រាជធានីភ្នំពេញ ៖ ក្រុមកីឡាករបាល់ទះជម្រើសជាតិកម្ពុជា បានបើកការប្រកួតធ្វើតេស្តសមត្ថភាពរយៈពេល២ថ្ងៃជាមួយក្រុមកីឡាករបាល់ទះនៃប្រទេសវៀតណាម នៅវិមានពហុកីឡដ្ឋានជាតិ មុននឹងចេញទៅប្រកួតកីឡាស៊ីហ្គេមនៅប្រទេសឥណ្ឌូណេស៊ី ។
រាជធានីភ្នំពេញ ៖ ក្រុមកីឡាករបាល់ទះជម្រើសជាតិកម្ពុជា បានបើកការប្រកួតធ្វើតេស្តសមត្ថភាពរយៈពេល២ថ្ងៃជាមួយក្រុមកីឡាករបាល់ទះនៃប្រទេសវៀតណាម នៅវិមានពហុកីឡដ្ឋានជាតិ មុននឹងចេញទៅប្រកួតកីឡាស៊ីហ្គេមនៅប្រទេសឥណ្ឌូណេស៊ី ។
ប្រកួតលើកទី១ នៅថ្ងៃទី២២ តុលា ជាមួយក្រុមកីឡាករបាល់ទះខេត្តឡុងអាន ជាលទ្ធផលក្រុមកីឡាករបាល់ទះជម្រើសជាតិកម្ពុជាបានយកឈ្នះ៣សិតទល់នឹង១សិត ។ ប្រកួតលើកទី២ នៅថ្ងៃទី២៣ តុលា ជាមួយក្រុមកីឡាករខេត្តបេនត្រែ ជាលទ្ធផលក្រុមកីឡាករបាល់ទះជម្រើសជាតិកម្ពុជា បានយកឈ្នះ៣សិតទល់នឹង២សិត ។
ក្រុមខេត្តបេនត្រែ គឺជាក្រុមដែលស្ថិតនៅក្នុងលំដាប់ថ្នាក់លេខ១លីក ក្នុងប្រទេសវៀតណាម ។ នៅសិតទី១ ក្រុមវៀតណាម បានយកឈ្នះ២៥-១៦ ចូលដល់សិតទី២ ក្រុមកម្ពុជាបានយកឈ្នះក្នុងពិន្ទុ២៥-១៤វិញម្តង ។ នៅសិតទី៣ ក្រុមកម្ពុជាលេងចាញ់វិញទៀត ក្នុងពិន្ទុ២៥-១៨។ ចូលដល់សិតទី៤ ការប្រកួតមានភាពស្វិតស្វាញយ៉ាងខ្លាំង ចុងក្រោយក្រុមកម្ពុជាយកឈ្នះទាំងលំបាកបំផុត ក្នុងលទ្ធផល២៥-២៣ ។ លុះដល់សិតទី៥ ពិន្ទុគិតត្រឹមតែ១៥ កម្ពុជាបានយកឈ្នះ១៥-៩បន្តទៀត ។
លោកបឹង គឹមតោ អគ្គលេខាធិការនៃសហព័ន្ធកីឡាបាល់ទះកម្ពុជាបានឱ្យដឹងថា សម្រាប់ការប្រកួតនេះ សហព័ន្ធមានបំណងចង់ធ្វើការវាស់ស្ទង់កម្រិតបច្ចេកទេសរបស់ក្រុមកីឡាបាល់ទះជម្រើសជាតិកម្ពុជាផង ហើយក៏ជាការដកស្រង់បច្ចេកទេសពីបណ្តាប្រទេសជិតខាងផងដែរ៕
ចែករំលែកព័តមាននេះ