សារព័ត៌មានបរទេស កាលពីថ្ងៃទី១២ មិថុនា ២០១៧ ផ្សាយថា លោកRichard Anthony Jonesអ្នកក្រុងគេនសាស់ស៊ីធី រដ្ឋគេនសាស់ សហរដ្ឋអាមេរិក ត្រូវប៉ូលិសចាប់ខ្លួនដាក់គុកជាង១៧ឆ្នាំដោយភ័ន្តច្រឡំ ហើយទើប
សារព័ត៌មានបរទេស កាលពីថ្ងៃទី១២ មិថុនា ២០១៧ ផ្សាយថា លោកRichard Anthony Jonesអ្នកក្រុងគេនសាស់ស៊ីធី រដ្ឋគេនសាស់ សហរដ្ឋអាមេរិក ត្រូវប៉ូលិសចាប់ខ្លួនដាក់គុកជាង១៧ឆ្នាំដោយភ័ន្តច្រឡំ ហើយទើបតែរួចខ្លួនមានសេរីភាពវិញ ។
លោកJonesបានជាប់ពន្ធនាគារពីបទប្លន់ដោយប្រើអាវុធកាលពីឆ្នាំ១៩៩៩ និងត្រូវសាក្សីបញ្ជាក់ថា គេជាអ្នកប្រព្រឹត្ត ។ ទោះបីជាបែបណាក៏ដោយក្នុងសវនាការកាលពីពេល ថ្មីៗកន្លងមក សាក្សីដើមបែរជាមិនអាចបង្ហាញភិនភាគរវាងលោក Jones និងបុរសម្នាក់ទៀតឈ្មោះ Ricky បាន ព្រោះពួកគេមានមុខស្រដៀងគ្នា ។
ក្រៅពីនេះនៅមានករណីពិសេសគួរឱ្យសង្ស័យជាច្រើនចំណុច ខណៈពេលលោក Jones ជាមនុស្សបរិសុទ្ធ ព្រោះស្នាក់នៅក្រុងគេនសាស់ស៊ីធី ចំណែកបុរសដែលមានមុខដូចគេនោះរស់នៅក្នុងទីក្រុងដែលគេបង្កហេតុ ។
តុលាការរកឃើញថា រឿងក្តីនេះគ្មានវត្ថុតាងដោយត្រួតពិនិត្យផ្នែកភិនភាគ ស្នាមមេដៃធ្វើឱ្យចៅក្រមប្រកាសថា លោកJonesដែលប្រព្រឹត្តខុសគ្មានចំណុចយកជាការបានទេ ។
កន្លងមកលោកJonesព្យាយាមប្តឹងឧទ្ធរណ៍ជាច្រើនលើក ប៉ុន្តែមិនសម្រេច លុះកាលពី២ឆ្នាំមុនគេបានលេចឮរឿងរ៉ាវទាក់ទិននឹងអ្នកទោសម្នាក់ទៀត ដែលមានមុខមាត់ដូចខ្លួន ហើយឈ្មោះដើមដំបូងដូចគ្នា គេក៏គិតថាបុរសរូបនោះអាចជាជនល្មើស និងបានទាក់ទងទៅអង្គការការពារសច្ចធម៌ដើម្បីជួយសង្គ្រោះតាមផ្លូវច្បាប់ ។
មេធាវីកាន់រឿងក្តីរបស់លោកJonesបញ្ជាក់ថា«ពួកគេមានការភិតភ័យពីការមានបុគ្គលិកលក្ខណៈស្រដៀងគ្នារបស់អ្នកទាំង២ មានមុខដូចគ្នាទាំងអស់ សំណាងល្អដែលយើងរកជនល្មើសមានមុខដូចគេឃើញ» ។
លោកJonesក្រោយពីបានទទួលសេរីភាពមានក្តីរីករាយដែលបានត្រឡប់ទៅរស់នៅជាមួយកូនវិញ ៕
ចែករំលែកព័តមាននេះ