ក្រសួងការពារប្រទេសយេម៉ែនរាយការណ៍ថា ប្រធានព្រឹទ្ធសភាយេម៉ែនលោកអាប់ឌូឡាហ្ស៊ីស អាប់ឌុលហ្គានី បានទទួលមរណភាព ហើយកាលពីថ្ងៃទី២២ សីហា នៅអារ៉ាប៊ី សាអូឌីត ដោយសាររបួសធ្ងន់ពេកពេលរងការវាយប្រហារប្រឆាំងវិមានប្រធានាធិបតីនៅក្រុងសាណាកាលពីខែមិថុនា កន្លងមកនេះ។
លោកអាប់ឌុលហ្គានី គឺជាអ្នកទទួលខុសត្រូវជាន់ខ្ពស់ដំបូងគេរបស់រដ្ឋាភិបាល លោកប្រធានាធិបតី អាប់ឌុលឡាហ៍ សាឡេហ៍ ដែលត្រូវស្លាប់ក្នុងមន្ទីរពេទ្យទីក្រុងរីយ៉ាដ ដោយសាររបួសធ្ងន់ក្នុងការវាយប្រហារប្រឆាំងវិមានប្រធានាធិបតីក្រុងសាណា កាលពីថ្ងៃទី៣ មិថុនា ដែលបណ្តាលឱ្យលោកសាឡេហ៍ និងអ្នកទទួលខុសត្រូវយេម៉ែន៨៧នាក់ទៀតត្រូវរបួសបញ្ជូនមកមន្ទីរពេទ្យប្រទេសអារ៉ាប៊ី សាអូឌីត។
លោកអាប់ឌុលហ្គានី ប្រធានព្រឹទ្ធសភាចាប់តាំងពីឆ្នាំ២០០១មកជាសមាជិកក្រុមប្រឹក្សាជាន់ខ្ពស់របស់ប្រទេសពីឆ្នាំ១៩៩០ដល់១៩៩៤ ហើយជានាយករដ្ឋមន្ត្រីពីឆ្នាំ១៩៩៤ទៅ១៩៩៧។ អ្នកទទួលខុសត្រូវម្នាក់របស់រដ្ឋាភិបាលគូសបញ្ជាក់ថា សពលោកអាប់ឌុល ហ្គានី នឹងត្រូវបញ្ចុះនាថ្ងៃទី២៤ សីហា នៅរដ្ឋធានីយេម៉ែន ៕
ចែករំលែកព័តមាននេះ