អាណិតតែកូន ដែលមិនទាន់ដឹងអីសោះ
ខេត្តកំពង់ចាម ៖ ហេតុការណ៍ភ្ញាក់ផ្អើលមួយបានកើតឡើងដោយបុរសម្នាក់សង្ស័យមាន
ខេត្តកំពង់ចាម ៖ ហេតុការណ៍ភ្ញាក់ផ្អើលមួយបានកើតឡើងដោយបុរសម្នាក់សង្ស័យមានវិបត្តិក្នុងគ្រួសារបានបើករថយន្តមកលោតទឹកធ្វើអត្តឃាតបញ្ចប់ជីវិតនៅលើស្ពានគីហ្ស៊ុណា ស្ថិតនៅសង្កាត់វាលវង់ ក្រុងកំពង់ចាម នៅវេលាម៉ោង៧និង៣០នាទីព្រឹកថ្ងៃទី២០ ខែតុលា ឆ្នាំ២០១៧ ។
បុរសបើករថយន្តឈ្មោះ ស៊ូ សានិត អាយុ២២ឆ្នាំ ចំណែកកូនតូច ភេទប្រុស អាយុ២ឆ្នាំ ។
លោកវរសេនីយ៍ត្រី រស់ ម៉ុងសេង អធិការស្តីទីក្រុងកំពង់ចាមប្រាប់ឲ្យដឹងថា នៅពេលមុនកើតហេតុ បុរសម្នាក់នោះ រួមនឹងកូនតូច បានបើករថយន្ត១គ្រឿងចេញពីខាងត្រើយឃុំទន្លេ ស្រុកត្បូងឃ្មុំ មកកាន់លើស្ពាន លុះដល់កណ្តាលស្ពាន បានចតរថយន្តទុកចោល រួចបុរសនោះអោបកូនតូចឡើងលើបង្កាន់ដៃស្ពាន លោតធ្វើអត្តឃាតចូលទៅក្នុងទឹកទន្លេមេគង្គ ហើយបានរសាត់ទៅតាមខ្សែទឹកហូរ គាត់បានអណ្តែតនឹងប្រឹងហែលទឹកវិញ ។ បន្ទាប់មកបានទូកអ្នកនេសាទឃើញទាន់ ក៏ជួយសង្គ្រោះបានតែឪពុក ចំណែកកូនតូចបានរបូតចេញពីដៃទៅបាត់ បន្ទាប់មកបុរសគិតខ្លីបានឡើងជិះម៉ូតូទៅផ្ទះរបស់ខ្លួនវិញ នៅឃុំទួលវិហារ ស្រុកត្បូងឃ្មុំ ខេត្តត្បូងឃ្មុំ ៕
ចែករំលែកព័តមាននេះ