រាជធានីភ្នំពេញ ៖ សម្តេចតេជោនាយករដ្ឋមន្ត្រី ហ៊ុន សែន បានអញ្ជើញជាអធិបតីក្នុងពិធីប្រគល់សញ្ញាបត្រដល់និស្សិតបញ្ចប់ការសិក្សារបស់វិទ្យាស្ថានវ៉ាន់ ដា ថ្នាក់បរិញ្ញាបត្ររង, បរិញ្ញាបត្រ និងបរិញ្ញាបត្រជាន់ខ្ពស់ចំនួន៣.០០៣នាក់ កាលពីវេលាម៉ោង៨និង៣០នាទីព្រឹក ថ្ងៃទី២៨ ធ្នូ ២០១១ នៅវិទ្យាស្ថានជាតិអប់រំ ដោយមានការចូលរួមពីមន្ត្រីអ្នកមុខអ្នកការ លោកគ្រូ អ្នកគ្រូ សិស្សានុសិស្សយ៉ាងច្រើនកុះករ ។
សម្តេចបានថ្លែងសុន្ទរកថាលើកទឹកចិត្តដល់ក្មួយៗនិស្សិតដែលទទួលបានជ័យលាភី បន្ទាប់ពីធ្វើការតស៊ូសិក្សារៀនសូត្រអស់រយៈពេលជាច្រើនឆ្នាំ ហើយថា វាជាមូលដ្ឋានគ្រឹះសំខាន់ក្នុងការកាត់បន្ថយភាពក្រីក្រសង្គម និងគ្រួសារ និងឈានទៅរួមគ្នាអភិវឌ្ឍន៍ប្រទេសជាតិ ។ ជាមួយសុន្ទរកថាដដែលនេះដែរ សម្តេចតេជោនាយករដ្ឋមន្ត្រី ហ៊ុន សែន បានអំពាវនាវឱ្យក្មួយៗយុវជន ក៏ដូចជាសិស្សានុសិស្សទាំងឡាយត្រូវខិតខំរៀនសូត្របំពេញវិជ្ជា ក្រេបជញ្ជក់ចំណេះវិជ្ជា ព្រោះវាជាធនធានដ៏សំខាន់ ដើម្បីធ្វើសមាហរណកម្មជាមួយធនធានផ្សេងៗទៀត អភិវឌ្ឍន៍ប្រទេសជាតិឱ្យកាន់តែរីកចំរើនរុងរឿង ។
ចំណែកស័ង្កថារបស់សម្តេចយ៉ាងណានោះ សម្តេចមិនទាន់ថ្លែងនៅឡើយទេ ហើយកោះសន្តិភាពនឹងផ្សាយជូនជាបន្តបន្ទាប់…។ ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕ ច័ន្ទថា
ចែករំលែកព័តមាននេះ