តាមការស្រាវជ្រាវថ្មីបានបង្ហាញថា អាហារសមុទ្រមួយប្រភេទនេះផ្ទុកទៅដោយអាស៊ីតខ្លាញ់អូមេហ្គាបីដែលជម្រុញដល់សុខភាពមនុស្ស។ មឹកបំពង់ក៏ត្រូវបានប្រជាជនខ្មែរយើងញ៉ាំច្រើនដែរ ទាំងក្នុងតំបន់សមុទ្រ និងទីក្រុង។ ដូច្នេះតើវាមានអត្ថប្រយោជន៍ចំពោះសុខភាពមនុស្សយើងដូចម្តេចទៅ? បង្កើតកោសិកាគ្រាប់ឈាមក្រហម មឹកបំពង់មានជាតិរ៉ែ និងជីវជាតិខ្ពស់។ ប្រូតេអ៊ីន…
តាមការស្រាវជ្រាវថ្មីបានបង្ហាញថា អាហារសមុទ្រមួយប្រភេទនេះផ្ទុកទៅដោយអាស៊ីតខ្លាញ់អូមេហ្គាបីដែលជម្រុញដល់សុខភាពមនុស្ស។ មឹកបំពង់ក៏ត្រូវបានប្រជាជនខ្មែរយើងញ៉ាំច្រើនដែរ ទាំងក្នុងតំបន់សមុទ្រ និងទីក្រុង។ ដូច្នេះតើវាមានអត្ថប្រយោជន៍ចំពោះសុខភាពមនុស្សយើងដូចម្តេចទៅ?
បង្កើតកោសិកាគ្រាប់ឈាមក្រហម
មឹកបំពង់មានជាតិរ៉ែ និងជីវជាតិខ្ពស់។ ប្រូតេអ៊ីន វីតាមីន និងអាស៊ីតខ្លាញ់អូមេហ្គាបី គឺជាជីវជាតិសំខាន់ៗមួយចំនួនក្នុងអាហារសមុទ្រមួយនេះហើយ។ វត្តមានជាតិទងដែងក្នុងសាច់មឹកបំពង់ គឺល្អក្នុងការបង្កើតជាកោសិកាគ្រាប់ឈាមក្រហម។ កោសិកាគ្រាប់ឈាមក្រហមដើរតួនាទីដ៏សំខាន់មួយក្នុងរាងកាយមនុស្សយើង។ អេម៉ូគ្លូបីនដែលកើតឡើងក្នុងកោសិកាគ្រាប់ឈាមក្រហមដើរតួនាទីដ៏សំខាន់ក្នុងការដឹកនាំអុកស៊ីហ្សែនទៅចិញ្ចឹមសរីរាង្គទាំងអស់នៃរាងកាយ។ ដូច្នេះហើយវាជារឿងសំខាន់ណាស់ក្នុងការបង្ការជំងឺបេះដូង។
សុខភាពបេះដូង
មឹកបំពង់មានជាតិប៉ូតាស្យូមមួយចំនួនដែលអាចត្រូវនឹងតម្រូវការប្រចាំថ្ងៃរបស់មនុស្សយើងបាន។ ប៉ូតាស្យូមលើកទឹកចិត្តដល់រាងកាយដើម្បីធ្វើការបានកាន់តែល្អ ហើយក៏ជួយបញ្ចុះសម្ពាធឈាមផងដែរ។ ក្រៅពីនេះក្នុងមឹកបំពុងមានវីតាមីន E ច្រើនដែរ។ តាមការសិក្សាបានឲ្យដឹងថា ការដេលញ៉ាំអាហារមានជាតិវីតាមីន E ច្រើននឹងជួយការពារអ្នកពីជំងឺបេះដូង ដោយសារតែវីតាមីនមួយនេះជួយការពារកោសិកា និងធ្វើឲ្យវាមិនងាយនឹងខូចខាត។
បញ្ចុះកូឡេស្តេរ៉ុល
វាមិនដូចនឹងអាហារសមុទ្រផ្សេងទៀតដែលបង្កើនចំនួនកូឡេស្តេរ៉ុលក្នុងឈាមឡើង តែមឹកបំពង់អាចបញ្ចុះកូឡេស្តេរ៉ុលបាននៅពេលអ្នកញ៉ាំវា។ សម្រាប់មឹកដែលឆៅគឺមានជាតិខ្លាញ់ទាបណាស់។ អ្នកវិទ្យាសាស្ត្រនិយាយថា ត្រឹមមឹកបំពង់១០០ក្រាម គឺមានជាតិកាឡូរីប្រហែល ១.៤ក្រាមប៉ុណ្ណោះ។
បង្ការការរលាកសន្លាក់
តាមការស្រាវជ្រាវបានឲ្យដឹងថា មនុស្សម្នាក់ដែលមានជំងឺ Rheumatoid Arthritis ប្រហែលជាមានចំនួនជាតិរ៉ែសេឡេញ៉ូមទាបក្នុងឈាម។ ជាតិរ៉ែមួយនេះគឺជាអង់ទីអុកស៊ីដង់មួយប្រភេទដែលអាចជួយបំបាត់រោគសញ្ញានៃការរលាកសន្លាក់ ដោយសារតែរ៉ាឌីកាលសេរី។ ជាមួយគ្នានេះដែរ មឹកបំពុងផ្ទុទៅដោយជាតិរ៉ែសេឡេញ៉ូមប្រហែល ៦៣ភាគរយឯណោះ៕
ដកស្រង់ចេញពីគេហទំព័រ http://health.com.kh/
ចែករំលែកព័តមាននេះ