នារីវ័យក្មេងម្នាក់ ខណៈដើរឆ្លងថ្នល់ជាតិ ស្រាប់តែ…
ខេត្តកណ្តាល ៖ នារីវ័យក្មេងម្នាក់ ខណៈកំពុងដើរឆ្លងថ្នល់ជាតិស្រាប់តែត្រូវម៉ូតូបុកយ៉ាងពេញទំហឹងបណ្ដាលឲ្យរងរបួសធ្ងន់ ។ ហេតុការណ៍នេះកើតឡើងកាលពីវេលាម៉ោង …
ខេត្តកណ្តាល ៖ នារីវ័យក្មេងម្នាក់ ខណៈកំពុងដើរឆ្លងថ្នល់ជាតិស្រាប់តែត្រូវម៉ូតូបុកយ៉ាងពេញទំហឹងបណ្ដាលឲ្យរងរបួសធ្ងន់ ។ ហេតុការណ៍នេះកើតឡើងកាលពីវេលាម៉ោង …
ខេត្តកណ្តាល ៖ នារីវ័យក្មេងម្នាក់ ខណៈកំពុងដើរឆ្លងថ្នល់ជាតិស្រាប់តែត្រូវម៉ូតូបុកយ៉ាងពេញទំហឹងបណ្ដាលឲ្យរងរបួសធ្ងន់ ។ ហេតុការណ៍នេះកើតឡើងកាលពីវេលាម៉ោង៦ និង១៥នាទីព្រឹក ថ្ងៃទី២២ ខែកុម្ភៈ ឆ្នាំ២០១៧ នៅលើកំណាត់ផ្លូវជាតិលេខ១ ចន្លោះគីឡូម៉ែត្រលេខ៤១-៤២ ស្ថិតក្នុងភូមិស្ទឹង ឃុំសំរោងធំ ស្រុកកៀនស្វាយ ។
នារីវ័យក្មេងរងគ្រោះឈ្មោះ សៀ ធិប អាយុ១៩ឆ្នាំ ជនជាតិខ្មែរមុខរបរកម្មការិនីរោងចក្រកាត់ដេរ មានទីលំនៅភូមិ-ឃុំកើតហេតុ បានរងរបួសក្បាលយ៉ាងធ្ងន់ធ្ងរ ត្រូវក្រុមគ្រួសារដឹកយកទៅសង្គ្រោះនៅមន្ទីរពេទ្យកាល់ម៉ែត រាជធានីភ្នំពេញ ។ ចំណែកភាគីម៉ូតូម៉ាកហុងដាវ៉េវ១២៥ ពណ៌ខ្មៅលាយស្វាយ ពាក់ស្លាកលេខ ភ្នំពេញ 1CT-1119 អ្នកបើកបរមិនត្រូវបានស្គាល់អត្តសញ្ញាណនៅឡើយទេ ហើយរត់គេចខ្លួនបាត់ស្រមោលមុនពេលសមត្ថកិច្ចចុះទៅដល់ ដោយបន្សល់ទុកតែម៉ូតូ និងស្ត្រីអ្នករួមដំណើរជាមួយម្នាក់នៅកន្លែងកើតហេតុ ។
តាមរបាយការណ៍របស់សមត្ថកិច្ចនគរបាលបានឲ្យដឹងថា មុនពេលកើតហេតុគេឃើញនារីរងគ្រោះបានដើរឆ្លងថ្នល់ពីកើតទៅលិច ដើម្បីចាំជិះរ៉ឺម៉កទៅធ្វើការនៅរោងចក្រកាត់ដេរសួនឧស្សាហកម្មសំរោងធំ ខណៈឆ្លងជិតផុតចែងផ្លូវខាងលិច ស្រាប់តែត្រូវម៉ូតូ១គ្រឿងបើកយ៉ាងលឿនក្នុងទិសដៅពីភ្នំពេញទៅអ្នកលឿងមកបុកពេញទំហឹងបណ្តាលឲ្យនារីរងគ្រោះប៉ើងបោកក្បាលនឹងថ្នល់ជាតិរងរបួសធ្ងន់ធ្ងរតែម្តង ។
សមត្ថកិច្ចបញ្ជាក់ថា ស្ត្រីអ្នករួមដំណើរជាមួយភាគីម៉ូតូឈ្មោះ ផៃ ចន្ថា អាយុ២៨ឆ្នាំ ជនជាតិខ្មែរ មុខរបរកម្មការិនីរោងចក្រកាត់ដេរ មានទីលំនៅភូមិខ្លែងគង់ ឃុំអង្គរាជ្យ ស្រុកព្រះស្តេច ខេត្តព្រៃវែង បានប្រាប់សមត្ថកិច្ចថា រូបគាត់បានជួលម៉ូតូឌុបនេះពីច្បារអំពៅជិះទៅស្រុកកំណើត ក្នុងតំលៃ៣ម៉ឺនរៀល ដើម្បីទៅមើកឪពុកមានជំងឺនៅស្រុក គឺមិនជាប់ពាក់ព័ន្ធសាច់ញាតិជាមួយម្ចាស់ម៉ូតូទេ ។
បន្ទាប់ពីសួរនាំរួច សមត្ថកិច្ចបានឲ្យស្ត្រីអ្នករួមដណើរបន្តដំណើរទៅផ្ទះ រួចធ្វើការវាស់វែងយកម៉ូតូទៅរក្សាទុកនៅអធិការដ្ឋាននគរបាលស្រុកកៀនស្វាយចាត់ការតាមនីតិវិធី ៕
ចែករំលែកព័តមាននេះ