ទាល់តែបោក ទើបជឿ !
ប្រទេសកម្ពុជារងកម្មក៏ច្រើនរបប ច្រើនជំនាន់មកហើយ…ដើម្បីរក្សាសន្តិភាព…អ្នកដឹកនាំបានប្រកាន់យករបបនយោបាយអព្យាក្រិត្យមិនចូលបក្សសម្ព័ន្ធ…
ប្រទេសកម្ពុជារងកម្មក៏ច្រើនរបប ច្រើនជំនាន់មកហើយ…ដើម្បីរក្សាសន្តិភាព…អ្នកដឹកនាំបានប្រកាន់យករបបនយោបាយអព្យាក្រិត្យមិនចូលបក្សសម្ព័ន្ធ…។ ជានយោបាយទទួលយកជំនួយពីគ្រប់បណ្តាប្រទេស…ទោះកុំមុយនិស្ត ឬលោកសេរីក្តី ឱ្យតែផ្តល់ជំនួយ…ទទួលយកទាំងអស់…យកដោយដៃទាំងទ្វេ…។
ប្រទេសអ្នកមានទាំងឡាយដែលផ្តល់ជំនួយឱ្យកម្ពុជាកន្លងមក មាន២ប្រភេទផ្ទុយគ្នា…
ប្រភេទទី១ ៖ ផ្តល់ជំនួយដោយឥតមានលក្ខខណ្ឌ…ផ្តល់ទាំងផ្ទាំងៗ សម្រាប់អភិវឌ្ឍហេដ្ឋារចនាសម្ព័ន្ធ…ផ្តល់ឱ្យផង…អាចខ្ចីបានដោយសេរីទៀតផង…គ្មានដាក់គំនាប ឬលក្ខខណ្ឌក្រម៉ស្រែងណាមួយទេ…។
ប្រភេទទី២ ៖ ផ្តល់ជំនួយអមដោយលក្ខខណ្ឌ…បើធ្វើតាមបញ្ជា…តាមខ្សែញាក់…នោះទើបអញឱ្យ…បើមិនធ្វើតាមទេ គឺអត់ !…មិនត្រឹមតែមិនឱ្យជំនួយទេ ថែមទាំងខឹង…ថែមទាំងបញ្ចេញកំហឹងដាក់ទៀត…ធ្វើដូចប្រជាជាតិកម្ពុជាទីងមោង…មិនធ្វើតាមខ្សែញាក់…
សម័យសម្តេចព្រះនរោត្តម សីហនុ ដឹកនាំប្រទេស…ជំនួយណាមានលក្ខខណ្ឌ…ព្រះអង្គមិនទទួលយកទេ…ព្រោះជាជំនួយដែលរំលោភលើអធិបតេយ្យភាព…ដោយព្រះអង្គមិនធ្វើជាអាយ៉ង…គេយកជំនួយអមដោយលក្ខខណ្ឌនោះឱ្យទៅមេទ័ព លន់ នល់…ទីបំផុត លន់ នល់ ក្លាយជាអាយ៉ងធ្វើរដ្ឋប្រហារភ្លាម…នេះហើយជំនួយដែលមានចំណង…ហើយទីបំផុតទៀត…រត់ចោល លន់ នល់…រត់ចោលកម្ពុជាឱ្យធ្លាក់ក្នុងរណ្តៅមរណៈស្ទើរដាច់
ពូជ…។ ឱ ! កម្ពុជាអើយ…កម្មមែន !
សតវត្សរ៍នេះជំនួយតាមលងដដែល…តាមលងដល់របបតេជោសែន ដែលដឹកនាំប្រទេសកំពុងមានសន្តិភាពពេញលេញ…។
សម្តេចតេជោសែន ប្រកាសថ្ងៃមុននេះថា ជំនួយណាមានលក្ខខណ្ឌ…បើមិនឱ្យទេ ហីទៅវ៉ើយ…!
បានន័យថា បើចង់ជួយកម្ពុជា ជួយមក…កុំផ្តល់ជំនួយអមដោយលក្ខខណ្ឌនេះ…លក្ខខណ្ឌនោះ…សូមកុំ !…កម្ពុជាមិនត្រូវការទេ ។
អាឡេវយល់ថា បើផ្តល់ជំនួយអមដោយលក្ខខណ្ឌសម្រាប់កម្ពុជាផ្តល់ឱ្យបានតែជាមួយ លន់ នល់-សិរិមតៈ ក្នុងសម័យមុន…។
រីឯសម័យនេះបើផ្តល់ឱ្យបក្សដែលចាញ់…សូមផ្តល់ឱ្យដោយសេរី…ពួកគេអាចធ្វើជាអាយ៉ងចាំតែទទួល…ទោះបីផ្តល់ជំនួយឱ្យ ហើយដាក់លក្ខខណ្ឌកុំឱ្យមានស្រី…ក៏គាត់ទទួលដែរ…ហេ ! ហេ !…បើហ៊ានជឿមុខជាអស់ស្រូវពូជ !
ជាមួយអ្នកដាក់លក្ខខណ្ឌ ទាល់តែបោក ទើបជឿ !
អាឡេវ
ចែករំលែកព័តមាននេះ