១៩ នៅសណ្ឋាគារឡឺរ៉ូយ៉ាល់ រាជធានីភ្នំពេញ មានប្រារព្ធកិច្ច ប្រជុំលើកទី៦ រវាងអគ្គនាយកដ្ឋានគយនិងរដ្ឋាករកម្ពុជា…
រាជធានីភ្នំពេញ ៖ នាថ្ងៃទី៥ ខែមីនា ឆ្នាំ២០១៩ នៅសណ្ឋាគារឡឺរ៉ូយ៉ាល់ រាជធានីភ្នំពេញ មានប្រារព្ធកិច្ច ប្រជុំលើកទី៦ រវាងអគ្គនាយកដ្ឋានគយនិងរដ្ឋាករកម្ពុជា ជាមួយដៃគូអភិវឌ្ឍន៍ស្តីពី “យុទ្ធសាស្ត្រកំណែ ទម្រង់និងទំនើបកម្មគយឆ្នាំ២០១៩-២០២៣” ក្រោមអធិបតីភាពលោកបណ្ឌិត គុណ ញឹម ប្រតិភូរាជ រដ្ឋាភិបាលទទួលបន្ទុកជាអគ្គនាយក នៃអគ្គនាយកដ្ឋានគយនិងរដ្ឋាករកម្ពុជា ។
សមាសភាពចូលរួមមាន តំណាងដៃគូអភិវឌ្ឍន៍មកពីទីភ្នាក់ងារកិច្ចសហប្រតិបត្តិការអន្តរជាតិជប៉ុន (JICA), មូលនិធិរូបិយវត្ថុអន្តរជាតិ(IMF), ធនាគារពិភពលោក (World Bank), ការិយាល័យបណ្តុះ បណ្តាលធនធានមនុស្សរបស់អង្គការគយពិភពលោកប្រចាំតំបន់អាស៊ីប៉ាស៊ីហ្វិក (WCO ROCB A/P), គណៈប្រតិភូសហភាពអឺរ៉ុបប្រចាំនៅកម្ពុជា, ទីភ្នាក់ងារកិច្ចសហប្រតិបត្តិការអន្តរជាតិអាល្លឺម៉ង់ (GIZ), ស្ថានទូតអូស្ត្រាលីប្រចាំនៅកម្ពុជា, អង្គការសហប្រជាជាតិដើម្បីអភិវឌ្ឍន៍ឧស្សាហកម្ម (UNIDO), UNODC ព្រមទាំងថ្នាក់ដឹកនាំ និងមន្ត្រីគយនិងរដ្ឋាករជាច្រើនរូបទៀត ។
កិច្ចប្រជុំនេះមានគោលបំណងផ្សព្វផ្សាយនូវសមិទ្ធផលការងារដែលអគ្គនាយកដ្ឋានគយនិងរដ្ឋាករកម្ពុជាសម្រេចបាននាពេលកន្លងមកក្នុងការអនុវត្តយុទ្ធសាស្ត្រកំណែទម្រង់និងទំនើបកម្មគយ ២០១៤-២០១៨ និងផ្សព្វ ផ្សាយឯកសារយុទ្ធសាស្ត្រកែទម្រង់ និងទំនើបកម្មគយសម្រាប់រយៈពេល៥ឆ្នាំខាងមុខគឺ ២០១៩- ២០២៣ ក្នុងគោលបំណងកៀរគរ និងសម្រប សម្រួល ជំនួយបច្ចេកទេសពីដៃគូអភិវឌ្ឍន៍ ដើម្បីអនុវត្តយុទ្ធសាស្ត្រកំណែទម្រង់និងទំនើបកម្មគយថ្មីនេះ ។
តំណាងអគ្គនាយកដ្ឋានគយនិងរដ្ឋាករកម្ពុជា បានជម្រាបជូនដៃគូអភិវឌ្ឍន៍នៅក្នុងអង្គប្រជុំអំពីការអនុវត្តយុទ្ធសាស្ត្រកំណែទម្រង់និងទំនើបកម្មគយ ២០១៤-២០១៨ ដែលជារួមត្រូវបានវាយតម្លៃថាទទួលបានលទ្ធផលល្អ ។ ការងារសំខាន់ៗដែលសម្រេចបាន រួមមានដូចជាចំណូលប្រមូលបានលើសផែនការគិតជាមធ្យមជាង២០%ក្នុង១ឆ្នាំ, ការងារបច្ចេកទេសគយ, ការបង្ការនិងបង្ក្រាបអំពើរត់គេចពន្ធ,ការធ្វើសាមញ្ញកម្មនីតិវិធីគយជាបន្តបន្ទាប់,អភិបាលកិច្ចនិងការពង្រឹងអនុលោមភាព, ការអនុវត្តយន្តការភាពជាដៃគូគយ-ផ្នែកឯកជន,ការកែលម្អហេដ្ឋារចនាសម្ព័ន្ធ និងការពង្រឹងសមត្ថភាពស្ថាប័នជាដើម ។
