រាជធានីភ្នំពេញ ៖ សេចក្តីរាយការណ៍បឋមឲ្យដឹងថា កាលពីថ្ងៃទី២០ តុលា កម្លាំងសមត្ថកិច្ចនគរបាលអន្តោប្រវេសន៍ប្រចាំច្រកព្រលានយន្តហោះអន្តរជាតិភ្នំពេញ ដោយមានការសហការជាមួយមន្ត្រីគយ និងមន្ទីរប្រឆាំងគ្រឿងញៀនក្រសួងមហាផ្ទៃបានធ្វើឃាត់ខ្លួនជនជាតិចិនម្នាក់ពាក់ព័ន្ធថ្នាំញៀន ជាង១គីឡូក្រាម បម្រុងនាំចេញទៅក្រៅប្រទេស…
រាជធានីភ្នំពេញ ៖ សេចក្តីរាយការណ៍បឋមឲ្យដឹងថា កាលពីថ្ងៃទី២០ តុលា កម្លាំងសមត្ថកិច្ចនគរបាលអន្តោប្រវេសន៍ប្រចាំច្រកព្រលានយន្តហោះអន្តរជាតិភ្នំពេញ ដោយមានការសហការជាមួយមន្ត្រីគយ និងមន្ទីរប្រឆាំងគ្រឿងញៀនក្រសួងមហាផ្ទៃបានធ្វើឃាត់ខ្លួនជនជាតិចិនម្នាក់ពាក់ព័ន្ធថ្នាំញៀន ជាង១គីឡូក្រាម បម្រុងនាំចេញទៅក្រៅប្រទេស ។
ជនសង្ស័យឈ្មោះ YU WEI YI ភេទប្រុស អាយុ៣២ឆ្នាំ កាន់លិខិតឆ្លងដែនលេខ 462923 ដែលបាន និងបម្រុងធ្វើដំណើរចេញពីប្រទេសកម្ពុជាទៅកាន់ទីក្រុងហុងកុងប្រទេសចិន ។ សេចក្តីរាយការណ៍បន្តថា ពាក់ពន្ធករណីឃាត់ខ្លួនជនសង្ស័យខាងលើនេះសមត្ថកិច្ចបានឆែកឆេររកឃើញសារធាតុញៀនខុសច្បាប់លាក់ក្នុងកញ្ចប់ស្បោងរុំជាប់នៅភ្លៅទាំងសងខាង និងដងខ្លួនជនជាតិចិននោះចំនួន៤កញ្ចប់ ជាគ្រឿងញៀនប្រភេទ METHAMPHETAMINE ដែលមានទម្ងន់១៩៩៤,៧២ ក្រាម (ស្មើជិត២គីឡូក្រាម) ។
នាយឧត្តមសេនីយ៍ ម៉ក់ ជីតូ អគ្គស្នងការរងនគរបាលជាតិទទួលការងារប្រយុទ្ធប្រឆាំងគ្រឿងញៀនបានមានប្រសាសន៍តាមទូរស័ព្ទថា សមត្ថកិច្ចសហការបានឃាត់ខ្លួនជនជាតិម្នាក់នោះមែន ដែលគេបម្រុងដឹកជញ្ជូនសារធាតុញៀនជិត២គីឡូក្រាមទៅកាន់ទីក្រុងហុងកុងប្រទេសចិន ។
តាមចម្លើយជនសង្ស័យបានសារភាពនៅកន្លែងសមត្ថកិច្ចថា ថ្នាំញៀននោះខ្លួនបានទទួលពីមនុស្សម្នាក់ជាជនជាតិចិនដូចគ្នាប្រគល់ឲ្យរូបគេនាំចេញពីប្រទេសកម្ពុជាទៅកាន់ទីក្រុងហុងកុង តាមជើងហោះហើរ ។ ជនសង្ស័យបន្តថា ពេលទៅដល់ហុងកុងមានមនុស្សចាំទទួលយក តែមិនទាន់បានចេញផង ត្រូវសមត្ថកិច្ចនៃប្រទេសកម្ពុជាចាប់ខ្លួន ។
ជនសង្ស័យ និងវត្ថុតាងត្រូវបានសមត្ថកិច្ចមន្ទីរប្រឆាំងគ្រឿងញៀនកសាងសំណុំរឿងទៅកាន់សាលាដំបូងរាជធានីភ្នំពេញតាមនីតិវិធី ៕
ចែករំលែកព័តមាននេះ