ខេត្តស្វាយរៀង ៖ ភ្លៀងមួយមេធំ ធ្វើឱ្យផ្លូវជាច្រើនខ្សែនៅក្នុងស្រុកកំពង់រោទិ៍ត្រូវខូចជារណ្តៅស្រាប់នោះ រឹតតែបែកល្បាប់រអិលយ៉ាងខ្លាំង បណ្តាលឱ្យរថយន្តដឹកកម្មកររោងចក្រទៅធ្វើការជាប់គាំងចំនួនជាង៦០គ្រឿង មិនអាចធ្វើចរាចរណ៍ទៅមុខបាន ដែលកម្មករជាង១ពាន់នាក់ ត្រូវខកខានមិនបានទៅធ្វើការ រហូតមកដល់វេលាម៉ោង០៨ និង១៥នាទីព្រឹកថ្ងៃទី២៨ តុលា ២០១៦ នេះ ។
កម្មករ-កម្មការនីជាច្រើនបានរអ៊ូររទាំថា អាជ្ញាធរដូចជាមិនអើពើរសោះ ដែលកម្មករកម្មការនីដាក់សំណូមពរឱ្យអាជ្ញាធរខេត្តជំរុញឱ្យមន្ទីរជំនាញមកធ្វើការឈុសឆាយផ្លូវសម្រួលឱ្យយប្រជាពលរដ្ឋ បានធ្វើដំណើរបានស្រួល ជាពិសេសរថយន្តដឹកកម្មករកម្មការនី ទៅធ្វើការឲ្យបានទាន់ពេលវេលា បើមិនដូច្នោះទេ ថៅកែររោងចក្រស្តីបន្ទាសហើយកាត់ប្រាក់ខែទៀត ដោយសារតែផ្លូវពិបាកការធ្វើដំណើរជាប់ផុង និងរអិលខ្លាំងនេះ ។
បើតាមមន្ត្រីសាលាខេត្តម្នាក់បានឲ្យដឹងថា ពុំមែនមានតែស្រុកកំពង់រោទិ៍មួយទេ ដែលផ្លូវខូចនោះ គឺផ្លូវជនបទជាច្រើនខ្សែក្នុងខេត្តស្វាយរៀងត្រូវស្រុតខូច ក៏ប៉ុន្តែអ្នកបើកគេបើកវាង និងបន្តឲ្យខូចផ្លូវផ្សេងថែមទៀត បើភ្លៀងនៅតែធ្លាក់បន្ត មិនអាចឲ្យមន្ទីរជំនាញទៅជួសជុលឬឈុសឆាយបាន ។
លទ្ធផលចុងក្រោយក ម្មករកម្មការនីចំនួនជាង១ពាន់នាក់ មកពីរឃុំចំនួន៦ក្នុងស្រុកកំពង់រោទិ៍ គឺឃុំញរ ឃុំសំឡី ឃុំខ្សែត្រ ឃុំថ្នី ឃុំត្នោត និងឃុំស្វាយតាយាន និងឃុំច្រេស ស្រុកចន្ទ្រា បានបង្ខំចិត្តត្រឡប់ក្រោយទៅផ្ទះវិញ ។
ចែករំលែកព័តមាននេះ