ដើម្បីបន្តនិរន្តរភាពនិងជម្រុញសន្ទុះនៃការកែទំរង់ ស្របតាមគោលនយោបាយរបស់រាជរដ្ឋាភិបាល អគ្គនាយកដ្ឋានគយនិងរដ្ឋាករកម្ពុជា ក៏បានកសាងឯកសារយុទ្ធសាស្ត្រកំណែទម្រង់និងទំនើបកម្មគយ ២០១៩-២០២៣ ដោយផ្តោតលើគោលដៅយុទ្ធសាស្ត្រចំនួន៥គឺ ៖
១.ប្រសិទ្ធភាពនៃការប្រមូលចំណូល
២.អនុលោមភាពនិងការអនុវត្តច្បាប់
៣.ទំនើបកម្មប្រព័ន្ធបច្ចេកវិទ្យាព័ត៌មាន និងកិច្ចសម្រួលពាណិជ្ជកម្ម
៤.កិច្ចសហប្រតិបត្តិការគយ និង ៥.ការគ្រប់គ្រងធនធានមនុស្សនិងការអភិវឌ្ឍន៍ស្ថាប័ន ។
ក្នុងនោះគោលដៅយុទ្ធសាស្ត្រទី៣ ពាក់ព័ន្ធនឹងទំនើបកម្មប្រព័ន្ធបច្ចេកវិទ្យាព័ត៌មានត្រូវបានកំណត់ជាអាទិ ភាពចំបងនិងជាមូលដ្ឋានគ្រឹះក្នុងការអនុវត្តគោលដៅយុទ្ធសាស្ត្រផ្សេងទៀត ។ស្របគោលនយោបាយកំណែទម្រង់ស្ថាប័នស៊ីជម្រៅដ៏មុតស្រួចរបស់រាជរដ្ឋាភិបាលកម្ពុជា ក្នុង ការកែលម្អកិច្ចសម្រួលពាណិជ្ជកម្ម ដើម្បីលើកកម្ពស់ភាពប្រកួតប្រជែងរបស់កម្ពុជា អគរ ត្រូវអនុវត្តឲ្យកាន់តែសកម្ម និងមុតស្រួចនូវវិធានការ
មួយចំនួនចំពោះមុខដូចជា ជំរុញការអនុវត្តប្រព័ន្ធបញ្ជរតែមួយជាតិដំណាក់កាលទី២, អនុវត្តប្រកាស ស្ដីពីកម្រៃសេវាសាធារណៈរបស់អគរ,កាត់បន្ថយកម្រៃស្កែនកុងតែន័រ៥០%, កែសម្រួឡើងវិញ អនុក្រឹត្យលេខ ២០៩ ស្ដីពីទំនិញហាមឃាត់ និងជាប់កម្រឹតកំណត់ និងអនុក្រឹត្យលេខ ២១ស្ដីពីកិច្ចសម្រួលពាណិ ជ្ជកម្មតាមរយៈការគ្រប់គ្រងហានិភ័យ, រៀបចំសេចក្ដីព្រាងអនុក្រឹត្យស្ដីពីគោលនយោបាយគាំទ្រ និងលើកទឹក ចិត្តដល់វិស័យ SMEs និងពង្រឹងតួនាទី និងការទទួលខុសត្រូវរបស់គយ ដែលជាស្ថាប័នតែមួយគត់នៅ
មាត់ច្រកត្រួតពិនិត្យទំនិញនាំចេញ-នាំចូល ជាដើម ។
តំណាងដៃគូអភិវឌ្ឍន៍បានវាយតម្លៃខ្ពស់ចំពោះសមិទ្ធិផលនានា ដែលអគ្គនាយកដ្ឋានគយនិងរដ្ឋាករកម្ពុជាសម្រេចបាននាពេលកន្លងមក និងប្តេជ្ញាចិត្តបន្តផ្តល់ជំនួយបច្ចេកទេស និងការគាំទ្រការអនុវត្តយុទ្ធសាស្ត្រកំណែទម្រង់ និង ទំនើបកម្មគយ ២០១៩-២០២៣ ឲ្យបានសម្រេចជោគជ័យជាបន្តទៀត ៕
ចែករំលែកព័តមាននេះ