គ្រូទាយដ៏ពូកែជនជាតិព័រទុយហ្គាល់ លោក HORACIO VILLEGAS បានទស្សន៍ទាយថា ពិភពលោកយើងនេះ នឹងធ្លាក់ក្នុងភាពជ្រួលច្របល់នៃសង្គ្រាមយ៉ាងបំផ្លិចបំផ្លាញមួយនាខែឧសភា ឆ្នាំ២០១៧ ដោយសារតែផលវិបាកនៃការធ្លាក់ចុះដុនដាបខ្លាំងនៃសភាពការណ៍នៅប្រទេសស៊ីរី និងនៅកូរ៉េខាងជើង ។
គ្រូទាយនេះមុននេះធ្លាប់ទាយត្រូវពីជ័យជម្នះរបស់លោកដូណាល់ ត្រាំ ក្នុងការបោះឆ្នោតប្រធានាធិបតីអាេមរិកកាលពីខែវិច្ឆិកា ឆ្នាំ២០១៦ ។ ពេលនេះលោកថ្លែងថា សង្គ្រាមលោកលើកទី៣ នឹងផ្ទុះក្នុងឆ្នាំ២០១៧នេះ ។ លោកថា សង្គ្រាមនេះពុំអាចចៀសផុត និងថាការវាយប្រហារចុងក្រោយរបស់សហរដ្ឋអាេមរិកប្រឆាំងស៊ីរីបង្ហាញថា សង្គ្រាមនោះកាន់តែខិតចូលមកដល់ហើយ ។
លោក HORACIO VILLEGAS ព្យាករណ៍ថា សង្គ្រាមមួយចូលរួមដោយសហរដ្ឋអាមេរិក រុស្ស៊ី កូរ៉េខាងជើង និងចិននឹងផ្ទុះនាថ្ងៃទី១៣ ឧសភា ឆ្នាំ២០១៧ តាមការផ្តួចផ្តើមគំនិតរបស់ប្រធានាធិបតីអាេមរិកលោកដូណាល់ ត្រាំ ។ លោកក៏បញ្ជាក់ផងដែរថា សង្គ្រាមលោកថ្មីនឹងមិនយូរឡើយ ហើយវានឹងបញ្ចប់នាថ្ងៃទី១៣ តុលា ឆ្នាំ២០១៧ ក្រោយពីបង្កការបំផ្លិចបំផ្លាញយ៉ាងធំធេងបំផុត និងបណ្តាលឱ្យមនុស្សស្លាប់យ៉ាងច្រើនមក ។
នេះពុំមែនជាការចៃដន្យទេ ដែលហោរាព័រទុយហ្គាល់នេះជ្រើសរើសយកថ្ងៃទី១៣ ឧសភា ជាថ្ងៃផ្ទុះសង្គ្រាមលោកលើកទី៣ ។ តាមរឿងនិទានកាលពី១០០ឆ្នាំមុន ព្រះម៉ែ MARIE នៅ FATIMA ប្រទេសព័រទុយហ្គាល់បានទស្សន៍ទាយពីការបញ្ចប់សង្គ្រាមលោកលើកទីមួយ ។ ថ្ងៃទី១៣ តុលា កំណត់ពីការលេចព្រះភ័ក្ត្រជាលើកទី៦ និងជាលើកចុងក្រោយនៅ FATIMA របស់ព្រះម៉ែ MARIE ហើយព្រះម៉ែ MARIE ទាយថា សង្គ្រាមនឹងបញ្ចប់រួចបណ្តាកងទាហាននឹងបានវិលត្រលប់ទៅផ្ទះវិញក្នុងពេលឆាប់ៗ ។
សង្គ្រាមលោកទីមួយផ្ទុះឡើងនាថ្ងៃទី២៨ កក្កដា ឆ្នាំ១៩១៤ ដល់ថ្ងៃទី១១ វិច្ឆិកា ឆ្នាំ១៩១៨ ។ ចំណែកសង្គ្រាមលោកលើកទី២ ផ្ទុះនាថ្ងៃទី១ កញ្ញា ឆ្នាំ១៩៣៩ ដល់ថ្ងៃទី២ កញ្ញា ឆ្នាំ១៩៤៥ ។ រីឯសង្គ្រាមកូរ៉េផ្ទុះនាថ្ងៃទី២៦ មិថុនា ឆ្នាំ១៩៥០ ហើយចប់ថ្ងៃទី២៧ កក្កដា ឆ្នាំ១៩៥៣ ៕
ចែករំលែកព័តមាននេះ