SPACEX បញ្ជូនយានអវកាសកាហ្គោទៅកាន់ ISS
ក្រោយពីបរាជ័យមួយកាលពីខែកញ្ញា ក្រុមហ៊ុនអវកាសអាមេរិក SPACEX នាថ្ងៃទី១៩ កុម្ភៈ បានបា.ញ់បញ្ជូនយានអវកាសកាហ្គោ DRAGON ដែលត្រូវផ្គត់ផ្គង់ស្បៀង …
ក្រោយពីបរាជ័យមួយកាលពីខែកញ្ញា ក្រុមហ៊ុនអវកាសអាមេរិក SPACEX នាថ្ងៃទី១៩ កុម្ភៈ បានបាញ់បញ្ជូនយានអវកាសកាហ្គោ DRAGON ដែលត្រូវផ្គត់ផ្គង់ស្បៀង និងឧបករណ៍នានាមានទម្ងន់ជាង២,២តោនដល់ស្ថានីយអវកាសអន្តរជាតិ ISS ។
ក្រោយពីពន្យារពេលកាលពីថ្ងៃទី១៨ កុម្ភៈ ការបាញ់បញ្ជូនយាន DRAGON នោះមកពីបញ្ហាបច្ចេកទេសលើកាំជ្រួច FALCON ៩ក្រុមហ៊ុន SPACEX បានបាញ់បញ្ជូនយាននេះនាថ្ងៃទី១៩ កុម្ភៈ ចេញពីទីតាំងបាញ់បង្ហោះ CAP CANAVERAL ដើម្បីបំពេញបេសកកម្មផ្គត់ផ្គង់ស្បៀង និងបណ្តាឧបករណ៍សម្រាប់ការពិសោធន៍ខាងវិទ្យាសាស្ត្រដល់បណ្តាអវកាសយានិកដែលប្រចាំការនៅ ISS ។ កាំជ្រួចបានចាកចេញពីជើងទម្របាញ់ 39A នៅមជ្ឈមណ្ឌលអវកាសកេណ្ណឺឌី រដ្ឋផ្លរីដា ដូចការគ្រោងទុកទៅកាន់ផ្ទៃមេឃនាវេលាម៉ោង១៥និង៣៨នាទីម៉ោងក្នុងស្រុក ។ យាន DRAGON បានបំបែកចេញពីជាន់ទី២នៃកាំជ្រួចដូចការគ្រោងទុកមិនដល់១០នាទីផង ក្រោយការហោះឡើង ដើម្បីចាប់ផ្តើមហោះហើរឆ្ពោះទៅកាន់ស្ថានីយ ISS ហើយគ្រោងទៅដល់នាព្រឹកថ្ងៃទី២១ កុម្ភៈ ។
ការបាញ់បញ្ជូនយាននេះជាលើកដំបូងចេញពីជើងទម្របាញ់បង្ហោះប្រវត្តិសាស្ត្រ 39 A របស់ NASA ចាប់តាំងពីឆ្នាំ២០១១មក ។ ចេញពីជើងទម្រនេះ ហើយដែលគេបាញ់បញ្ជូនយាន APOLLO ទៅកាន់ភពព្រះចន្ទ កាលពីទសវត្សឆ្នាំ១៩៦០ និង១៩៧០ ព្រមទាំងយានអវកាសនានារវាងឆ្នាំ១៩៨១ ទៅ២០១១ ៕
ចែករំលែកព័តមាននេះ