ខេត្តសៀមរាប ៖ កម្លាំងសមត្ថកិច្ចគយនៅច្រកអាកាសយានដ្ឋានអន្តរជាតិសៀមរាប ខណៈដែលអ្នកដំណើរទាំងអស់ចូលមកដល់នៃការិយាល័យត្រួតពិនិត្យគយអាកាសយានដ្ឋានអន្តរជាតិសៀមរាប
ខេត្តសៀមរាប ៖ កម្លាំងសមត្ថកិច្ចគយនៅច្រកអាកាសយានដ្ឋានអន្តរជាតិសៀមរាប ខណៈដែលអ្នកដំណើរទាំងអស់ចូលមកដល់នៃការិយាល័យត្រួតពិនិត្យគយអាកាសយានដ្ឋានអន្តរជាតិសៀមរាប នៅពេលត្រួតពិនិត្យក៏បានឃើញទូរស័ព្ទ iPhone 7 និងiPhone7 Plusចំនួន៥៥គ្រឿងដែលឈ្មួញបានលួចនាំចូលមកពីប្រទេសចិនដោយមិនទាន់បានបង់ពន្ធ ត្រូវបានឃាត់ខ្លួន និងដកហូតវត្ថុតាងនោះភ្លាមៗផងដែរ ដើម្បីធ្វើការសួនាំ រួចបញ្ជូនទៅអគ្គនាយកដ្ឋានគយនិងរដ្ឋាករ នៃរាជធានីភ្នំពេញ។
ប្រតិបត្តិការចាប់ទូរស័ព្ទនេះធ្វើឡើងនៅថ្ងៃទី២០ ខែតុលា ឆ្នាំ២០១៦ នៅច្រកអ្នកដំណើរមកដល់នៃការិយាល័យត្រួតពិនិត្យគយអាកាសយានដ្ឋានអន្តរជាតិសៀមរាប។ បើតាមប្រភពពីមន្ត្រីគយព្រលានបានឱ្យដឹងនៅរសៀលថ្ងៃទី២២ ខែតុលា ឆ្នាំ២០១៦ថា កម្លាំងសមត្ថកិច្ចគយនៅច្រកអ្នកដំណើរមកដល់នៃការិយាល័យត្រួតពិនិត្យគយអាកាសយានដ្ឋានអន្តរជាតិសៀមរាប បានចាប់ទូរស័ព្ទ iPhone 7 និង iPhone 7 Plus ចំនួន៥៥គ្រឿង ដែលឈ្មួញបានលួចនាំចូលមកពីប្រទេសចិនដោយបានមិនបង់ពន្ធ។
មន្ត្រីដដែលបន្តថា ឈ្មួញលួចនាំទូរស័ព្ទចូលនេះមានឈ្មោះ HO CHUN NANG JIVE ភេទប្រុស សញ្ជាតិចិនហុងកុង ធ្វើដំណើរតាមជើងហោះហើរលេខ UO706 ហុងកុង-សៀមរាប។ បច្ចុប្បន្នម្ចាស់ទូរស័ព្ទខាងលើត្រូវបានសមត្ថកិច្ចរៀបចំកសាងសំណុំរឿង បញ្ជូនអគ្គនាយកដ្ឋានគយ និងរដ្ឋាករ នៃរាជធានីភ្នំពេញ ដើម្បីធ្វើការផាកពិន័យទៅតាមផ្លូវច្បាប់ ប្រសិនបើម្ចាស់ រឹងរូស និងច្បាប់របស់ព្រះរាជាណាចក្រកម្ពុជា កម្លាំងជំនាញនឹងបញ្ជូនទៅតុលាការ ដើម្បីចាត់ការតាមនីតិវិធី៕
ចែករំលែកព័តមាននេះ