4យ៉ាងដែលស្ត្រីឡើងទម្ងន់ក្រោយរៀបការ
អាពាហ៍ពិពាហ៍បានបញ្ចប់ ហើយវាជាពេលវេលាក្នុងការរើចូលទៅលំនៅដ្ឋានថ្មីរបស់អ្នក រៀនពីច្បាប់ទម្លាប់ថ្មី និង
អាពាហ៍ពិពាហ៍បានបញ្ចប់ ហើយវាជាពេលវេលាក្នុងការរើចូលទៅលំនៅដ្ឋានថ្មីរបស់អ្នក រៀនពីច្បាប់ទម្លាប់ថ្មី និង
អាពាហ៍ពិពាហ៍បានបញ្ចប់ ហើយវាជាពេលវេលាក្នុងការរើចូលទៅលំនៅដ្ឋានថ្មីរបស់អ្នក រៀនពីច្បាប់ទម្លាប់ថ្មី និងសម្របខ្លួនរស់នៅជាមួយមនុស្សថ្មីមួយក្រុម ។ ទោះបីជាកូនក្រមុំភាគច្រើនតមអាហារដើម្បីសម្រកទម្ងន់សម្រាប់ថ្ងៃអាពាហ៍ពិពាហ៍ ប៉ុន្តែភាគច្រើននឹងឡើងទម្ងន់ក្រោយពេលរៀបការ ។
ការស្រាវជ្រាវថ្មីបានគាំទ្រដល់ការអះអាងដែលថាគូស្វាមីភរិយានឹងឡើងទម្ងន់នៅក្រោយពេលពួកគេរៀបការរួច ។ ប្រសិនបើអ្នកទើបតែរៀបការ ហើយឆ្ងល់ថាតើមូលហេតុអ្វីធ្វើឱ្យអ្នកឡើងទំហំចង្កេះ ខាងក្រោមនេះអាចជាចម្លើយមួយចំនួន ។
១-គម្រោងរបបអាហារបរាជ័យ
ថ្ងៃអាពាហ៍ពិពាហ៍បានធ្វើឱ្យអ្នកបរាជ័យក្នុងការបរិភោគអាហារតាមគម្រោងរបស់អ្នកដោយសារអ្នកត្រូវបរិភោគអាហារច្រើន និងមិនត្រូវតាមពេលវេលាកំណត់នៅថ្ងៃពិសេសរបស់អ្នក ។ បន្ទាប់ពីរយៈពេល២ថ្ងៃដ៏ហត់នឿយ អ្នកនឹងធ្វើដំណើរកម្សាន្តក្រេបទឹកឃ្មុំដែលអ្នកបរិភោគអាហារខាងក្រៅផ្ទះម្តងទៀត ។
លើសពីនេះព្រោះវាជាផ្ទះថ្មី អ្នកត្រូវសម្របទៅតាមកាលវិភាគប្រចាំថ្ងៃ ដែលបន្ថែមភាពតានតឹងដល់អ្នក ។ របបអាហារមិនល្អរួមផ្សំជាមួយនឹងភាពតានតឹងធ្វើឱ្យអ្នកបាត់បង់អាហារូបត្ថម្ភ ។ ដូច្នេះអ្នកបន្ថែមកាឡូរីដល់រាងកាយ ប៉ុន្តែគ្មានសារធាតុចិញ្ចឹមគ្រប់គ្រាន់ ។
លទ្ធផលនៃកង្វះវីតាមីនB ជាតិកាល់ស្យូម នាំឱ្យអ្នកឃ្លានមិនត្រូវពេលវេលា និងកង្វះថាមពល ។ អ្នកនឹងឆ្ងល់ថាហេតុអ្វីបានជាអ្នកឡើង៥គីឡូ ភ្លាមៗ ។
២-ទម្លាប់នៃការញ៉ាំរបស់អ្នកផ្លាស់ប្តូរ
