ជំពាក់ប្រាក់ រឹបអូសយកក្រពើ
- សៀមរាប
ខេត្តសៀមរាប ៖ តាមសេចក្តីរាយការណ៍បានឲ្យដឹងថា កូនបំណុលឈ្មោះ ព្រំ ប្រុស និង ប្រពន្ធឈ្មោះ មាន សារ៉េត…
ខេត្តសៀមរាប ៖ តាមសេចក្តីរាយការណ៍បានឲ្យដឹងថា កូនបំណុលឈ្មោះ ព្រំ ប្រុស និង ប្រពន្ធឈ្មោះ មាន សារ៉េត រស់នៅភូមិស្ពានជ្រាវ សង្កាត់សៀមរាប ក្រុងសៀមរាប ដែលលេងល្បែងតុងទីនជំពាក់លុយមេចំនួន១០៣៦០ដុល្លារ ក៏ត្រូវបានម្ចាស់បំណុលឈ្មោះ ឳង យក់លាន ភេទស្រី អាយុ៣៧ឆ្នាំ រស់នៅភូមិពោធិ៍ សង្កាត់សៀមរាប ក្រុងសៀមរាបត្រូវជាប្រពន្ធ របស់ប៉ូលិសម្នាក់ អតីតមេប៉ុស្តិ៍សង្កាត់គោកចក បានទៅដាក់ពាក្យប្តឹង នៅតុលាការខេត្តសៀមរាប នៅថ្ងៃទី១២ ខែធ្នូ ឆ្នាំ២០១៧ ។
រហូតឈានដល់ចេញសេចក្តីសម្រេចសាលក្រមលេខ០៨«ឈ»ចុះថ្ងៃទី៧ ខែមិនា ឆ្នាំ២០១៨ ចេញ ដោយលោកលឹម សុគន្ធារ៉ា ចៅក្រមស៊ើបសួរនៃសាលាដំបូងខេត្តសៀមរាប ដើម្បីរឹបអូសក្រពើចំនួន២០ក្បាលរបស់ម្ចាស់ទ្រព្យខាងម្តាយឈ្មោះ ទៀវ សារូ អាយុ៥៨ឆ្នាំ មានទីលំនៅក្រុមទី៨ ភូមិស្ពាន សង្កាត់ជ្រាវ ក្រុងសៀមរាប មិនមែនទ្រព្យសម្បត្តិរបស់កូនទេគ្រាន់តែកូនរស់នៅក្នុងរបងផ្ទះជាមួយ ។
សូមបញ្ជាក់ផងដែរទ្រព្យសម្បត្តិទាំងអស់នេះ គឺជាទ្រព្យសម្បត្តិរបស់ម្តាយឪពុកទេមិនមែនជាទ្រព្យសម្បត្តិរបស់កូនឡើយ សូមបងប្អូនទាំងអស់មេត្តាកុំយល់ច្រឡំ ។ បើតាមការរៀបរាប់ពី ម្ចាស់ក្រពើឈ្មោះ ទៀវ សារូ បានប្រាប់ភ្នាក់ងារកោះសន្តិភាពនៅផ្ទះរបស់គាត់ថា ការចុះមក អនុវត្តរបស់តុលាការខេត្ត និងសមត្ថកិច្ចទាំងអស់ក៏ដោយក៏យើងខ្ញុំទាំងអស់គ្នាមិនប្រកែក និង រារាំងអ្វីដែរ គ្រាន់តែពួកខ្ញុំឆ្ងល់ថា ទ្រព្យសម្បតិ្តទាំងអស់នេះជារបស់ខ្ញុំ មិនមែនជារបស់កូន បែរជាខាងតុលាការចុះអនុវត្តខុសប្រក្រតីទៅវិញ តើច្បាប់គាត់គិតយ៉ាងណា បើអយុតិ្តធម៌ ចំពោះក្រុមគ្រួសារខ្ញុំយ៉ាងនេះ ។
រីឯលោកទៀវ នី ត្រូវជាប្អូនប្រុសរបស់អ្នកស្រី ទៀវ សារូ ម្ចាស់ក្រពើបានប្រាប់កោះសន្តិភាពនៅកន្លែងកើតហេតុថា ករណីរឿងតុងទីនដែលម្ចាស់ហ៊ានមករឹបអូសក្រពើរបស់បងស្រីខ្ញុំ នោះព្រោះម្ចាស់បំណុល(មេតុងទីន) ឈ្មោះ ឳង យក់លាន ភេទស្រី អាយុ៣៧ឆ្នាំ រស់នៅភូមិពោធិ៍ សង្កាត់សៀមរាប ក្រុងសៀមរាបក៏បានជំពាក់លុយតុងទីនរបស់បងប្អូនខ្ញុំចំនួន៤នាក់ ក្នុងនោះមានឈ្មោះ អាំម សុភ័ក្ក , ឈ្មោះផល សុភា ឈ្មោះហេង យ៉ា និងឈ្មោះ យ៉ាន សរុប ទឹកប្រាក់ទាំង៤នាក់ចំនួនជាង១ម៉ឺនដុល្លារ ។
លោកបានបញ្ជាក់ថា លោក និងក្រុមគ្រួសារសម្រេចចិត្តដាក់ពាក្យប្តឹងទៅតុលាការអំពីករណី មេតុងទីនបោកលុយមិនព្រមសងឱ្យពួកខ្ញុំទាំងអស់គ្នាជាង១ឆ្នាំមកហើយ ។ ជុំវិញមជ្ឈដ្ឋាន នានាក្នុងសង្កាត់សៀមរាបបានមានការងឿយឆ្ងល់ថា ចំពោះករណីតុងទីងដូចគ្មានច្បាប់ចែងទេ ដូចគ្មានច្បាប់ទេនេះបើខ្ញុំធ្លាប់ដឹង។
សូមបញ្ជាក់ថា ភ្នាក់ងារកោះសន្តិភាពសរសេរអ្វីតាមតែឯងសាររបស់តុលាការដែលអនុវត្ត ច្បាប់ និងឯកសាររបស់ម្ចាស់ក្រពើតែប៉ុណ្ណោះ មិនមែនចេះតែសរសេរនោះទេ ៕
ចែករំលែកព័តមាននេះ