ក្រុមហ៊ុន Amazon.com Inc នឹងវិនិយោគ ៣ពាន់លានដុល្លារបន្ថែមទៀត ដើម្បីបង្កើនអាជីវកម្មរបស់ខ្លួននៅប្រទេសឥណ្ឌាដោយនាំយកការវិនិយោគគ្រោងទុកសរុបរបស់ក្រុមហ៊ុនក្នុងប្រទេសនេះចាប់តាំងពីឆ្នាំ២០១៤មក។
ក្រុមហ៊ុន Amazon.com Inc នឹងវិនិយោគ ៣ពាន់លានដុល្លារបន្ថែមទៀត ដើម្បីបង្កើនអាជីវកម្មរបស់ខ្លួននៅប្រទេសឥណ្ឌាដោយនាំយកការវិនិយោគគ្រោងទុកសរុបរបស់ក្រុមហ៊ុនក្នុងប្រទេសនេះចាប់តាំងពីឆ្នាំ២០១៤មក។ លោក Jeff Bezos ស្ថាបនិក និងជានាយកប្រតិបត្តិក្រុមហ៊ុនប្រកាសពីការវិនិយោគកាលពីថ្ងៃអង្គារទី៧ មិថុនា ២០១៦ នៅកិច្ចប្រជុំកំពូលនៃអ្នកដឹកនាំក្រុមប្រឹក្សាអាជីវកម្មសហរដ្ឋអាមេរិក-ឥណ្ឌាដែលលោកនាយករដ្ឋមន្ត្រីឥណ្ឌា Narenda Modi និយាយទៅកាន់នាយកប្រត្តិបត្តិរបស់ក្រុមហ៊ុន Amazon ។
លោក Jeff Bezos និយាយថា «យើងបានបង្កើតការងារច្រើនជាង៤៥.០០០កន្លែងក្នុងប្រទេសឥណ្ឌា និងបន្តសម្លឹងមើលសក្តានុពល ធំៗផ្សេងទៀតក្នុងសេដ្ឋកិច្ចឥណ្ឌា» ។ យ៉ាងណាមិញក្រុមការងាររបស់ក្រុមហ៊ុន Amazon កំពុងតែរកវិធីសាស្ត្រថ្មី ដើម្បីពង្រីកទីផ្សារដែលមានស្រាប់ក្នុងប្រទេសនេះ ។
ក្រុមហ៊ុន Amazon បានទទួលប្រាក់ចំណូលអន្តរជាតិច្រើនបំផុតពីចក្រភពអង់គ្លេស អាល្លឺម៉ង់ និងប្រទេសជប៉ុន ។ ដោយឡែកក្រុមហ៊ុនមិនបានបំបែកចេញការលក់ពីប្រទេសឥណ្ឌានោះទេ ពោលគឺជំនួសមកវិញនូវក្រុមមួយជាមួយនឹងទីផ្សារអន្តរជាតិ ។ ប្រាក់ចំណូលពីក្រុមនោះកាលពីឆ្នាំ២០១៥ឈានដល់៧,៤ពាន់លានដុល្លារ ឬក៏ ៦,៩%នៃការលក់សរុប ។
ក្រុមហ៊ុន Amazon បានជ្រើសរើសប្រទេសឥណ្ឌាជាគោលដៅចម្បងសម្រាប់ការរីកចម្រើនឆ្ពោះទៅមុខ ហើយក្រុមហ៊ុននេះបានប្រកួតប្រជែងដ៏ស្វិតស្វាញជាមួយក្រុមហ៊ុនក្នុងប្រទេសឥណ្ឌា Flipkart ផងដែរ ៕
ចែករំលែកព័តមាននេះ