ក្រោយរកឃើញសពទាំងបងទាំងប្អូន… កុំថាឡើយសាច់ញាតិ អ្នកដទៃសែនក្ឌុកក្ឌួល
ហេតុការណ៍គួរឱ្យរន្ធត់ និងសោកសៅមួយបានធ្វើឱ្យម្តាយឪពុកស្រែកទ្រហោយំ
ហេតុការណ៍គួរឱ្យរន្ធត់ និងសោកសៅមួយបានធ្វើឱ្យម្តាយឪពុកស្រែកទ្រហោយំ
ខេត្តព្រៃវែង ៖ ហេតុការណ៍គួរឱ្យរន្ធត់ និងសោកសៅមួយបានធ្វើឱ្យម្តាយឪពុកស្រែកទ្រហោយំ នៅពេលដែលពួកគាត់បានបាត់ បង់ជីវិតកូនម្តងដល់ទៅ២នាក់ ដោយសារកូនទាំងពីរបានលង់ទឹកស្លាប់យ៉ាងអាណោចអាធ័ម ខណៈពួកគេនាំគ្នាទៅលេងទឹកដែលកំពុងហូរកួចនៅទំនប់បង្ហៀរទួលបារាយណ៍កាលពីថ្ងៃទី១៩ សីហាវេលាម៉ោង១២និង៤៥នាទីរសៀលស្ថិតក្នុងភូមិបារាយណ៍លិច សង្កាត់បារាយណ៍ ក្រុងព្រៃវែង ។
ប្រភពព័ត៌មាននៅកន្លែងកើតហេតុបានឱ្យដឹងថា គេឃើញមនុស្សចាស់ក្មេងមានប្រុសមានស្រីជាច្រើន បាននាំគ្នាមកលេងទឹកនៅចំណុចខាងលើ លុះដល់ម៉ោងប្រហែលជា១២និង៤០នាទី ស្រាប់តែមានជនរងគ្រោះចំនួន៤នាក់បានលង់ទឹក ពេលនោះក៏មានការភ្ញាក់ផ្អើល ហើយភ្លាមៗគេជួយជនរងគ្រោះបានចំនួន២នាក់ ចំណែកឯ២នាក់ទៀតដែលជាបងប្អូនបង្កើតនឹងគ្នាបានលិចបាត់ទៅក្នុងទឹកដែលកំពុងហូរកួចនោះ ។ ប្រជាពលរដ្ឋនិងសមត្ថកិច្ចជាច្រើនបាននាំគ្នាចុះរាវរករហូតដល់ម៉ោងប្រហែលជា១៦និង៣០នាទី ទើបរាវរកឃើញជនរងគ្រោះជាបន្តបន្ទាប់ដែលពួកគេបានស្លាប់ទៅហើយ ។
សមត្ថកិច្ចបានបញ្ជាក់ថា ជនរងគ្រោះដែលលង់ទឹកស្លាប់ខាងលើឈ្មោះ វី ពិសាល ភេទស្រី អាយុ១៤ឆ្នាំ និងម្នាក់ទៀតឈ្មោះ វី ពិសិដ្ឋ ភេទប្រុស អាយុ១០ឆ្នាំ ។ អ្នកទាំង២ជាបងប្អូនបង្កើតនឹងគ្នាមានឪពុកឈ្មោះ វី ហ៊ា អាយុ៤៧ឆ្នាំ ម្តាយឈ្មោះ ឡេង ម៉ាប់ អាយុ៤៤ឆ្នាំ មានទីលំនៅភូមិពោនដាំ ឃុំស្វាយអន្ទរ ស្រុកស្វាយអន្ទរ ។ សពត្រូវបានប្រគល់ឱ្យក្រុមគ្រួសារយកទៅធ្វើបុណ្យតាមប្រពៃណីដោយក្តីសោកសង្រែងយ៉ាងសង្វេគបំផុត ៕
ចែករំលែកព័តមាននេះ