រឿងដំបូងរបស់ស្ត្រីដែលទើបតែរៀបការរួច ថ្មីៗ ប្រហែលជាការចំអិនម្ហូបសម្រាប់គ្រួសារថ្មីរបស់នាង ។ រាងកាយរបស់អ្នកត្រូវនឹងអាហារ និងរសជាតិជាក់លាក់មួយចំនួន។
ប៉ុន្តែអ្នកទំនងជាផ្លាស់ប្តូរទម្លាប់នេះដើម្បីធ្វើឱ្យសាច់ថ្លៃ និងស្វាមីសប្បាយចិត្ត និងទទួលយកវិធីសាស្ត្រចម្អិនអាហាររបស់ពួកគេ ។ រាងកាយរបស់អ្នកមានប្រតិកម្មចំពោះបញ្ហានេះដោយការផ្លាស់ប្តូរលំនាំរំលាយអាហារ ។ ប្រសិនបើវាជាអាពាហ៍ពិពាហ៍អន្តរវប្បធម៌ អ្នកប្រហែលជាត្រូវផ្លាស់ប្តូរទម្លាប់នៃការទទួលទានអាហាររបស់អ្នកទាំងស្រុង ។
៣-អ្នកចេញទៅបរិភោគខាងក្រៅផ្ទះញឹកញាប់
នៅពេលអ្នករៀបការហើយ មានន័យថាអ្នកមានសេរីភាពក្នុងការចេញទៅក្រៅ និងបរិភោគអាហារខាងក្រៅផ្ទះជារៀងរាល់ចុងសប្តាហ៍ជួនកាលថ្ងៃធ្វើការផងដែរ ។ មិនត្រឹមតែប៉ុណ្ណោះ អ្នកមានពិធីជប់លៀងអាហារពេលល្ងាចជាច្រើនដើម្បីស្គាល់មិត្តភក្តិ ក្រុមគ្រួសារ សាច់ញាតិជាដើម ។
ជាញឹកញាប់អាហារខាងក្រៅផ្ទះភាគច្រើនសំបូរកាឡូរី និងមានអាហារូបត្ថម្ភតិច ។ ការបដិសេធនឹងការអញ្ជើញទាំងនេះមិនមែនជារឿងល្អទេ ។ ទាំងអស់នេះនឹងធ្វើឱ្យទំហំចង្កេះរបស់អ្នកកើនឡើង ។
៤-អ្នកមិនសូវខ្វល់ខ្វាយពីរូបរាងរបស់អ្នក
មុនពេលរៀបអាពាហ៍ពិពាហ៍ អ្នកនឹងផ្តោតសំខាន់ទៅលើរាងស្ល៊ីមស្អាត ពេលវេលានៅក្នុងកន្លែងហាត់ប្រាណ ការត្រួតពិនិត្យលើចំណីអាហារដែលអ្នកបរិភោគ ។ ប៉ុន្តែនៅពេលដែលអាពាហ៍ពិពាហ៍បានបញ្ចប់ ហើយទំនួលខុសត្រូវកាន់តែច្រើន អ្នកនឹងមិនសូវខ្វល់ខ្វាយពីសុខភាពរបស់អ្នកទេ ។
ស្ត្រីជាញឹកញាប់មិនខ្វល់ច្រើនអំពីរាងកាយ ឬសម្បទារបស់ពួកគេទេ ។ ម៉ោងហាត់ប្រាណត្រូវបានជំនួសដោយម៉ោងចម្អិនអាហារ និងពួកគេបរាជ័យក្នុងការបរិភោគអាហារតាមគម្រោងរបស់ពួកគេ ។ ការផ្លាស់ប្តូរទាំងអស់នេះធ្វើឱ្យអ្នកឡើងទម្ងន់ក្រោយអាពាហ៍ពិពាហ៍ ៕
ចែករំលែកព័តមាននេះ